Фон для радио  - Sputnik Արմենիա, 1920
ՌԱԴԻՈ

Կրեդիտային համակարգն ինչպե՞ս կազդի սովորողի վերաբերմունքի վրա

Թորոսյան. Կրեդիտային համակարգն էականորեն կփոխի ուսման նկատմամբ սովորողի վերաբերմունքը
Բաժանորդագրվեք
Yandex newsTelegram
Կրթության զարգացման և նորարարությունների ազգային կենտրոնի տնօրենի ժամանակավոր պաշտոնակատար Արտաշես Թորոսյանը Sputnik Արմենիայի եթերում անդրադարձել է կրթության կրեդիտային համակարգի ներդրման յուրահատկություններին։
Կրեդիտային համակարգն էականորեն փոխում է ուսման նկատմամբ սովորողի վերաբերմունքը` բարձրացնելով նրա գիտելիքների, հմտությունների ծավալը։ Այսպես է կարծում Կրթության զարգացման և նորարարությունների ազգային կենտրոնի տնօրենի ԺՊ Արտաշես Թորոսյանը։
Կրեդիտային համակարգը ներդրվում է կրթության երրորդ աստիճանում, այսինքն` ավագ դպրոցներում։ Սկզբնական փուլում այն փորձարկվելու է ուսումնական հաստատություններում, որոնք համագործակցում են այս կամ այն ԲՈՒՀ–ի հետ, ինչպես նաև Տավուշի մարզի ավագ դպրոցներում, որովհետև այնտեղ ներկա պահին փորձարկվում է հանրակրթության պետական չափորոշիչը։
Բուհ - Sputnik Արմենիա, 1920, 29.09.2021
Ինչ հիմքով են պատերազմին մասնակցած ուսանողներից ուսման վարձ պահանջում. ԿԳՄՍՆ պարզաբանումը
«Գործող համակարգով կարող է ստացվել այնպես, որ սովորողը տվյալ թեման, օրինակ մաթեմատիկա առարկայից, բանավոր չկարողանա պատասխանել կամ հետագայում թեմատիկ գրավոր աշխատանքի մեջ այդ թեմայից ընդգրկված հարցին պատասխանի սխալ, իսկ մյուս թեմաների հարցերին պատասխանի ճիշտ և ստացվի, որ նա մաթեմատիկա առարկայից առաջին կիսամյակում ստացել է դրական գնահատական, թեև վերոհիշյալ հարցը չի յուրացրել»,– Sputnik Արմենիայի հետ զրույցում նման նշեց Թորոսյանը։
Նրա կարծիքով` թեև փաստացի ստացվում է, որ սովորողը, ըստ ստացած կիսամյակային, իսկ հետագայում նաև տարեկան գնահատականով մաթեմատիկայի անհրաժեշտ դասընթացը յուրացրել է բավարար մակարդակով, բայցևայնպես այստեղ առաջանում է հակասություն, որովհետև գործընթացի կազմակերպումը փաստացի հանգեցնում է նրան, որ մարդիկ կարող են լիարժեք չուսումնասիրել նյութը, իսկ յուրաքանչյուր չուսումնասիրած նյութ դժվարացնում է ուսումնառության հաջորդ փուլը։
Դպրոցականների միջազգային օլիմպիադաների հաղթողներն անվանական կրթաթոշակ կստանան
«Հետագայում սովորողներն իրենց ուսումնառությունը շարունակում են բուհերում, բայց, օրինակ, տվյալ առարկայի մեջ ունեցած բացթողումները դժվարություններ են ստեղծում բուհական մասնագիտական դասընթացի յուրացման ժամանակ։ Հետևաբար` կրեդիտային համակարգը պահանջում է, որ սովորողը մասնակցի բոլոր դասերին, լաբորատոր աշխատանքներին, հետազոտություններին, գործնական պարապմունքներին, այսինքն` պետք է անցնի ուսման համար նախատեսված գործընթացներով, դրանք հանձնի լիարժեք չափով, որպեսզի չափորոշիչներով սահմանված յուրաքանչյուր վերջնարդյունք յուրացնի բավարար մակարդակով և նոր ստանա կրեդիտ։ Եթե սովորողը չյուրացնի դասընթացը, ուրեմն պետք է նորից անցնի այն, որպեսզի ստանա պակասող կրեդիտները, այլ ոչ թե գա վերաքննության և մեկ–երկու պարագրաֆ սերտելով, մեկ կամ երկու հարցի պատասխանելով` տպավորություն թողնի, թե տիրապետում է թեմային»,– նշեց նա։
Թորոսյանի համոզմամբ` բնականաբար ոչ ոք չի ցանկանա ցածր կրեդիտներ ստանալ, ուստի կձգտի յուրացնել ամբողջ դասընթացը` ստանալով ամբողջական կրեդիտներ, դառնալով ավելի պատասխանատու ուսումնական գործընթացի նկատմամբ։ Կրեդիտային համակարգը կբարձրացնի սովորողի գիտելիքների, հմտությունների ծավալը, որը հետագայում կարտահայտվի նրա ընտրության մեջ` կգնա՞ բուհ, թե՞ կանցնի աշխատանքի։
Ուսանողների թիվը բուհերում` ըստ մասնագիտությունների - Sputnik Արմենիա, 1920, 30.09.2021
ՀՀ կրթական համակարգի վերջին 5 տարվա փոփոխությունները` թվերով
Թորոսյանի խոսքով` կրեդիտային համակարգի անցման կարգը նոր է բոլորել հանրային քննարկման փուլը և դեռ պետք է հաստատվի, որից հետո նոր կարգի հիման վրա կմշակվի կրեդիտների ստացման գործընթացը։ Ըստ նրա` կրեդիտային համակարգի ներդրման արդյունքում մարդիկ կդառնան ավելի շատ գիտելիքով զինված, ավելի գրագետ, ինչը բավականին կփոխի ուսուցման կլիման։
Լրահոս
0