https://arm.sputniknews.ru/20211006/pvokhvarchapety-hajtnec-inchpes-koroshvi-te-vor-qartezi-himan-vra-sahmanazatum-kanen-34005276.html

Փոխվարչապետը հայտնեց` ինչպես կորոշվի, թե որ քարտեզի հիման վրա սահմանազատում կանեն

Փոխվարչապետը հայտնեց` ինչպես կորոշվի, թե որ քարտեզի հիման վրա սահմանազատում կանեն

Sputnik Արմենիա

«Հայաստան» խմբակցության պատգամավորը հետաքրքրվեց` եթե սահմանազատման և սահմանագծման աշխատանքներն իրականացնելիս պետք է առաջնորդվեն Սովետական Հայաստանի... 06.10.2021, Sputnik Արմենիա

2021-10-06T17:09+0400

2021-10-06T17:09+0400

2021-10-06T18:11+0400

արցախ

հայաստան

մհեր գրիգորյան

արթուր խաչատրյան

դեմարկացիա

https://cdn.am.sputniknews.ru/img/07e5/02/0a/26402342_0:84:1601:984_1920x0_80_0_0_f1fe39e49cbba4938504f3f478829f4a.jpg

ԵՐԵՎԱՆ, 6 հոկտեմբերի – Sputnik. Ամբողջական և համապարփակ իրավական հիմքերի և հենքերի հետազոտությունից հետո միայն պարզ կդառնա, թե որ քարտեզը հիմք կհանդիսանա գործընթացներ սկսելու համար։ Ադրբեջանում շփոթմունք կա. ԱԽ քարտուղարը` ԼՂ հարցի և սահմանազատման մասինԿառավարության անդամների հետ հարցուպատասխանի ժամանակ նման կարծիք հայտնեց փոխվարչապետ Մհեր Գրիգորյանը` պատասխանելով «Հայաստան» խմբակցության պատգամավոր Արթուր Խաչատրյանի հարցին։ Նշենք, որ Խաչատրյանը հետաքրքրվեց` եթե սահմանազատման և սահմանագծման աշխատանքներն իրականացնելիս պետք է առաջնորդվեն Սովետական Հայաստանի սահմաններով, ապա արդյո՞ք ՀՀ–ն պահանջելու է Ադրբեջանից իր զորքերը դուրս հանել ԼՂ–ից։ Նրա խոսքով` ՀՀ անկախության հռչակման մասին Գերագույն խորհրդի 1991 թվականի սեպտեմբերի 23-ի որոշումը հղում է կատարում ՀՀ անկախության մասին 1990 թվականին օգոստոսի 23-ի հռչակագրին։ Սա էլ, ըստ Խաչատրյանի, հիմնվում է 1989-ի դեկտեմբերի 1-ի Հայկական ԽՍՀ և ԼՂ վերամիավորման մասին Հայկական ԽՍՀ Գերագույն խորհրդի և ԼՂ Ազգային խորհրդի համատեղ որոշման վրա։ Այսինքն` Սովետական Հայաստանը, որի հիմքի վրա ստեղծվել է ՀՀ–ն, ներառում էր ԼՂԻՄ 5 շրջանները և Շահումյանի շրջանը։«Սահմանազատման և սահմանագծման գործընթացներում ինչպես նախապատրաստական, այնպես էլ իրականացման փուլերում առաջին հերթին կարևոր են ոչ թե քարտեզները, այլ այն իրավական ակտերը, որոնք վավեր են և որոնց հիման վրա էլ կազմվել են քարտեզները։ Դրանք, իհարկե, իրենց հերթին պետք է հետազոտվեն»,–ասաց Խաչատրյանը։ Նրա խոսքով` պետք է մաքսիմալ հետազոտվեն այն ակտերը, որոնք երկկողմ համաձայնեցված են եղել և որոնց հիման վրա էլ քարտեզագրում է եղել։

https://arm.sputniknews.ru/20210930/mvoskvan-spasum-e-erevani-ev-baqvi-ardzaganqin-sahmanazatman-arajarki-veraberjal-rd-agn-33803125.html

2021

Լուրեր

am_HY

արցախ, հայաստան, մհեր գրիգորյան, արթուր խաչատրյան, դեմարկացիա