https://arm.sputniknews.ru/20211007/irany-hhi-ognutjamb-nvor-tarancik-qartez-e-gtsum-kvovkasjan-mijancqi-hetqervov-34054509.html
Իրանը ՀՀ–ի օգնությամբ նոր տարանցիկ քարտեզ է գծում. «Կովկասյան միջանցքի» հետքերով
Իրանը ՀՀ–ի օգնությամբ նոր տարանցիկ քարտեզ է գծում. «Կովկասյան միջանցքի» հետքերով
Sputnik Արմենիա
Հայաստանը կարող է Իրանից Բաքվով և Անկարայով դեպի Ռուսաստան ու Եվրոպա տանող տրանսպորտային ուղիների այլընտրանք դառնալ։ Սակայն Երևանը պարտավոր է կարճ... 07.10.2021, Sputnik Արմենիա
2021-10-07T23:00+0400
2021-10-07T23:00+0400
2021-10-07T23:00+0400
հայաստան
իրանի իսլամական հանրապետություն
քարտեզ
https://cdn.am.sputniknews.ru/img/984/28/9842852_0:84:1601:984_1920x0_80_0_0_3e8e53b40938a400a4934acc0354b316.jpg
ԵՐԵՎԱՆ, 7 հոկտեմբերի – Sputnik, Լաուրա Սարգսյան. Իրանը վճռական է տրամադրված միջազգային խոշոր տրանսպորտային նախագծերի իրականացման հարցում, որոնք, ըստ նախնական պայմանավորվածության, պետք է անցնեն Հայաստանով։ Այդ մասին են վկայում տարածաշրջանում տեղի ունեցող իրադարձությունների ֆոնին հարևան երկրի բարձրաստիճան պաշտոնյաների հայտարարությունները։ Այստեղ առանձնահատուկ տեղ է զբաղեցնում «Կովկասյան միջանցք» տերմինը։Ավելի վաղ Իրանի ճանապարհների և քաղաքային զարգացման նախարար Ռոստամ Ղասեմին հայտարարել էր, որ Հայաստանի հետ համատեղ ենթակառուցվածքային նախագծերը թույլ կտան փոխել տարածաշրջանի տարանցիկ քարտեզը: Twitter-ի իր միկրոբլոգում նա գրել էր, որ կլուծվի նաև Կովկասյան միջանցքի և Նորդուզից Հայաստան տանող ճանապարհի խնդիրը:Երևանի պետական համալսարանի արևելագիտության ֆակուլտետի իրանագիտության ամբիոնի վարիչ Վարդան Ոսկանյանը դա համարում է Իրանի պատասխանը Թուրքիայի և Ադրբեջանի նախաձեռնությանը, քանի որ Կովկասյան միջանցքը հակակշիռ կդառնա այսպես կոչված «Զանգեզուրի միջանցք» նախագծին:Ոսկանյանի խոսքով` «Կովկասյան միջանցք» ասելով՝ Իրանը նկատի ունի ելք դեպի Եվրոպա բացառապես Հայաստանի և Վրաստանի տարածքով: Բացի այդ, Թեհրանն այդ կերպ Բաքվին զգուշացնում է, որ «Իրանի համար ոչ մի ճանապարհ չի փակվի»:Իրանագետ Ժաննա Վարդանյանն էլ Sputnik Արմենիայի հետ զրույցում նշեց, որ «Կովկասյան միջանցք» տերմինը բավական նոր է քաղաքական իրողությունների համար։ Այն բառացիորեն օրերս է սկսելլայնորեն օգտագործվել Իրանի բարձրաստիճան պաշտոնյաների կողմից։«Այդ տերմինը ոչ այնքան բուն միջանցքի մասին է, որքան այն մասին, որ Իրանը պատրաստվում է Կովկաս հասնել բացառապես Հայաստանի ու Վրաստանի տարածքով՝ շրջանցելով Բաքուն և Անկարան։ Այսպես իրանական կողմն ընդգծում է նաև Երևանի կարևոր դերը իր մատակարարումների դիվերսիֆիկացման համար»,-ասաց Վարդանյանը։Բանն այն է, որ այժմ Ռուսաստանի հետ ապրանքաշրջանառության առյուծի բաժինը Իրանն իրականացնում է Ադրբեջանով, իսկ Եվրոպա է դուրս գալիս Թուրքիայի տարածքով։ Կովկասյան միջանցքի գործարկումը Իրանին թույլ կտա դիվերսիֆիկացնել բեռների առաքումները Ռուսաստան և Եվրոպա:Վարդանյանի խոսքով` Երևանը պետք է գրագետ օգտվի իրավիճակից. արագ ավարտին հասցնի ճանապարհային առանցքային հանգույցները, ինչպես Տաթևով անցնող այլընտրանքային ճանապարհը, այնպես էլ «Հյուսիս-հարավ» ավտոմայրուղու հարավային հատվածը: Ըստ նրա` քանի դեռ Հայաստանի և Իրանի հայացքները համընկնում են, երկիրը կարող է զգալիորեն գրավիչ դառնալ:Իսկ ի՞նչ կլինի «Պարսից ծոց-Սև ծով»-ի հետՊաշտոնական Թեհրանն իր նշած միջանցքի մասին մանրամասներ չի հայտնել։ Սակայն խոսքը, ամենայն հավանականությամբ, «Պարսից ծոց-Սև ծով» միջազգային տրանսպորտային միջանցքի մասին է, որի աշխարհագրությունն ավելի լայն է, բայց համընկնում է «Կովկասյան միջանցքի» տրամաբանության հետ։ Նախագծի նախաձեռնողն Իրանն է, որը միջազգային տրանսպորտային միջանցքի գաղափարն առաջին անգամ հնչեցրել է դեռևս 2016 թ․-ին: Այժմ դրան պաշտոնապես մասնակցում են Հայաստանը, Բուլղարիան, Վրաստանը, Հունաստանը։Միջանցքը տեսականորեն պետք է իրանական նավահանգիստները կապի վրացական նավահանգիստների հետ։ Ընդ որում` ապրանքները Հնդկաստանից և Չինաստանից կարող են մուտք գործել Իրանի նավահանգիստներ, այնտեղից էլ երկաթուղով/ավտոմեքենայով՝ Հայաստան և Վրաստան: Իսկ արդեն Վրաստանից կոնտեյներներով՝ բուլղարական և հունական նավահանգիստներ։ Միջանցքը նոր հնարավորություններ կբացի Հայաստանի համար. թույլ կտա դիվերսիֆիկացնել մատակարարումները, ազատ օգտվել Իրանի նավահանգիստներից, կարևոր տարանցիկ հանգույց դառնալ։ Միջանցքից կարող են օգտվել նաև Ռուսաստանը, Ուկրաինան, Հնդկաստանը և մի շարք այլ երկրներ։
https://arm.sputniknews.ru/20211007/turqian-pakel-e-ir-bvolvor-ancaketery-iranakan-bernatarneri-hamar-34045630.html
https://arm.sputniknews.ru/20211007/haravajin-kvovkasy-karvogh-e-sert-hamagvortsakcutjan-lav-orinak-darnal-irani-nakhagah-34029816.html
իրանի իսլամական հանրապետություն
Sputnik Արմենիա
media@sputniknews.com
+74956456601
MIA „Rosiya Segodnya“
2021
Sputnik Արմենիա
media@sputniknews.com
+74956456601
MIA „Rosiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rosiya Segodnya“
Sputnik Արմենիա
media@sputniknews.com
+74956456601
MIA „Rosiya Segodnya“
հայաստան, իրանի իսլամական հանրապետություն, քարտեզ
հայաստան, իրանի իսլամական հանրապետություն, քարտեզ
Իրանը ՀՀ–ի օգնությամբ նոր տարանցիկ քարտեզ է գծում. «Կովկասյան միջանցքի» հետքերով
Հայաստանը կարող է Իրանից Բաքվով և Անկարայով դեպի Ռուսաստան ու Եվրոպա տանող տրանսպորտային ուղիների այլընտրանք դառնալ։ Սակայն Երևանը պարտավոր է կարճ ժամանակահատվածում ավարտել բավականին թանկ ենթակառուցվածքային նախագծերը։
ԵՐԵՎԱՆ, 7 հոկտեմբերի – Sputnik, Լաուրա Սարգսյան. Իրանը վճռական է տրամադրված միջազգային խոշոր տրանսպորտային նախագծերի իրականացման հարցում, որոնք, ըստ նախնական պայմանավորվածության, պետք է անցնեն
Հայաստանով։ Այդ մասին են վկայում տարածաշրջանում տեղի ունեցող իրադարձությունների ֆոնին հարևան երկրի բարձրաստիճան պաշտոնյաների հայտարարությունները։ Այստեղ առանձնահատուկ տեղ է զբաղեցնում «Կովկասյան միջանցք» տերմինը։
Ավելի վաղ Իրանի ճանապարհների և քաղաքային զարգացման նախարար Ռոստամ Ղասեմին հայտարարել էր, որ Հայաստանի հետ համատեղ ենթակառուցվածքային նախագծերը թույլ կտան փոխել տարածաշրջանի տարանցիկ քարտեզը: Twitter-ի իր միկրոբլոգում նա գրել էր, որ կլուծվի նաև Կովկասյան միջանցքի և Նորդուզից
Հայաստան տանող ճանապարհի խնդիրը:
Երևանի պետական համալսարանի արևելագիտության ֆակուլտետի իրանագիտության ամբիոնի վարիչ Վարդան Ոսկանյանը դա համարում է Իրանի պատասխանը Թուրքիայի և Ադրբեջանի նախաձեռնությանը, քանի որ Կովկասյան միջանցքը հակակշիռ կդառնա այսպես կոչված «Զանգեզուրի միջանցք» նախագծին:
Ոսկանյանի խոսքով` «Կովկասյան միջանցք» ասելով՝ Իրանը նկատի ունի ելք դեպի Եվրոպա բացառապես Հայաստանի և Վրաստանի տարածքով: Բացի այդ, Թեհրանն այդ կերպ Բաքվին զգուշացնում է, որ «Իրանի համար ոչ մի ճանապարհ չի փակվի»:
Իրանագետ Ժաննա Վարդանյանն էլ
Sputnik Արմենիայի հետ զրույցում նշեց, որ «Կովկասյան միջանցք» տերմինը բավական նոր է քաղաքական իրողությունների համար։ Այն բառացիորեն օրերս է սկսելլայնորեն օգտագործվել Իրանի բարձրաստիճան պաշտոնյաների կողմից։
«Այդ տերմինը ոչ այնքան բուն միջանցքի մասին է, որքան այն մասին, որ Իրանը պատրաստվում է Կովկաս հասնել բացառապես
Հայաստանի ու Վրաստանի տարածքով՝ շրջանցելով Բաքուն և Անկարան։ Այսպես իրանական կողմն ընդգծում է նաև Երևանի կարևոր դերը իր մատակարարումների դիվերսիֆիկացման համար»,-ասաց Վարդանյանը։
Բանն այն է, որ այժմ Ռուսաստանի հետ ապրանքաշրջանառության առյուծի բաժինը Իրանն իրականացնում է Ադրբեջանով, իսկ Եվրոպա է դուրս գալիս Թուրքիայի տարածքով։ Կովկասյան միջանցքի գործարկումը Իրանին թույլ կտա դիվերսիֆիկացնել բեռների առաքումները Ռուսաստան և Եվրոպա:
Վարդանյանի խոսքով` Երևանը պետք է գրագետ օգտվի իրավիճակից. արագ ավարտին հասցնի ճանապարհային առանցքային հանգույցները, ինչպես Տաթևով անցնող այլընտրանքային ճանապարհը, այնպես էլ «Հյուսիս-հարավ» ավտոմայրուղու հարավային հատվածը: Ըստ նրա` քանի դեռ Հայաստանի և Իրանի հայացքները համընկնում են, երկիրը կարող է զգալիորեն գրավիչ դառնալ:
Իսկ ի՞նչ կլինի «Պարսից ծոց-Սև ծով»-ի հետ
Պաշտոնական Թեհրանն իր նշած միջանցքի մասին մանրամասներ չի հայտնել։ Սակայն խոսքը, ամենայն հավանականությամբ, «Պարսից ծոց-Սև ծով» միջազգային տրանսպորտային միջանցքի մասին է, որի աշխարհագրությունն ավելի լայն է, բայց համընկնում է «Կովկասյան միջանցքի» տրամաբանության հետ։ Նախագծի նախաձեռնողն Իրանն է, որը միջազգային տրանսպորտային միջանցքի գաղափարն առաջին անգամ հնչեցրել է դեռևս 2016 թ․-ին: Այժմ դրան պաշտոնապես մասնակցում են Հայաստանը, Բուլղարիան, Վրաստանը, Հունաստանը։
Միջանցքը տեսականորեն պետք է իրանական նավահանգիստները կապի վրացական նավահանգիստների հետ։ Ընդ որում` ապրանքները Հնդկաստանից և Չինաստանից կարող են մուտք գործել Իրանի նավահանգիստներ, այնտեղից էլ երկաթուղով/ավտոմեքենայով՝ Հայաստան և Վրաստան: Իսկ արդեն Վրաստանից կոնտեյներներով՝ բուլղարական և հունական նավահանգիստներ։ Միջանցքը նոր հնարավորություններ կբացի Հայաստանի համար. թույլ կտա դիվերսիֆիկացնել մատակարարումները, ազատ օգտվել Իրանի նավահանգիստներից, կարևոր տարանցիկ հանգույց դառնալ։ Միջանցքից կարող են օգտվել նաև Ռուսաստանը, Ուկրաինան, Հնդկաստանը և մի շարք այլ երկրներ։
