Фон для радио  - Sputnik Արմենիա, 1920
ՌԱԴԻՈ

«3+3» ձևաչափում Արևմուտքը չկա, ինչն անընդունելի կլինի Վրաստանի համար. Մելիքյան

«3+3» ձևաչափում Արևմուտքը չկա, ինչն անընդունելի է Վրաստանի համար. Ջոնի Մելիքյան
Վրացագետ, ՀՀ պետական կառավարման ակադեմիայի տարածաշրջանային հետազոտությունների կենտրոնի գիտաշխատող Ջոնի Մելիքյանը Sputnik Արմենիայի եթերում անդրադարձել է «3+3» ձևաչափի վերաբերյալ Վրաստանի արձագանքին։
Վրաստանի համար շատ կարևոր է տարածաշրջանային գործընթացներում ներկայացված լինելը, բայց կա խնդիր և դա կապված է այն իրողության հետ, որ Արևմուտքն այդ ձևաչափում չկա, ինչը Վրաստանի համար անընդունելի է։ Sputnik Արմենիայի հետ զրույցի ընթացքում, խոսելով ՌԴ ԱԳ նախարար Սերգեյ Լավրովի ներկայացրած ձևաչափից, նման տեսակետ հայտնեց վրացագետ Ջոնի Մելիքյանը։
«Բացի այդ, Վրաստանը վերջերս հանդես էր եկել Հայաստանի և Ադրբեջանի միջև միջնորդական առաքելություն ցուցաբերելու պատրաստակամությամբ, ինչի մասին հայտարարեց Վրաստանի վարչապետ Իրակլի Ղարիբաշվիլին և հավելեց, որ Երևանն ու Բաքուն կարող են ըստ ցանկության օգտագործել Վրաստանի միջնորդական աջակցությունը։ Իրակլի Ղարիբաշվիլին արդեն այցելել է Բաքու և մոտ ժամանակներս սպասվում է նրա այցը Երևան, որի ընթացքում նա կներկայացնի կոնկրետ առաջարկներ»,– նշեց վրացագետը։
Խոսրով Հարությունյան - Sputnik Արմենիա, 1920, 08.10.2021
Հայաստանի համար «3+3» ձևաչափը հղի է շատ բարդ զարգացումներով․ Խոսրով Հարությունյան
Մելիքյանի խոսքով` արդեն իսկ կա ԵԱՀԿ Մինսկի խումբը, որն այս տարածաշրջանում զբաղվում է Լեռնային Ղարաբաղի հիմնախնդրի կարգավորմամբ և պետք է շարունակի իր կարևոր գործունեությունը և փորձի լուծել Արցախի կարգավիճակի հարցը։ Ըստ նրա` կա նաև Հայաստան–Ռուսաստան–Ադրբեջան ձևաչափը, որն այսօր փոխվարչապետերի մակարդակով զբաղվում է հունվարի 11-ի համատեղ հայտարարության մեջ առկա կետերի իրականացմամբ։ Դրան զուգահեռ վրացական հարթակը նույնպես կարող է հիմք ծառայել հայկական ու ադրբեջանական կողմերի համար տարբեր մասնագիտական խմբերի ներգրավմամբ քննարկումներ կազմակերպելու համար։
Պետք է հասկանանք` դրանք ինչ ֆորմատներ են. Փաշինյանը` «3+3»–ի առաջարկի մասին
«Մինչ այժմ «3+3» ձևաչափի վերաբերյալ արվել են միայն ընդհանրական հայտարարություններ, իսկ թե ինչ է նախատեսվում, ինչ նախագծեր են իրականացվելու, ինչպես են կյանքի կոչվելու, այս ամենի հետ կապված շատ հարցականներ կան։ Մինչդեռ արդեն գործում են հստակ ձևաչափեր, օրինակ` Վրաստան–Թուրքիա–Ադրբեջան, Վրաստան–Հայաստան–Իրան։ Դժվար է պատկերացնել, թե ինչպես են համագործակցելու երկրները մի հարթակում, եթե ոմանց միջև չկան դիվանագիտական հարաբերություններ, Հայաստանն ու Ադրբեջանը դեռ գտնվում են սառը պատերազմի մեջ»,– նշեց վրացագետը։

Մելիքյանի կարծիքով` գաղափարը դեռ հում է, դեռ վաղ է խոսել վերոհիշյալ ձևաչափի կիրառկման մասին, քանի որ երկրները պետք է կոնկրետ քայլերով ցույց տան, որ պատրաստ են խաղաղ գոյակցության իրենց հարևանների հետ։ Մինչդեռ այսօր Հայաստանի հանդեպ բարի կամքի դրսևորումը տեսանելի չէ ինչպես Անկարայի, այնպես էլ Բաքվի մոտ։

Նշենք` Վրաստանի Հանրային հեռուստատեսությանը տված հարցազրույցում արտգործնախարար Դավիթ Զալկալիանին հայտարարել է, որ Վրաստանի համար դժվար կլինի մասնակցել «3+3» ձևաչափին։
Հիշեցնենք, որ հոկտեմբերի6-ին Մոսկվայում Ռուսաստանի և Իրանի ԱԳ նախարարների բանակցություններում ի թիվս այլ հարցերի քննարկվել է«3+3» համագործակցության ձևաչափը:
Նախաձեռնությունը ենթադրում է տարածաշրջանային փոխգործակցության մեխանիզմի ստեղծում Հայաստանի, Ադրբեջանի, Վրաստանի, Ռուսաստանի, Իրանի և Թուրքիայի մասնակցությամբ:
Լրահոս
0
Սկզբում նորերըՍկզբում հները
loader
ԵԹԵՐՈւՄ Է
Заголовок открываемого материала