Բանակն ամենաառաջինը պետք է այս իրավիճակից դուրս գա. Սեյրան Օհանյան

© Sputnik / Aram NersesyanՍեյրան Օհանյան
Սեյրան Օհանյան - Sputnik Արմենիա, 1920, 08.10.2021
Բաժանորդագրվեք
«Հայաստան» դաշինքն առաջիկայում պատրաստվում է սահմանադրական բոլոր մեթոդները կիրառել հանրության մոտ ավելի շատ վստահություն և իշխանափոխության պահանջ բարձրացնելու ուղղությամբ։
ԵՐԵՎԱՆ, 8 հոկտեմբերի – Sputnik. Եթե ներկայիս իշխանությունը հրաժարական տա, ապա «Հայաստան» դաշինքն ունի թիմ, որը կարող է միջձազգային և ազգային երաշխիքների ուղղությամբ արագ տեմպերով լիարժեք աշխատանք տանել։ Խորհրդարանական ճեպազրուցների ժամանակ նման հայտարարություն արեց պաշտպանության նախկին նախարար, «Հայաստան» խմբակցության ղեկավար Սեյրան Օհանյանը։
Իշխանությունների հակապետական վարքագիծն է՛լ ավելի է լկտիացնում Բաքվին. "Հայաստան" դաշինք
«Մենք կարծում ենք, որ ՀՀ ղեկին պետք է լինի նոր իշխանություն, որը կարող է կազմակերպչական ունակությունների արդյունքում արագ վերակազմավորել և երկիրը դուրս բերել հոգեբանական այս իրավիճակից, անվտանգության համակարգ ձևավորել։ Մասնավորապես, ես նկատի ունեմ բանակը։ Կարծում եմ, որ բանակն իր կազմակերպչական սկզբունքներից ելնելով` ամենաառաջինը պետք է այս իրավիճակից դուրս գա և ապահովի իր զարգացումը»,–ասաց Օհանյանը։
ԱԺ «Հայաստան» խմբակցության պատգամավորներ  - Sputnik Արմենիա, 1920, 08.10.2021
«Հայաստանը» դիմել է ՍԴ. խմբակցությանը զարմացնում է ՀՀ նախագահի պահվածքը
Նա հավելեց, որ չնայած այս ամենին, չի կարծում, որ ներկայիս իշխանություններն ինքնակամ հրաժարական կտան։
«Հայաստան» դաշինքի պատգամավոր Արծվիկ Մինասյանն էլ իր հերթին նշեց, որ առաջիկայում պատրաստվում են սահմանադրական բոլոր մեթոդները կիրառել հանրության մոտ ավելի շատ վստահություն և իշխանափոխության պահանջ բարձրացնելու ուղղությամբ։
«Մենք տեսնում ենք` ինչպես են այս իշխանությունները վախենում բողոքներից։ Երեկ, օրինակ, դաշնակցական երիտասարդները 15 հոգով կառավարության առջև բողոքի ակցիա էին անում ու ռուպերով խոսելու համար նրանց բերման ենթարկեցին»,–ասաց Մինասյանը։
Ոստիկաններ - Sputnik Արմենիա, 1920, 07.10.2021
«Շուշիում շատ գործեր են արվել». կառավարության մոտ բողոքի ակցիա անողներին բերման ենթարկեցին
Նա հավելեց, որ «Հայաստանը» ոչ միայն ԱԺ–ում է աշխատանքներ իրականացնում` յուրաքանչյուր օրենք ընդունելը մանրամասն քննարկման առարկա դարձնելով, այլ նաև դաշինքում։
Հիշեցնենք, որ ՀՀ երկրորդ նախագահ Ռոբերտ Քոչարյանն օրեր առաջ ասուլիսի ժամանակ հայտարարել էր, որ ծավալելու են նաև փողոցային պայքար, աշխատելու են ժողովրդի հետ, աշխատելու են Հայաստանով մեկ։
Լրահոս
0
Սկզբում նորերըՍկզբում հները
loader
ԵԹԵՐՈւՄ Է
Заголовок открываемого материала