https://arm.sputniknews.ru/20211008/hanrutjuny-konkret-harcerin-petq-e-stana-konkret-pataskhanner-pashinjann-ajcelel-e-qk-34080596.html
Հանրությունը կոնկրետ հարցերին պետք է ստանա կոնկրետ պատասխաններ. Փաշինյանն այցելել է ՔԿ
Հանրությունը կոնկրետ հարցերին պետք է ստանա կոնկրետ պատասխաններ. Փաշինյանն այցելել է ՔԿ
Sputnik Արմենիա
Վարչապետ Նիկոլ Փաշինյանը Քննչական կոմիտեում անդրադարձել է պատերազմից հետո հարուցված քրեական գործերին։ 08.10.2021, Sputnik Արմենիա
2021-10-08T15:49+0400
2021-10-08T15:49+0400
2021-10-08T16:01+0400
նիկոլ փաշինյան
հհ քննչական կոմիտե
արգիշտի քյարամյան
https://cdn.am.sputniknews.ru/img/07e5/0a/08/34080145_0:14:1601:914_1920x0_80_0_0_1bb3f4a1ce41295c5a77a1d434628e78.jpg
ԵՐԵՎԱՆ, 8 հոկտեմբերի – Sputnik. Քննչական կոմիտեի ծառայողի օրվա և Քննչական կոմիտեի կազմավորման 7-ամյակի առիթով ՀՀ վարչապետ Նիկոլ Փաշինյանն այսօր այցելել է ՀՀ քննչական կոմիտե, տեղեկացնում են վարչապետի աշխատակազմից։«Մենք մեր բոլոր քննչական մարմինների օրերի, հոբելյանների առիթով ընդգծում ենք նախաքննության որակի բարձրացման անհրաժեշտությունը: Պիտի արձանագրել, որ այս առումով ունենք շարունակական առաջընթաց, բայց պիտի նաև արձանագրենք, որ ձեռք բերվածը չպիտի բավարար համարենք»,– իր շնորհավորական ելույթում ասել է Փաշինյանը։ Վարչապետը կարևորել է նաև 44-օրյա պատերազմի հանգամանքների հետ կապված քրեական գործերի արդյունավետ նախաքննության իրականացումը, որպեսզի հանրությունը և նահատակների հարազատները կոնկրետ հարցերին ստանան կոնկրետ պատասխաններ: «Ընդ որում, այստեղ որևէ կանխավարկած նկատի ունենալը կլինի ճակատագրական սխալ: Պարզապես պետք է ձևակերպված հարցերը ստանան օբյեկտիվ պատասխաններ, որպեսզի մեղավորության կամ անմեղության մասին պնդումները հիմնված չլինեն անհատական ընկալումների և իրավիճակի ոչ ամբողջական պատկերացման վրա»,– ասել է նա։ Փաշինյանն ընդգծել է, որ պատերազմին հաջորդած դժվար և խառը ժամանակներում քննչական կոմիտեն քաղաքական որևէ բնույթի գործունեություն կամ ներգրավվածություն չի ունեցել: Շնորհավորական խոսքով է հանդես եկել նաև Քննչական կոմիտեի նախագահ Արգիշտի Քյարամյանը: ՔԿ նախագահը շնորհակալություն է հայտնել վարչապետ Նիկոլ Փաշինյանին գնահատանքի խոսքերի համար և ներկայացրել կառույցի գործունեությունը: Անդրադառնալով 2020 թվականի սեպտեմբերից մինչ օրս կատարված աշխատանքներին՝ Արգիշտի Քյարամյանը նշել է, որ ՔԿ քննիչներն այդ ժամանակաշրջանում աշխատել են գերծանրաբեռնվածության պայմաններում, և դա շարունակվում է նաև այսօր՝ պայմանավորված հարուցված քրեական գործերի մեծաթիվությամբ և նախաքննության գործընթացով: Նրա խոսքով՝ ՔԿ համապատասխան ստորաբաժանումն այժմ քննում է պատերազմի ընթացքում զինվորական ծառայության կարգի դեմ ուղղված հանցագործությունների վերաբերյալ քրեական գործերը, և ՔԿ-ն ի զորու է իրականացնել բազմակողմանի և օբյեկտիվ քննություն՝ 44-օրյա պատերազմի հանգամանքները լիարժեք բացահայտելու և հասարակությանը ներկայացնելու նպատակով: Հաջորդիվ տեղի է ունեցել պարգևատրման հանդիսավոր արարողություն:
Sputnik Արմենիա
media@sputniknews.com
+74956456601
MIA „Rosiya Segodnya“
2021
Sputnik Արմենիա
media@sputniknews.com
+74956456601
MIA „Rosiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rosiya Segodnya“
Sputnik Արմենիա
media@sputniknews.com
+74956456601
MIA „Rosiya Segodnya“
նիկոլ փաշինյան, հհ քննչական կոմիտե, արգիշտի քյարամյան
նիկոլ փաշինյան, հհ քննչական կոմիտե, արգիշտի քյարամյան
Հանրությունը կոնկրետ հարցերին պետք է ստանա կոնկրետ պատասխաններ. Փաշինյանն այցելել է ՔԿ
15:49 08.10.2021 (Թարմացված է: 16:01 08.10.2021) Վարչապետ Նիկոլ Փաշինյանը Քննչական կոմիտեում անդրադարձել է պատերազմից հետո հարուցված քրեական գործերին։
ԵՐԵՎԱՆ, 8 հոկտեմբերի – Sputnik. Քննչական կոմիտեի ծառայողի օրվա և Քննչական կոմիտեի կազմավորման 7-ամյակի առիթով ՀՀ վարչապետ Նիկոլ Փաշինյանն այսօր այցելել է ՀՀ քննչական կոմիտե, տեղեկացնում են
վարչապետի աշխատակազմից։ «Մենք մեր բոլոր քննչական մարմինների օրերի, հոբելյանների առիթով ընդգծում ենք նախաքննության որակի բարձրացման անհրաժեշտությունը: Պիտի արձանագրել, որ այս առումով ունենք շարունակական առաջընթաց, բայց պիտի նաև արձանագրենք, որ ձեռք բերվածը չպիտի բավարար համարենք»,– իր շնորհավորական ելույթում ասել է Փաշինյանը։
Վարչապետը կարևորել է նաև 44-օրյա պատերազմի հանգամանքների հետ կապված քրեական գործերի արդյունավետ նախաքննության իրականացումը, որպեսզի հանրությունը և նահատակների հարազատները կոնկրետ հարցերին ստանան կոնկրետ պատասխաններ:
«Ընդ որում, այստեղ որևէ կանխավարկած նկատի ունենալը կլինի ճակատագրական սխալ: Պարզապես պետք է ձևակերպված հարցերը ստանան օբյեկտիվ պատասխաններ, որպեսզի մեղավորության կամ անմեղության մասին պնդումները հիմնված չլինեն անհատական ընկալումների և իրավիճակի ոչ ամբողջական պատկերացման վրա»,– ասել է նա։
Փաշինյանն ընդգծել է, որ պատերազմին հաջորդած դժվար և խառը ժամանակներում քննչական կոմիտեն քաղաքական որևէ բնույթի գործունեություն կամ ներգրավվածություն չի ունեցել:
Շնորհավորական խոսքով է հանդես եկել նաև Քննչական կոմիտեի նախագահ Արգիշտի Քյարամյանը: ՔԿ նախագահը շնորհակալություն է հայտնել վարչապետ Նիկոլ Փաշինյանին գնահատանքի խոսքերի համար և ներկայացրել կառույցի գործունեությունը:
Անդրադառնալով 2020 թվականի սեպտեմբերից մինչ օրս կատարված աշխատանքներին՝ Արգիշտի Քյարամյանը նշել է, որ ՔԿ քննիչներն այդ ժամանակաշրջանում աշխատել են գերծանրաբեռնվածության պայմաններում, և դա շարունակվում է նաև այսօր՝ պայմանավորված հարուցված քրեական գործերի մեծաթիվությամբ և նախաքննության գործընթացով:
Նրա խոսքով՝ ՔԿ համապատասխան ստորաբաժանումն այժմ քննում է պատերազմի ընթացքում զինվորական ծառայության կարգի դեմ ուղղված հանցագործությունների վերաբերյալ քրեական գործերը, և ՔԿ-ն ի զորու է իրականացնել բազմակողմանի և օբյեկտիվ քննություն՝ 44-օրյա պատերազմի հանգամանքները լիարժեք բացահայտելու և հասարակությանը ներկայացնելու նպատակով:
Հաջորդիվ տեղի է ունեցել պարգևատրման հանդիսավոր արարողություն:
