https://arm.sputniknews.ru/20211008/lernajin-gharabaghi-shurj-hakamartutjuny-chi-avartvel-rus-qaghaqaget-34074464.html

Լեռնային Ղարաբաղի շուրջ հակամարտությունը չի ավարտվել․ ռուս քաղաքագետ

Լեռնային Ղարաբաղի շուրջ հակամարտությունը չի ավարտվել․ ռուս քաղաքագետ

Sputnik Արմենիա

Սերգեյ Մարկեդոնովն անդրադարձել է Ադրբեջանի նախագահի այն հայտարարությանը, թե Ղարաբաղյան հակամարտությունն ավարտվել է։ 08.10.2021, Sputnik Արմենիա

2021-10-08T14:11+0400

2021-10-08T14:11+0400

2021-10-08T14:13+0400

հայաստան

ադրբեջան

ղարաբաղյան հակամարտություն

սերգեյ մարկեդոնով

https://cdn.am.sputniknews.ru/img/07e4/0c/10/25775264_0:134:1600:1034_1920x0_80_0_0_8df465e5948d730c9ae80e83aad43d9e.jpg

ԵՐԵՎԱՆ, 8 հոկտեմբերի – Sputnik. Հակամարտությունը չի ավարտվել, Հայաստանում և Ադրբեջանում հանրությունը մինչ օրս չի ընդունել Ղարաբաղում 2020թ․-ի սրացման արդյունքները։ Ռուսաստանի ԱԳՆ Մոսկվայի միջազգային հարաբերությունների պետական ​​ինստիտուտի գիտաշխատող Սերգեյ Մարկեդոնովն այս հայտարարությունն արեց Երևանում անցկացվող «Կովկասը 21-րդ դարում» միջազգային համաժողովի ընթացքում։Ադրբեջանի նախագահ Իլհամ Ալիևը մի քանի անգամ հայտարարել է, որ հակամարտությունն ավարտված է, և Լեռնային Ղարաբաղի որևէ կարգավիճակի մասին խոսք լինել չի կարող:«Ես` որպես փորձագետ, կարծում եմ, որ հակամարտությունն ավարտված չէ։ Հակամարտության ավարտը խաղաղության համաձայնագիրն է, որը քիչ թե շատ լեգիտիմ է երկու հասարակություններում»,-ասաց քաղաքագետը։Խոսելով երկու երկրների բնակչության շրջանում առկա տրամադրությունների մասին՝ Մարկեդոնովը մատնանշեց բողոքի ալիքը, որը բարձրացավ Հայաստանում հրադադարի մասին եռակողմ հայտարարությունից հետո։ Բաքվում դժգոհության հրապարակային արտահայտման տեսանկյունից, նրա խոսքով, իրավիճակն ավելի բարդ է։ Բայց հասարակության տրամադրությունների մասին կարելի է դատել սոցցանցերի գրառումներից ու մեկնաբանություններից։«Մենք հո կարդում ենք բլոգներն ու սոցիալական ցանցերը․ «Գողացված հաղթանակ», «Մեզ թույլ չտվեցին գրավել Ստեփանակերտը», «Ինչո՞ւ են օտար երկրի զինվորները մեր տարածքում գտնվում»։ Եվ մենք ուզում ենք ասել, թե ադրբեջանական հանրությունը լիովին ընդունե՞լ է այդ արդյունքները։ Ոչ, ոչ լիովին»,-համոզված է Մարկեդոնովը։Միևնույն ժամանակ փորձագետի համար հասկանալի է Ադրբեջանի նախագահ Իլհամ Ալիևի տրամաբանությունը, որն արդեն բազմիցս հայտարարել է, որ Ղարաբաղյան հակամարտությունն ավարտված է ։Սակայն ոչ միայն Հայաստանը, այլ նաև ԵԱՀԿ Մինսկի խմբի համանախագահները խոսում են Լեռնային Ղարաբաղի կարգավիճակի հստակեցման անհրաժեշտության մասին, հետևաբար չի կարելի խոսել հակամարտության կարգավորված լինելու մասին։Դրա հետ մեկտեղ, փորձագետի կարծիքով, ղարաբաղյան հարցի նշանակությունը Երևանի և Բաքվի համար ժամանակի ընթացքում կնվազի, այդ թվում՝ սերնդափոխության պատճառով: Նոր սերունդները նոր առաջնահերթություններ կունենան, վստահ է քաղաքագետը։Հիշեցնենք, որ միջնորդները սեպտեմբերի 24-ի համատեղ հայտարարության մեջ հաստատել էին կողմերի հետ աշխատանքը շարունակելու իրենց հանձնառությունը՝ իրենց մանդատի շրջանակներում ղարաբաղյան հակամարտության հետ կապված կամ դրանից բխող մնացած հարցերի համապարփակ լուծումներ գտնելու համար: Նախորդ տարվա պատերազմից հետո Հայաստանի և Ադրբեջանի արտգործնախարարների առաջին հանդիպումը ԵԱՀԿ Մինսկի խմբի համանախագահները գնահատել էին որպես երկու երկրների կողմից խաղաղ գործընթացը ուղիղ, տարածաշրջանի անվտանգությանը, կայունությանն ու բարգավաճմանն ուղղված երկխոսության միջոցով վերսկսելու վճռականության նշան:

https://arm.sputniknews.ru/20210908/xarabaxyan-hakamartutyunum-ats-neri-vjrorosh-dery-mif-e-28932112.html

https://arm.sputniknews.ru/20211006/lgh-7-shrjannern-u-shushin-banakcajin-seghanin-pashinjany-pakagtser-bacec-34009959.html

https://arm.sputniknews.ru/20211006/eahk-mkhn-dzevachap-e-vortegh-gharabaghi-harcum-hnaravvor-e-kajun-lutsum-italiaji-nakhagah-34002357.html

https://arm.sputniknews.ru/20211003/alievy-hajtnvel-e-anharmar-vitshakum-kam-arcakhi-kargavitshaky-mijazgajin-arevtri-tema-33887077.html

ադրբեջան

2021

Լուրեր

am_HY

հայաստան, ադրբեջան, ղարաբաղյան հակամարտություն, սերգեյ մարկեդոնով