https://arm.sputniknews.ru/20211008/valeri-meladzen-erevanum-e-inchu-e-ergichy-hajtnvel-hajastanum-ev-inch-e-tanelu-ir-het-34095057.html
Վալերի Մելաձեն Երևանում է. ինչո՞ւ է երգիչը «հայտնվել» Հայաստանում և ի՞նչ է տանելու իր հետ
Վալերի Մելաձեն Երևանում է. ինչո՞ւ է երգիչը «հայտնվել» Հայաստանում և ի՞նչ է տանելու իր հետ
Sputnik Արմենիա
Ռուսական էստրադայի աստղը ցավով նշում է, որ Հայաստան հաճախ չի գալիս և քիչ բան է հասցնում տեսնել։ 08.10.2021, Sputnik Արմենիա
2021-10-08T19:52+0400
2021-10-08T19:52+0400
2021-10-08T19:52+0400
հայաստան
երևան
վալերի մելաձե
https://cdn.am.sputniknews.ru/img/07e5/0a/08/34090171_0:279:1600:1179_1920x0_80_0_0_8f330ab26d24476a9b831af30f4049b5.jpg
ԵՐԵՎԱՆ, 8 հոկտեմբերի - Sputnik. Հանրահայտ երգիչ և պրոդյուսեր Վալերի Մելաձեն Երևանում է։ Նա Sputnik Արմենիային ասաց, որ Հայաստան է եկել փոքր համերգով։Մենք նրան պատահաբար հանդիպեցինք քաղաքի կենտրոնում գտնվող սրճարաններից մեկում: Երգիչը չասաց, թե որտեղ և ինչ ձևաչափով է ելույթ ունենալու, բայց խոստովանեց, որ կարող է երգել նաև «Ով սիրուն, սիրուն» ստեղծագործությունը, եթե իհարկե խնդրեն. հայկական այլ երգեր նա չգիտի։Մելաձեն վերջին անգամ համավարակից առաջ է եղել Հայաստանում։ Նա Sputnik Արմենիային պատմեց, որ սովորաբար Երևանից դուրս չի գալիս, քանի որ այցերը, որպես կանոն, երկար չեն տևում, ճանապարհորդելու համար ժամանակը չի բավականացնում:Փոխարենը Երևանում բարեկամներ ունի, այստեղ են թաղված նաև երգչի երկու հարազատները։Երևանում ամենից շատ նա գնահատում է Արարատ լեռան տեսարանը։ Հայաստան գալիս անպայման համտեսում է հայկական տոլման ու խորովածը։«Հայկական խոհանոցը հարուստ է համեղ ուտեստներով։ Ընկերներս նույնիսկ 1960 թվականին տպագված «Հայկական խոհանոց» գիրքն են նվիրել», - ասաց Մելաձեն։Հարցին, թե պատրաստվո՞ւմ է օգտվել գրքի բաղադրատոմսերից, Մելաձեն պատասխանեց. «Անպայման»:Երգչի խոսքով` Հայաստանից մեկնելիս իր հետ հույզեր ու ջերմություն է տանելու։Նա հուսով է, որ մոտ ապագայում նորից կգա, բայց արդեն մեծ համերգով, և այդ ժամանակ հնարավոր է` անակնկալներ լինեն նաև հայ հանդիսատեսի համար։Մելաձեն պատրաստվում է նաև Վրաստան մեկնել, բայց ոչ այսօր, քանի որ գիշերը մեկնում է Ռուսաստան: Նա նաև խաղաղություն և բարգավաճում մաղթեց երկու եղբայրական ժողովուրդներին՝ հայերին և վրացիներին։Վալերի Մելաձեն ծնվել է 1965 թվականի հունիսի 23-ին Բաթում քաղաքում: Այնտեղ էլ երաժշտական դպրոց է ավարտել։ Հետո որպես հեռախոսավար է աշխատել։ 1989թ. ավարտել է Ս.Օ. Մակարովի անվան նավաշինության ինստիտուտը՝ «ծովային էներգետիկ սարքավորումների ինժեներ-մեխանիկ» մասնագիտությամբ:Ուսումնառության ընթացքում հանդես է եկել «Ապրիլ» երաժշտական խմբի կազմում։ Այնուհետև առանձնացել է խմբից, 1995 թվականին թողարկել իր ալբոմը և սկսել է մենահամերգներով հանդես գալ։
երևան
Sputnik Արմենիա
media@sputniknews.com
+74956456601
MIA „Rosiya Segodnya“
2021
Sputnik Արմենիա
media@sputniknews.com
+74956456601
MIA „Rosiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rosiya Segodnya“
Sputnik Արմենիա
media@sputniknews.com
+74956456601
MIA „Rosiya Segodnya“
հայաստան, երևան, վալերի մելաձե
հայաստան, երևան, վալերի մելաձե
Վալերի Մելաձեն Երևանում է. ինչո՞ւ է երգիչը «հայտնվել» Հայաստանում և ի՞նչ է տանելու իր հետ
Ռուսական էստրադայի աստղը ցավով նշում է, որ Հայաստան հաճախ չի գալիս և քիչ բան է հասցնում տեսնել։
ԵՐԵՎԱՆ, 8 հոկտեմբերի - Sputnik. Հանրահայտ երգիչ և պրոդյուսեր Վալերի Մելաձեն Երևանում է։ Նա
Sputnik Արմենիային ասաց, որ
Հայաստան է եկել փոքր համերգով։
Մենք նրան պատահաբար հանդիպեցինք քաղաքի կենտրոնում գտնվող սրճարաններից մեկում: Երգիչը չասաց, թե որտեղ և ինչ ձևաչափով է ելույթ ունենալու, բայց խոստովանեց, որ կարող է երգել նաև «Ով սիրուն, սիրուն» ստեղծագործությունը, եթե իհարկե խնդրեն. հայկական այլ երգեր նա չգիտի։
Մելաձեն վերջին անգամ համավարակից առաջ է եղել Հայաստանում։ Նա Sputnik Արմենիային պատմեց, որ սովորաբար Երևանից դուրս չի գալիս, քանի որ այցերը, որպես կանոն, երկար չեն տևում, ճանապարհորդելու համար ժամանակը չի բավականացնում:
Փոխարենը Երևանում բարեկամներ ունի, այստեղ են թաղված նաև երգչի երկու հարազատները։
Երևանում ամենից շատ նա գնահատում է Արարատ լեռան տեսարանը։
Հայաստան գալիս անպայման համտեսում է հայկական տոլման ու խորովածը։
«Հայկական խոհանոցը հարուստ է համեղ ուտեստներով։ Ընկերներս նույնիսկ 1960 թվականին տպագված «Հայկական խոհանոց» գիրքն են նվիրել», - ասաց Մելաձեն։
Հարցին, թե պատրաստվո՞ւմ է օգտվել գրքի բաղադրատոմսերից, Մելաձեն պատասխանեց. «Անպայման»:
Երգչի խոսքով`
Հայաստանից մեկնելիս իր հետ հույզեր ու ջերմություն է տանելու։
Նա հուսով է, որ մոտ ապագայում նորից կգա, բայց արդեն մեծ համերգով, և այդ ժամանակ հնարավոր է` անակնկալներ լինեն նաև հայ հանդիսատեսի համար։
Մելաձեն պատրաստվում է նաև Վրաստան մեկնել, բայց ոչ այսօր, քանի որ գիշերը մեկնում է Ռուսաստան: Նա նաև խաղաղություն և բարգավաճում մաղթեց երկու եղբայրական ժողովուրդներին՝ հայերին և վրացիներին։
Վալերի Մելաձեն ծնվել է 1965 թվականի հունիսի 23-ին Բաթում քաղաքում: Այնտեղ էլ երաժշտական դպրոց է ավարտել։ Հետո որպես հեռախոսավար է աշխատել։ 1989թ. ավարտել է Ս.Օ. Մակարովի անվան նավաշինության ինստիտուտը՝ «ծովային էներգետիկ սարքավորումների ինժեներ-մեխանիկ» մասնագիտությամբ:
Ուսումնառության ընթացքում հանդես է եկել «Ապրիլ» երաժշտական խմբի կազմում։ Այնուհետև առանձնացել է խմբից, 1995 թվականին թողարկել իր ալբոմը և սկսել է մենահամերգներով հանդես գալ։
