https://arm.sputniknews.ru/20211010/nranq-el-boloris-pes-unen-zgacmunqner-mip-i-ugherdzy-hogekan-aroghjutjan-orva-artov---34148619.html
Նրանք էլ բոլորիս պես ունեն զգացմունքներ. ՄԻՊ-ի ուղերձը՝ Հոգեկան առողջության օրվա առթիվ
Նրանք էլ բոլորիս պես ունեն զգացմունքներ. ՄԻՊ-ի ուղերձը՝ Հոգեկան առողջության օրվա առթիվ
Sputnik Արմենիա
Հոգեկան առողջության ոլորտում բազմաթիվ խնդիրներ կան՝ համապատասխան մասնագետների պակասից մինչև հոգեկան առողջության խնդիրներ ունեցող մարդկանց իրավունքների... 10.10.2021, Sputnik Արմենիա
2021-10-10T22:31+0400
2021-10-10T22:31+0400
2021-10-10T22:34+0400
արման թաթոյան
հոգեկան
https://cdn.am.sputniknews.ru/img/07e5/06/01/27772028_0:97:1875:1152_1920x0_80_0_0_dc8afa0f93123fc7a123e828a1912753.jpg
ԵՐԵՎԱՆ, 10 հոկտեմբերի - Sputnik. Հոկտեմբերի 10-ը Հոգեկան առողջության համաշխարհային օրն է: Հայաստանի Մարդու իրավունքների պաշտպան Արման Թաթոյանը Facebook-ի իր էջում անդրադարձել է օրվա խորհրդին՝ ընդգծելով, որ հոգեկան առողջության խնդիր ունեցող մարդիկ մեր հասարակության լիարժեք անդամ են։ Չեխիան մտադիր է հոգեբանական աջակցություն տրամադրել պատերազմից տուժած ընտանիքներին «Նրանք էլ բոլորիս պես ունեն արժանապատվություն, զգացմունքներ և գնահատման արժանի ներուժ: Խտրականությունը ու կարծրատիպերը նրանց մեկուսացած են պահում հասարակությունից, իսկ իրավունքներն ինքնուրույն պաշտպանելու դժվարությունները կամ անկարողությունն ավելի են խորացնում նրանց խնդիրները»,- գրել է Թաթոյանը։ ՄԻՊ-ն անդրադարձել է ոլորտում առկա բազմաթիվ չլուծված խնդիրներին։ Նրա խոսքով՝ պատշաճ երաշխավորված չեն հոգեկան առողջության խնդիրներ ունեցող երեխաների իրավունքները, լուրջ խնդիր է բժշկական ծառայությունների հասանելիությունը հատկապես մարզերում, կայացած չէ ներառական կրթության համակարգը։ Ծնողները հաճախ լուրջ դժվարությունների առաջ են կանգնում՝ սկսած երեխայի համար անհրաժեշտ կրթություն ապահովելուց, հասարակությունից երեխայի մեկուսացում թույլ չտալուց մինչև աշխատել-չաշխատելու անլուծելի երկընտրանքը: «Խրոնիկ խնդիրներ ունի հոգեբուժարաններում մարդկանց իրավունքների ապահովումը: Չկան անհրաժեշտ համայնքահեն ծառայություններ, թերի են կառավարումն ու վերահսկողությունը, անհիմն ձգձգվում են դատական գործընթացները ու մարդկանց դնում տարիների քաշքշուկների մեջ, չկա պատասխանատու մարմինների միջև գործառույթների հստակ տարանջատում և այլն»,- ոլորտի խնդիրների վրա ուշադրություն է հրավիրում պաշտպանը։ Առկա խնդիրների կողքին, ըստ պաշտպանի, գնահատված չէ հոգեկան առողջության ոլորտի աշխատանքը՝ չկան բավարար թվով մասնագետներ, թերի են մասնագիտական վերապատրաստումները, ցածր են աշխատակիցների սոցիալական երաշխիքները և այլն։ Նուբարաշենի հոգեբուժարանում ինքնասպանություն է գործել 36–ամյա տղամարդԱյս ամենն անմիջական բացասական ազդեցություն է ունենում մարդու հոգեկան առողջության և մատուցվող ծառայությունների որակի վրա: Թաթոյանը նկատում է, որ գործնականում բազմաթիվ հարցեր լուծվում են ոչ թե պետական քաղաքականության, այլ մասնագետների անձնական ջանքերով ու նրանց անձնական բարեխղճության շնորհիվ:
https://arm.sputniknews.ru/20211004/bzhishk-badaljani-akhtvorvoshumy-ev-voch-voq-chi-bvoghvoqum-khelqi-pakasic-33839398.html
Sputnik Արմենիա
media@sputniknews.com
+74956456601
MIA „Rosiya Segodnya“
2021
Sputnik Արմենիա
media@sputniknews.com
+74956456601
MIA „Rosiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rosiya Segodnya“
Sputnik Արմենիա
media@sputniknews.com
+74956456601
MIA „Rosiya Segodnya“
արման թաթոյան, հոգեկան
Նրանք էլ բոլորիս պես ունեն զգացմունքներ. ՄԻՊ-ի ուղերձը՝ Հոգեկան առողջության օրվա առթիվ
22:31 10.10.2021 (Թարմացված է: 22:34 10.10.2021) Հոգեկան առողջության ոլորտում բազմաթիվ խնդիրներ կան՝ համապատասխան մասնագետների պակասից մինչև հոգեկան առողջության խնդիրներ ունեցող մարդկանց իրավունքների պաշտպանություն։
ԵՐԵՎԱՆ, 10 հոկտեմբերի - Sputnik. Հոկտեմբերի 10-ը Հոգեկան առողջության համաշխարհային օրն է: Հայաստանի Մարդու իրավունքների պաշտպան Արման Թաթոյանը
Facebook-ի իր էջում անդրադարձել է օրվա խորհրդին՝ ընդգծելով, որ հոգեկան առողջության խնդիր ունեցող մարդիկ մեր հասարակության լիարժեք անդամ են։
«Նրանք էլ բոլորիս պես ունեն արժանապատվություն, զգացմունքներ և գնահատման արժանի ներուժ: Խտրականությունը ու կարծրատիպերը նրանց մեկուսացած են պահում հասարակությունից, իսկ իրավունքներն ինքնուրույն պաշտպանելու դժվարությունները կամ անկարողությունն ավելի են խորացնում նրանց խնդիրները»,- գրել է Թաթոյանը։
ՄԻՊ-ն անդրադարձել է ոլորտում առկա բազմաթիվ չլուծված խնդիրներին։ Նրա խոսքով՝ պատշաճ երաշխավորված չեն հոգեկան առողջության խնդիրներ ունեցող երեխաների իրավունքները, լուրջ խնդիր է բժշկական ծառայությունների հասանելիությունը հատկապես մարզերում, կայացած չէ ներառական կրթության համակարգը։ Ծնողները հաճախ լուրջ դժվարությունների առաջ են կանգնում՝ սկսած երեխայի համար անհրաժեշտ կրթություն ապահովելուց, հասարակությունից երեխայի մեկուսացում թույլ չտալուց մինչև աշխատել-չաշխատելու անլուծելի երկընտրանքը:
«Խրոնիկ խնդիրներ ունի հոգեբուժարաններում մարդկանց իրավունքների ապահովումը: Չկան անհրաժեշտ համայնքահեն ծառայություններ, թերի են կառավարումն ու վերահսկողությունը, անհիմն ձգձգվում են դատական գործընթացները ու մարդկանց դնում տարիների քաշքշուկների մեջ, չկա պատասխանատու մարմինների միջև գործառույթների հստակ տարանջատում և այլն»,- ոլորտի խնդիրների վրա ուշադրություն է հրավիրում պաշտպանը։
Առկա խնդիրների կողքին, ըստ պաշտպանի, գնահատված չէ հոգեկան առողջության ոլորտի աշխատանքը՝ չկան բավարար թվով մասնագետներ, թերի են մասնագիտական վերապատրաստումները, ցածր են աշխատակիցների սոցիալական երաշխիքները և այլն։
Այս ամենն անմիջական բացասական ազդեցություն է ունենում մարդու հոգեկան առողջության և մատուցվող ծառայությունների որակի վրա: Թաթոյանը նկատում է, որ գործնականում բազմաթիվ հարցեր լուծվում են ոչ թե պետական քաղաքականության, այլ մասնագետների անձնական ջանքերով ու նրանց անձնական բարեխղճության շնորհիվ:
