Ինչ վտանգներ ունի հեմոգլոբինի ցածր մակարդակը

© Sputnik / Георгий Зимарев / Անցնել ֆոտոբանկСдача крови
Сдача крови  - Sputnik Արմենիա, 1920, 10.10.2021
Բաժանորդագրվեք
Yandex newsTelegram
Լավ ինքնազգացողության համար շատ կարևոր է արյան հեմոգլոբինը նորմալ մակարդակի վրա պահել։ Ի՞նչ հետևանքների կարող է հանգեցնել հեմոգլոբինի ցածր մակարդակը։
ԵՐԵՎԱՆ, 10 հոկտեմբերի – Sputnik. Հեմոգլոբինի մակարդակի հսկողությունը թույլ է տալիս վաղ փուլերում շատ վտանգավոր հիվանդություններ բացահայտել ու ավելի շուտ սկսել բուժումը: Բացի այդ, արյան ցուցանիշների նորմայից երկարատև շեղումները կարող են լուրջ բարդությունների հանգեցնել:
Բժիշկը պատմել է` ինչից է արագանում կամ դանդաղում առողջացումը սուր շնչառական վարակի ժամանակ
Անեմիան հեմոգլոբինի պարունակության նվազումն է և/կամ արյան ծավալի մեկ միավորի մեջ արյան կարմիր բջիջների քանակի նվազումը, որը հանգեցնում է թթվածնի հյուսվածքների մատակարարման նվազմանը:
Անեմիան հիվանդություն չէ, դա ընդամենը ախտանիշ է, այսինքն՝ տարբեր պաթոլոգիաների հետևանքով առաջացած ախտանիշների խումբ: Անեմիայի հիմնական նշաններն են՝ գունատ մաշկ ու լորձաթաղանթ, թուլություն և հոգնածություն, գլխացավեր և գլխապտույտ, վատ շնչառություն, քնի խանգարումներ։

Անեմիայի հետևանքները

Եթե օրգանիզմում երկար ժամանակ հեմոգլոբինի մակարդակի պակաս կա, ապա դա կարող է ազդել ոչ միայն ընդհանուր առողջության վրա, այլև խաթարել բոլոր օրգանների աշխատանքը։
Հղի կին - Sputnik Արմենիա, 1920, 07.10.2021
Հղիներին կարելի՞ է պատվաստվել. պատասխանում է ՀՀ առողջապահության փոխնախարարը
Երբ օրգանիզմը թթվածնի պակաս է զգում, առաջանում են պաթոլոգիական փոփոխություններ, շնչառական ֆունկցիայի խանգարում, սրտի մկանների աշխատանքի խանգարում, աթերոսկլերոզ։
Հեմոգլոբինի չափազանց ցածր մակարդակը կարող է հանգեցնել նյարդային համակարգի աշխատանքի խանգարման (որպես հետևանք՝ դեպրեսիա և ապատիա), լյարդի մեծացում ու դրա գործունեության խանգարում:

Ինչպե՞ս խուսափել անեմիայից

Անեմիայի զարգացումից խուսափելու համար պետք է պարբերաբար բարձր սպիտակուցային սնունդ ընդունել։ Դրանք են՝ ձու, պանիր, կաթնաշոռ, ձուկ, տավարի միս, ինչպես նաև երկաթով հարուստ ձավարեղեն՝ կորեկ, վարսակի փաթիլներ, հնդկաձավար: Եվ, իհարկե, մրգեր։ Երկաթի դեֆիցիտով անեմիան կանխելու հարցում օգնում է խնձորը, ծիրանը, խուրման և այլ մրգերը։
Կրկնակի թանկ է տղամարդկանց սննդից․ ի՞նչ պետք է ուտեն կանայք առողջ լինելու համար
Անեմիայի կանխարգելման համար անհրաժեշտ է պարբերաբար արյան հետազոտություն հանձնել (տարեկան առնվազն 1 անգամ):

Ի՞նչ է հեմոգլոբինը և ինչ գործառույթ է կատարում

Հեմոգլոբինը ձևավորվում է արյան կարմիր գնդիկներում կամ այլ կերպ ասած՝ էրիթրոցիտներում, դրանց զարգացման վաղ փուլում: Յուրաքանչյուր շունչ հագեցնում է թթվածնով մեր արյան այդ բջիջները։ Բայց շնչառության ընթացքում էրիտրոցիտները միայն «տրանսպորտի» դեր են կատարում հեմոգլոբինի համար։ Հենց հեմոգլոբինն է կարողանում միանալ թթվածնի մոլեկուլներին ու «փոխանցել» դրանք կարիքավոր հյուսվածքներին, ինչպես նաև նշանակման կետից (հյուսվածքից) վերցնել ածխաթթու գազը և հակառակ ճանապարհով հասնել թոքերին։
Լրահոս
0