Ադրբեջանն ազատ է արձակել ՀՀ տարածքից ձերբակալած իրանցի վարորդներին

© Photo : Syuniac Yerkir NewspaperԳորիս–Կապան ճանապարհ
Գորիս–Կապան ճանապարհ - Sputnik Արմենիա, 1920, 13.10.2021
Գորիս–Կապան ճանապարհ. Արխիվային լուսանկար
Վարորդներն ազատության մեջ են հայտնվել Իրանի և Ադրբեջանի ԱԳ նախարարների հեռախոսազրույցից հետո։
ԵՐԵՎԱՆ, 13 հոկտեմբերի – Sputnik. Ադրբեջանի Հանրապետությունն ազատ է արձակել իրանցի վարորդներին, ովքեր ձերբակալվել էին շուրջ 1 ամիս առաջ ադրբեջանական ուժայինների կողմից՝ ՀՀ Սյունիքի մարզում՝ Գորիս-Կապան ճանապարհին:
Իրանական Mehr գործակալությունը հայտնում է, որ Ադրբեջանի և Իրանի արտաքին գործերի նախարարների միջև հեռախոսազրույցից մեկ օր անց Բաքուն ազատ է արձակել իրանցի վարորդներին:
Արարատ Միրզոյան - Sputnik Արմենիա, 1920, 13.10.2021
ՀՀ–ն ու Իրանը «Պարսից ծոց–Սև ծով» նախաձեռնության մասին համաձայնագիր կստորագրեն. Միրզոյան
«Անցյալ գիշեր կայացած հեռախոսազրույցում Իրանի արտգործնախարար Հոսեյն Ամիր Աբդոլլահիանն իր ադրբեջանցի գործընկեր Ջեյհուն Բայրամովին ասել էր, որ չպետք է խաթարվեն բարեկամական հարաբերությունները Թեհրանի և Բաքվի միջև»,- նշում է գործակալությունը:
Հիշեցնենք՝ սեպտեմբերի 9-ից Հայաստանի Հանրապետության Սյունիքի մարզի Որոտան գյուղի մոտ ադրբեջանական ոստիկանության հենակետ է տեղակայվել՝ պատճառաբանությամբ, որ ճանապարհի այդ մասը խորհրդային քարտեզներով պատկանում է Ադրբեջանին։ Սեպտեմբերի 11-ից ադրբեջանցիները ելքի ու մուտքի տուրքեր են պահանջում իրանական բեռնատարներից։
Կա՛մ գաղտնի ինչ-որ բաներ կան, կա՛մ իշխանությունն ասելիք չունի Գորիս–Կապան ճանապարհի մասին
Սեպտեմբերի 15-ին հայտնի դարձավ, որ նրանք նույնիսկ ձերբակալել են իրանական երկու բեռնատարի վարորդների՝ մեղադրելով Արցախ ապօրինի բեռներ տեղափոխելու համար։
Լրահոս
0
Սկզբում նորերըՍկզբում հները
loader
ԵԹԵՐՈւՄ Է
Заголовок открываемого материала