Հայաստանի, Ռուսաստանի և Ադրբեջանի հոգևոր առաջնորդները գերիներին ազատ արձակելու կոչ են արել

© Sputnik / Сергей ПятаковВстреча Верховного Патриарха и Католикоса всех армян Гарегина II с Патриархом Московским и всея Руси Кириллом в Даниловом монастыре (2 апреля 2019). Москвa
Встреча Верховного Патриарха и Католикоса всех армян Гарегина II с Патриархом Московским и всея Руси Кириллом в Даниловом монастыре (2 апреля 2019). Москвa - Sputnik Արմենիա, 1920, 13.10.2021
Համայն Ռուսիո պատրիարքը Հայաստանի և Ադրբեջանի հոգևոր առաջնորդների հետ հանդիպումից հետո հայտարարություն է տարածել։
ԵՐԵՎԱՆ, 13 հոկտեմբերի – Sputnik. Կրոնական առաջնորդները հանուն ներկա և ապագա սերունդների բարօրության և բարգավաճման պատրաստ են աջակցել Ադրբեջանի և Հայաստանի ժողովուրդների հաշտեցմանը։ Այս մասին ասված է հայտարարության մեջ, որն այսօր կայացած եռակողմ հանդիպումից հետո տարածել է Համայն Ռուսիո պատրիարք Կիրիլը։
Պատրիարքը նշել է, որ կրոնները բացառիկ խաղաղապահ ներուժ ունեն հատկապես ազգամիջյան հարաբերություններում։
Հայաստանի, Ռուսաստանի և Ադրբեջանի հոգևոր առաջնորդների հանդիպումը - Sputnik Արմենիա, 1920, 13.10.2021
Մի կապեք կրոնը պատերազմի հետ. սկսվել է ՀՀ, ՌԴ և Ադրբեջանի հոգևոր առաջնորդների հանդիպումը
«Որքան էլ այս փուլում բարդ լինեն հայ-ադրբեջանական հարաբերությունները, մենք կարծում ենք, որ հենց Աստծո հանդեպ հավատն ու սերը կարող են օգնել բուժել բազմամյա ողբերգական դիմակայության հասցրած վերքերը: Դա շատ դժվար ճանապարհ է և հոգևոր իմաստություն ու խորաթափանցություն է պահանջում», - նշել է ռուս ուղղափառ եկեղեցու առաջնորդը։
Նրա խոսքով` ադրբեջանցի և հայ ժողովուրդներն այլ ապագա չունեն, քան իրար կողքի գոյակցելը։
«Այսօր հատկապես կարևոր է, որ վերականգնվի վստահությունը միմյանց նկատմամբ, մարդիկ կրկին սովորեն հարևանին ընկալել հարգանքով և օգնության հասնելու պատրաստակամությամբ», - նշել է պատրիարքը։
Նա կոչ է արել հստակեցնել անհետ կորածների ճակատագիրը, նպաստել ռազմագերիների ազատ արձակման գործընթացին և թույլ չտալ խաղաղ քաղաքացիների կյանքին սպառնացող զենքի կիրառումը:
Համայն Ռուսիո պատրիարք Կիրիլ - Sputnik Արմենիա, 1920, 12.10.2021
Պատրիարք Կիրիլն ասել է` ինչն է խանգարում ԼՂՀ հակամարտության կարգավորմանը
«Պետք է ձգտենք խուսափել ատելության լեզվից, ձեռնպահ մնալ հակամարտության գոտում ռազմական գործողությունների կոչերից։ Ռուս ուղղափառ եկեղեցին աղոթում է իր երկու բարեկամ ժողովուրդների հաշտեցման համար և պատրաստ է այսուհետ ևս ամեն կերպ աջակցել, որպեսզի Հարավային Կովկասում ամուր և արդար խաղաղություն հաստատվի», - ասված է հայտարարության մեջ:
Հայաստանը դժվարությունները կհաղթահարի ՌԴ-ի և Ռուս ուղղափառ եկեղեցու օգնությամբ. Գարեգին Բ
Հիշեցնենք` հոկտեմբերի 12-ին Մոսկվայի և Համայն Ռուսիո պատրիարք Կիրիլը հանդիպել է Ամենայն հայոց կաթողիկոս Գարեգին Բ-ի և Կովկասի մահմեդականների վարչության նախագահ շեյխ ուլ-իսլամ Ալլահշուքյուր Փաշազադեի հետ: Հոկտեմբերի 13-ին կայացել է հոգևոր առաջնորդների եռակողմ հանդիպումը։
Գարեգին Բ-ն ու Կիրիլ պատրիարքը քննարկել են իրավիճակն Արցախում
Լրահոս
0
Սկզբում նորերըՍկզբում հները
loader
ԵԹԵՐՈւՄ Է
Заголовок открываемого материала