https://arm.sputniknews.ru/20211013/minski-khmbi-hamanakhagahnery-mer-pvokharen-voch-mi-ashkhatanq-chen-anelu-tevan-pvoghvosjan-34256657.html

Մինսկի խմբի համանախագահները մեր փոխարեն ոչ մի աշխատանք չեն անելու. Թևան Պողոսյան

Մինսկի խմբի համանախագահները մեր փոխարեն ոչ մի աշխատանք չեն անելու. Թևան Պողոսյան

Sputnik Արմենիա

Մարդկային զարգացման միջազգային կենտրոնի ղեկավար Թևան Պողոսյանը Sputnik Արմենիայի եթերում անդրադարձել է ՀՀ–ում Ֆրանսիայի դեսպանի հայտարարությանն ու բանակցային... 13.10.2021, Sputnik Արմենիա

2021-10-13T19:17+0400

2021-10-13T19:17+0400

2021-10-13T19:17+0400

ռադիո

հայաստան

ադրբեջան

եահկ մինսկի խումբ

թևան պողոսյան

https://cdn.am.sputniknews.ru/img/07e5/0a/0d/34255084_0:0:2759:1552_1920x0_80_0_0_1fd278124a6d92a0b0546a1d71f29e66.jpg

Թևան Պողոսյանի կարծիքով` Եթե Մինսկի խումբը փորձում է վերականգնել բանակցային գործընթացը, դա պետք է ողջունել, բայց շատ հարցեր հայելային ձևով փոխվել են, և ամենակարևոր սկզբունքներից մեկը` ուժի չկիրառումը, խախտվել է։Նշենք, որ Հայաստանում Ֆրանսիայի նորանշանակ դեսպան Անն Լույոն «Ազատություն» ռադիոկայանի հետ զրույցում ասել է, որ Ֆրանսիան, Ռուսաստանի և Միացյալ Նահանգների հետ աշխատում է Ղարաբաղի վերաբերյալ տևական համաձայնագրի կնքման ուղղությամբ։«Եթե Մինսկի խմբի համանախագահներն ասում են` անհրաժեշտ է բանակցել, այդ նույն հայտարարության շրջանակում եղել է նաև մեկ այլ սկզբունք` ուժի չկիրառում, բայց երբ ուժ կիրառվեց, ի՞նչ հետևանքներ ունեցանք։ Արդյո՞ք Մինսկի խումբն այժմ խոսելու է նույն երեք հիմնարար սկզբունքների մասին, և եթե Ադրբեջանը վերստին ուժ կիրառի, ի՞նչ է անելու ՄԽ–ն։ Հիմա հարց է առաջանում` Մինսկի խումբը պահում են միայն Արցախի կարգավիճակը որոշելու՞, թե՞ մյուս երկու սկզբունքները նույնպես պահպանելու համար։ Տարածքային ամբողջականությունը վերաբերում էր միայն Ադրբեջանի՞ն, իսկ հիմա ինչո՞ւ չեն խոսում Հայաստանի կամ Արցախի տարածքային ամբողջականության մասին»,– Sputnik Արմենիայի հետ զրույցում ասաց Թևան Պողոսյանը։Պատասխանելով հարցին, թե Մինսկի խմբի համանախագահների ձևաչափը և Հայաստան–Ռուսաստան–Ադրբեջան եռակողմ ձևաչափն իրար փոխլրացնո՞ւմ են, թե՞ հակոտնյա են, Պողոսյանն ընդգծեց, որ պետք է դիտարկել` իրականում ինչն է կյանքի կոչվում, հետևաբար հարց է առաջանում` արդյոք իրականացվե՞լ են եռակողմ երկու հայտարարությունների բոլոր դրույթները։«Գերիներին վերադարձրե՞լ են, զորքերը կանգնա՞ծ են այնտեղ, ուր պետք է լինեին նոյեմբերի 9-ի հայտարարությունից անմիջապես հետո, երեկ էր, չէ՞, որ Արցախում ունեցանք հերթական զոհը։ Իսկ Մինսկի խմբի համանախագահների հայտարարությունից հետո ինչ–որ բան փոխվելո՞ւ է, այսինքն` ձևաչափերը մինչև վերջ չեն աշխատում, և միակ հակոտնյան այս պահին Ադրբեջանն է, որը թքած ունի Հայաստանի դիրքորոշման վրա և առաջ է տանում իր քաղաքականությունը` թիկունքում ունենալով Թուրքիայի աջակցությունը»,– նշեց Մարդկային զարգացման միջազգային կենտրոնի ղեկավարը։Պողոսյանի դիտարկմամբ` եթե ՀՀ ղեկավարությունն ամենաբարձր մակարդակով ընդունում է, որ համաձայն ԽՍՀՄ քարտեզների` որոշ տարածքներ պատկանում են Ադրբեջանին, ուրեմն հակոտնյա քաղաքականության խնդիրները հենց այդտեղ են, հետևաբար մինչև մենք մեր գործողությունները չանենք, Մինսկի խմբի համանախագահները մեր փոխարեն ոչ մի աշխատանք չեն անի, մինչդեռ մենք հարցեր քննարկելու համար նախանշում ենք սխալ շրջանակներ։Ըստ փորձագետի` նախկինում Հայաստանը հայտարարում էր, որ չի ճանաչում Արցախի անկախությունը` անսալով միջազգային հանրության հորդորին, որ ճանաչելու դեպքում կլինի պատերազմ, բայց երբ ուժ կիրառվեց, հիմա ինչի՞ց ենք վախենում, որ չենք ճանաչում Արցախի անկախությունը, առավել ևս որ մեր մոտեցումն էր «անջատում հանուն փրկության» թեզը կամ ինքնորոշման իրավունքը։«Սպասում ենք, որ կրկին մեր երեսով տա՞ն Արցախը չճանաչելու հանգամանքը»,– նշեց նա։Պողոսյանի պնդմամբ` նախևառաջ պետք է կողնորոշվի Հայաստանը և հստակեցնի իր քայլերը։

https://arm.sputniknews.ru/20210923/adrbejany-sarsapum-e-eahk-minski-khmbi-dzevachapi-verakendanacumic-adrbejanaget-33572547.html

https://arm.sputniknews.ru/20211013/hajastani-u-adrbejani-ag-nakhararnery-ksharunaken-handipumnery-34236093.html

https://arm.sputniknews.ru/20211008/eahk-mkh-hamanakhagahnery-karevorel-en-mardasirakan-kazmakerputjunneri-anargel-mutqn-arcakh-34101560.html

ադրբեջան

2021

Լուրեր

am_HY

հայաստան, ադրբեջան, եահկ մինսկի խումբ, թևան պողոսյան