4 մլրդ 733 մլն դրամ` ազգային ավիափոխադրողի բաժնետոմսերի դիմաց. կառավարությունը քայլ արեց

© Sputnik / Andranik GhazaryanAir Arabia–ի ինքնաթիռ
Air Arabia–ի ինքնաթիռ - Sputnik Արմենիա, 1920, 14.10.2021
Վարչապետը հիշեցրեց, որ ՀՀ գործող օրենսդրությամբ ազգային կարող է կոչվել ՀՀ–ում հիմնադրված ցանկացած մասնավոր ավիափոխադրող։ Նա նաև վստահեցրեց, որ այս մոտեցումը չի փոխվելու, իսկ նոր ավիաընկերությունը մյուսների հանդեպ որևէ արտոնություն չի ունենալու։
ԵՐԵՎԱՆ, 14 հոկտեմբերի – Sputnik. Ազգային ավիափոխադրող ընկերություն ունենալը Հայաստանի համար 4 մլրդ 733 մլն դրամ կարժենա։
Այսօր կառավարության նիստում ընդունված որոշմամբ պետական բյուջեից հենց այսքան գումար փոխանցվեց «Հայաստանի պետական հետաքրքրությունների ֆոնդ» ՓԲԸ–ին, որը հանդես է գալու որպես նոր ավիաընկերության կառավարիչ։
Пассажир с тележой для багажа в аэропорту Звартноц - Sputnik Արմենիա, 1920, 22.07.2021
Ի՞նչ առավելություններ է ունենալու Հայաստանի ազգային ավիափոխադրողը, և ո՞վ է այն ղեկավարելու
«Այս որոշումն արտահայտում է ՀՀ կառավարության` հայկական ազգային ավիաընկերություն ունենալու քաղաքական կամքը, ինչը չի նշանակում, թե ՀՀ–ում այլ հայկական ավիաընկերություններ չպիտի լինեն»,– որոշման նախագծի քննարկման ժամանակ ասաց ՀՀ վարչապետ Նիկոլ փաշինյանը։
Հիշեցնենք` 2021 թվականի հուլիսի 14-ին «Հայաստանի պետական հետաքրքրությունների ֆոնդ» փակ բաժնետիրական ընկերության և Էյր Արաբիա ընկերության միջև կնքվել էր պայմանագիր, որով կողմերը պարտավորվել են ՀՀ–ում ստեղծել ազգային ավիաընկերություն:
Նոր ավիափոխադրող ընկերությունում բաժնետոմսերի դիմաց «Հայաստանի պետական հետաքրքրությունների ֆոնդ» ՓԲԸ պարտավորվել էր վճարել 4 733 720 000 դրամ: Նույնքան գումար էլ պարտավորվել է ներդնել «Էյր Արաբիա» ընկերությունը։

««Էյր Արաբիան» ունի փորձառություն ավիաընկերություն ստեղծելու և զարգացնելու, և այդ փորձառության բերումով է, որ մենք այսպիսի գործընկերությունը կարևոր ենք համարում։ Ըստ էության, մենք այս համատեղ ներդրմամբ հրավիրում ենք «Էյր Արաբիա» ընկերությանը մեզ հետ համատեղ հիմնադրելու ու կառավարելու ավիաընկերություն, որը կկոչվի «Արնա»»։

Встреча премьер-министра Армении Никола Пашиняна и президента РФ Владимира Путина (12 олтября 2021). Москва - Sputnik Արմենիա
Նիկոլ Փաշինյան
ՀՀ վարչապետ
Վարչապետը հիշեցրեց, որ ՀՀ գործող օրենսդրությամբ ազգային կարող է կոչվել ՀՀ–ում հիմնադրված ցանկացած մասնավոր ավիափոխադրող։ Նա նաև վստահեցրեց, որ այս մոտեցումը չի փոխվելու, իսկ նոր ավիաընիկերությունը մյուսների հանդեպ որևէ արտոնություն չի ունենալու։
Վարչապետը նշեց, որ «Արնան» պետք է առաջին չվերթերը սկսի 2022թ–ի գարնանից։
И.о. премьер-министра Никол Пашинян принял председателя правления Air Arabia шейха Абдуллу бин Мохаммада Аль Тани - Sputnik Արմենիա, 1920, 14.07.2021
Նոր ազգային փոխադրողը գործելու է բյուջետային ավիաընկերություններին հատուկ սակագներով
Նշենք, որ 2021 թվականի հուլիսի 14-ին «Հայաստանի պետական հետաքրքրությունների ֆոնդ» փակ բաժնետիրական ընկերության և Էյր Արաբիա ընկերության միջև կնքված պայմանագրով` «Արնայի» կառավարումն իրականացնելու է «Էյր Արաբիան», որը հանդիսանում է Մերձավոր Արևելքի ու Հյուսիսային Աֆրիկայի առաջին և ամենամեծ բյուջետային ավիափոխադրողը:
Լրահոս
0
Սկզբում նորերըՍկզբում հները
loader
ԵԹԵՐՈւՄ Է
Заголовок открываемого материала