https://arm.sputniknews.ru/20211014/arcakhi-qaghaqacineri-harcn-el-klutsvi-bichakhchjany-andznagrajin-pvopvokhutjunneri-masin-34297936.html

Արցախի քաղաքացիների հարցն էլ կլուծվի. Բիչախչյանը` անձնագրային փոփոխությունների մասին

Արցախի քաղաքացիների հարցն էլ կլուծվի. Բիչախչյանը` անձնագրային փոփոխությունների մասին

Sputnik Արմենիա

ՀՀ ոստիկանության անձնագրային և վիզաների վարչության նախկին պետ Մնացական Բիչախչյանը Sputnik Արմենիայի եթերում անդրադարձել է ՀՀ քաղաքացու անձնագրի մասին» օրենքում... 14.10.2021, Sputnik Արմենիա

2021-10-14T20:43+0400

2021-10-14T20:43+0400

2021-10-28T16:52+0400

արցախ

հայաստան

անձնագիր

մնացական բիչախչյան

ռադիո

https://cdn.am.sputniknews.ru/img/07e5/0a/0e/34298963_0:0:1600:901_1920x0_80_0_0_8b26084781d8a3edfcc48ef6762b86ee.jpg

Միջազգային փորձի ուսումնասիրությունը ցույց է տվել, որ կան երկրներ, որտեղ թույլատրվում է անձնագրում երկրի փոխարեն քաղաքացու ցանկությամբ որպես ծննդավայր նշել քաղաքը, մարզը, գյուղը, ուստի Հայաստանը նույնպես դիմեց այդ քայլին, Sputnik Արմենիայի հետ զրույցում ասաց ՀՀ ոստիկանության անձնագրային և վիզաների վարչության նախկին պետ Մնացական Բիչախչյանը։Նա պատմեց, որ պրակտիկայում երբեմն առաջացել են որոշակի խնդիրներ, օրինակ` քաղաքացին ծնվել է Երուսաղեմում, ստացել է ՀՀ քաղաքացիություն և դիմել հայկական անձնագիր ստանալու համար` պնդելով, որ չնշվի Իսրայել անվանումը, որովհետև Պաղեստին այցելելիս ունենում է պրոբլեմներ, բայց դա իրավաբանորեն անել հնարավոր չէր, որովհետև օրենքը թույլ չէր տալիս«Եվս մեկ խնդիր առաջանում է այն ժամանակ, երբ քաղաքացին ծնվել է միջազգայնորեն չճանաչված երկրում։ Նման դեպքում քաղաքացու ծննդյան վկայականում նշված է այլ պետություն, մինչդեռ նա ներկայացնում է այլ երկրի անձնագիր։ Մենք ելնելով միջազգային ստանդարտներից` բնականաբար չենք կարող անձնագրում նշել չճանաչված պետության անվանում։ Բացի այդ, պարզ իրավաբանական տեսանկյունից ծրագրային ապահովում իրականացնելու համար նաև քաղաքացիական ավիացիայի միջազգային կազմակերպության կանոնակարգը թույլ չի տալիս նման քայլի գնալ»,– նշեց ՀՀ ոստիկանության անձնագրային և վիզաների վարչության նախկին պետը։Բիչախչյանի խոսքով` դեռևս իր պաշտոնավարման ընթացքում ԱԳՆ–ի հետ համագործակցելով և ուսումնասիրելով միջազգային փորձը` շրջանառության մեջ է դրվել մի նախագիծ, որ նման դեպքերում, երբ քաղաքացին ցանկանա, ապա կարող է իր կամքով անձնագրում նշել ծննդավայրը, ինչը բխում է քաղաքացու շահերից։Անդրադառնալով նաև Արցախի Հանրապետության քաղաքացիների հետ կապված խնդրին` Բիչախչյանն ընդգծեց, որ նախագիծը միտված է նաև այդ պրոբլեմը լուծելուն։«Եղել են դեպքեր, երբ քաղաքացին ներկայանում էր հայկական անձնագիր ստանալու, սակայն նրա ծննդյան վկայականում նշված էր Ադրբեջանական ԽՍՀ։ Նա պնդում էր, որ «Ադրբեջան» եզրույթը չգրվի ու նշվի «Արցախ» տարբերակը, մինչդեռ վերջինը, որպես առանձին սուվերեն պետություն, ճանաչված չէ, ուստի նշվում էր Հայաստանի Հանրապետություն, թեև ծննդյան վկայականում առկա տվյալի և անձնագրում առկա տվյալի առնչությամբ որոշակի պրոբլեմներ էին առաջանում արտասահմանում։ Բայց այժմ քաղաքացու ցանկությամբ անձնագրում կարող է նշվել նրա ծննդավայրի անվանումը` առանց երկիր նշելու»,– ասաց ՀՀ ոստիկանության անձնագրային և վիզաների վարչության նախկին պետը։Հիշեցնենք` ՀՀ կառավարությունն այսօրվա նիստում հավանություն տվեց «ՀՀ քաղաքացու անձնագրի մասին» և «Նույնականացման քարտերի մասին» օրենքներում փոփոխությունների նախագծին, որի համաձայն` Հայաստանի Հանրապետության անձնագրերում առաջարկվում է քաղաքացիներին հնարավորություն տալ նշելու կոնկրետ ծննդավայրը:

https://arm.sputniknews.ru/20211014/tghanern-andznagir-kstanan-voch-te-minchev-18-ajl-minchev-19-tarekany-lranaly-34280720.html

https://arm.sputniknews.ru/20211014/andznagrum-petutjan-pvokharen-karvogh-e-nshvel-qaghaqacu-tsnndavajr-qaghaqy-kam-gjughy-34281540.html

2021

Լուրեր

am_HY

արցախ, հայաստան, անձնագիր, մնացական բիչախչյան