Եզակի ձևաչափ է․ Զախարովան՝ Հայաստանի, ՌԴ-ի և Ադրբեջանի հոգևոր առաջնորդների հանդիպման մասին

© Photo : Пресс-служба Патриарха Московского и всея Руси / Անցնել ֆոտոբանկՀայաստանի, Ռուսաստանի և Ադրբեջանի հոգևոր առաջնորդների հանդիպումը
Հայաստանի, Ռուսաստանի և Ադրբեջանի հոգևոր առաջնորդների հանդիպումը - Sputnik Արմենիա, 1920, 14.10.2021
Հայաստանի, Ռուսաստանի և Ադրբեջանի հոգևոր առաջնորդների հանդիպումը
Բաժանորդագրվեք
Ռուսաստանի ԱԳՆ պաշտոնական ներկայացուցիչն ընդգծել է, որ այդ ձևաչափը նպաստում է կողմերի միջև փոխըմբռնման խորացմանն ու միջկրոնական երկխոսության առաջխաղացմանը:
ԵՐԵՎԱՆ, 14 հոկտեմբերի - Sputnik. Հայաստանի, Ռուսաստանի ու Ադրբեջանի հոգևոր առաջնորդների եռակողմ հանդիպումը ևս մեկ կարևոր ձևաչափ է խնդիրների հաղթահարման ու վստահության մթնոլորտի ստեղծման, ինչպես նաև հայ-ադրբեջանական հարաբերությունների կարգավորման համար: Այսօր ճեպազրույցի ժամանակ նման կարծիք է հայտնել Ռուսաստանի ԱԳՆ պաշտոնական ներկայացուցիչ Մարիա Զախարովան։
Հայաստանի, Ռուսաստանի, Ադրբեջանի հոգևոր առաջնորդների հանդիպումը - Sputnik Արմենիա, 1920, 13.10.2021
Գարեգին Բ–ն Ադրբեջանի հոգևոր առաջնորդին ասել է` ինչու չի կարգավորվում ԼՂ հակամարտությունը
«Այս հանդիպումն առաջինը չէր, կրոնական առաջնորդների միջև շփումները տասնամյակներ շարունակ պահպանվում են։ Դրանք առանձնանում են վստաության բարձր մթնոլորտով», - ասել է Զախարովան։
Նրա խոսքով՝ հոկտեմբերի 13-ին Մոսկվայում կայացած հանդիպումը կնպաստի հայ-ադրբեջանական հարաբերությունների կարգավորմանը և Անդրկովկասում ընդհանուր իրավիճակի առողջացմանը, ներառյալ վստահության ամրապնդումը, հումանիտար խնդիրների լուծումը, մշակութային ու կրոնական ժառանգության օբյեկտների պահպանումը։
Գարեգին Բ-ն ու Պատրիարք Կիրիլը քննարկել են իրավիճակն Արցախում
Նա նշել է, որ սա եզակի ձևաչափ է, որը նպաստում է կողմերի միջև փոխըմբռնման խորացմանը և միջկրոնական երկխոսության առաջխաղացմանը:
Ինչպես արդեն հայտնել էինք, հոկտեմբերի 12-ին Մոսկվայի և Համայն Ռուսիո պատրիարք Կիրիլը հանդիպել է Ամենայն Հայոց Կաթողիկոս Գարեգին Բ-ի ու Կովկասի մահմեդականների վարչության նախագահ շեյխ ուլ-իսլամ Ալլահշուքյուր Փաշազադեի հետ: Հոկտեմբերի 13-ին կայացել է հոգևոր առաջնորդների եռակողմ հանդիպումը։
Լրահոս
0
Սկզբում նորերըՍկզբում հները
loader
ԵԹԵՐՈւՄ Է
Заголовок открываемого материала