https://arm.sputniknews.ru/20211015/davit-tvonvojany-kmna-kalanqi-tak-34338305.html

Դավիթ Տոնոյանը կմնա կալանքի տակ. ի՞նչ է պատրաստվում անել պաշտպանական կողմը

Դավիթ Տոնոյանը կմնա կալանքի տակ. ի՞նչ է պատրաստվում անել պաշտպանական կողմը

Sputnik Արմենիա

Տոնոյանի պաշտպանական կողմը պատրաստվում է որոշումը ստանալուց հետո բողոքարկել այն։ 15.10.2021, Sputnik Արմենիա

2021-10-15T19:24+0400

2021-10-15T19:24+0400

2021-10-15T19:35+0400

արցախ

հայաստան

դավիթ տոնոյան

հհ պաշտպանության նախարարություն (պն)

սպառազինություն

կալանք

արցախյան պատերազմ

https://cdn.am.sputniknews.ru/img/07e4/0a/19/25061134_0:0:1000:563_1920x0_80_0_0_8dc17bf918cff35e79424a5179c77e43.jpg

ԵՐԵՎԱՆ, 15 հոկտեմբերի – Sputnik. Վերաքննիչ դատարանը մերժել է ՀՀ պաշտպանության նախկին նախարար Դավիթ Տոնոյանի խափանման միջոցը՝ կալանքը վերացնելու հարցով պաշտպանական կողմի բողոքը: Դատարանի մոտ այս մասին լրագրողների հետ զրույցում ասաց Տոնոյանի պաշտպան Սերգեյ Հովհաննիսյանը։«Դատարանը մերժեց մեր բողոքը: Առաջին ատյանի դատարանի որոշումը թողնվեց օրինական ուժի մեջ։ Որոշման օրինակը դեռևս չենք ստացել, ծանոթ չենք բովանդակությանը»,- նշեց Հովհաննիսյանը:Պաշտպանական կողմը պատրաստվում է այդ որոշումը ստանալուց հետո պարտադիր կարգով այն բողոքարկել:Նա նշեց, որ Տոնոյանը ևս դատարանում ներկայացրել է իր հակափաստարկները և միացել փաստաբանների բողոքին։«2021 թվականի հուլիս ամսին նշանակվել էր փորձաքննություն առկա սպառազինության մասին։ Այսօր, դատական նիստի ժամանակ, քննիչից տեղեկացանք, որ այդ փորձաքննության կատարումը թողնվել է անկատար։ Այժմ նոր փորձաքննություն է նշանակվել՝ տեխնիկական»,- նշեց փաստաբանը։Նա շեշտեց, որ պաշտպանական կողմը պահանջում է փորձաքննության անհապաղ կատարում ամենասեղմ ժամկետներում, որպեսզի քննութունը չձգձգվի։Հիշեցնենք` սեպտեմբերի 30-ին ԱԱԾ–ն հայտնել էր, որ Դավիթ Տոնոյանն ու զենքի մատակարարմամբ զբաղվող Դավիթ Գալստյանը ձերբակալվել են առանձնապես խոշոր չափերի հափշտակություն կատարելու կասկածանքով։ Իսկ ավելի վաղ` սեպտեմբերի 25-ին ԱԱԾ-ն տեղեկացրել էր, որ ԶՈւ ավիացիայի նախկին պետ Ավետիք Մուրադյանն է ձերբակալվել նյութական ծանր հետևանքների առաջացմամբ իշխանությունը չարաշահելու և պաշտոնեական կեղծիքներ կատարելու կասկածանքով։Ըստ հաղորդագրության` նա ի պաշտոնե տեղյակ է եղել, որ դեռևս 2011 թվականին զենք և ռազմամթերք մատակարարող կազմակերպություններից մեկը ՀՀ է ներմուծել 1985-1991 թվականների արտադրության հրթիռներ։ Մատակարարումից որոշ ժամանակ անց հրթիռների մի մասը չեն կրակվել և դուրս են հանվել հաշվեկշռից, իսկ մնացածն ընդհանրապես չեն կիրառվել, այդ թվում՝ 2020 թվականի սեպտեմբերի 27-ին սկսված 44-օրյա պատերազմի ժամանակ:Սեպտեմբերի 30-ին Տոնոյանն ու Գալստյանը կալանավորվել էին։

https://arm.sputniknews.ru/20211011/davit-tvonvojany-pajqarelu-e-ir-bari-hambavy-verakangnelu-hamar-pastabanner-34154301.html

2021

Լուրեր

am_HY

արցախ, հայաստան, դավիթ տոնոյան, հհ պաշտպանության նախարարություն (պն), սպառազինություն, կալանք, արցախյան պատերազմ