Փաստաբանը հույս ունի, որ Առուշ Առուշանյանը նոյեմբերի 5-ին կլինի ազատության մեջ

© Photo : press office of Goris municipality Мэр Гориса Аруш Арушанян
 Мэр Гориса Аруш Арушанян - Sputnik Արմենիա, 1920, 15.10.2021
Բաժանորդագրվեք
Գորիսի համայնքապետ Առուշ Առուշանյանը կալանավորված է 2021թ–ի հուլիսի 16-ից:
ԵՐԵՎԱՆ, 15 հոկտեմբերի – Sputnik. Գորիսի համայնքապետ Առուշ Առուշանյանը հնարավոր է՝ նոյեմբերի 5-ին գտնվի ազատության մեջ։ Այս մասին լրագրողների հետ զրույցում հայտնեց փաստաբան Էրիկ Ալեքսանյանը։
«Վստահ ենք, որ Առուշ Առուշանյանը շատ շուտ կգտնվի ազատության մեջ։ Նրա գործով դատական նիստը նշանակվել է նոյեմբերի 5-ին, պատրաստվում ենք այդ ժամանակ բարձրացնել խափանման միջոցը փոխելու հարցը՝ որոշակի դատավարական փուլ անցնելուց հետո»,- ասաց Ալեքսանյանը։
Գորիսի համայնքապետ Առուշ Առուշանյանն ազատ չի արձակվի. դատարանը մերժեց միջնորդությունը
Նա հույս հայտնեց, որ հենց այդ օրը Առուշ Առուշանյանը ազատության մեջ կհայտնվի։ Ալեքսանյանը նաև շեշտեց, որ նոյեմբերի 5-ն Առուշանյանի համար հաղթանակի օր է, քանի որ 2017 թվականին հենց այդ օրը նա ընտրվեց Գորիսի քաղաքապետ՝ 99 տոկոս ձայնով։
Անդրադառնալով այն հարցին, որ Գորիսում խոսակցություններ կան, թե անկախ ընտրությունների արդյունքներից՝ Առուշանյանը մնալու է կալանքի տակ, պաշտպանն ասաց, որ նման հայտարարություն անելով ուզում են հասարակությանն ասել՝ Առուշանյանին մի ընտրեք, քանի որ գտնվում է անազատության մեջ և շարունակելու է գտնվել անազատության մեջ:
Խոսելով Առուշանյանի տեսակցությունների սահմանափակման մասին՝ Էրիկ Ալեքսանյանն ասաց, որ այստեղ ոչ միայն իրավաչափություն, այլև՝ տրամաբանություն չկա։
Мэр Гориса Аруш Арушанян - Sputnik Արմենիա, 1920, 13.10.2021
Շատ երկար չեմ մնա այստեղ. Առուշ Առուշանյանի բացառիկ հարցազրույցը կալանավայրից
«Առհասարակ այս վարույթն ապօրինի է, հետևաբար այդ վարույթների շրջանակում կատարված յուրաքանչյուր գործողություն, նաև տեսակցությունների սահմանափակումները, իրավաչափ չեն: Միջնորդել եմ տեսակցությունների սահմանափակումը վերացվի ամբողջությամբ կամ գոնե մասնակիորեն: Նոյեմբերի 5-ի դատական նիստի ժամանակ նաև այդ հարցն է քննարկման առարկա դառնալու»,-ասաց նա:
Հիշեցնենք, որ Վերաքննիչ քրեական դատարանը՝ դատավոր Մհեր Արղամանյանի նախագահությամբ, հոկտեմբերի 13-ին մերժել է Գորիսի համայնքապետ Առուշ Առուշանյանի նկատմամբ կիրառված խափանման միջոց կալանավորումը գրավով փոխարինելու միջնորդությունը։ Առուշանյանը կալանավորված է 2021թ–ի հուլիսի 16-ից:
Առուշ Առուշանյանը մասնակցել է մարտական գործողություններին. ՊՆ-ն հաստատել է
Գորիսի համայնքապետին մեղադրանք է առաջադրվել ՀՀ քրեական օրենսգրքի 35-154.2-րդ հոդվածի 4-րդ մասի 2-րդ կետով, 38-149-րդ հոդվածի 2-րդ մասի 4-րդ կետով և 38-154.2-րդ հոդվածի 3-րդ մասով (քվեարկության գաղտնիությունը խախտելը, ընտրական իրավունքի իրականացմանը խոչընդոտելը)։
Հոկտեմբերի 17-ին Գորիսում ու մի քանի այլ համայնքում նշանակված են ՏԻՄ ընտրություններ։ Առուշանյանը դրանց մասնակցելու է «Առուշ Առուշանյան» դաշինքով։
Լրահոս
0
Սկզբում նորերըՍկզբում հները
loader
ԵԹԵՐՈւՄ Է
Заголовок открываемого материала