Արտադրողները կկարողանան ավելի հեշտ պայմաններով սարքեր ներկրել. Էկոնոմիկայի փոխնախարար

© Sputnik / Aram NersesyanՎարոս Սիմոնյան
Վարոս Սիմոնյան - Sputnik Արմենիա, 1920, 16.10.2021
Վարոս Սիմոնյան
Բաժանորդագրվեք
Վարոս Սիմոնյանը ներկայացրեց, թե 2009-ից մինչ օրս քանի ընկերություն է օգտվել հին արտոնությունից և ինչքան աշխատատեղ է բացվել դրա արդյունքում։
ԵՐԵՎԱՆ, 16 հոկտեմբերի – Sputnik, Արամ Գարեգինյան. Հայաստանի արտադրողները կկարողանան սարքավորումներ և հումք ներմուծել ավելի պարզ պայմաններով։ Այս մասին Sputnik Արմենիայի հետ զրույցում ասել է էկոնոմիկայի փոխնախարար Վարոս Սիմոնյանը` մեկնաբանելով հարկային օրենսդրության վերջին փոփոխությունները։
2009-ից մինչ օրս արտադրական ոլորտի ներդրումային ծրագրերով ներմուծվող սարք–սարքավորումներն ու հումքը, ըստ Հարկային օրենսգրքի 79-րդ հոդվածի, մինչև երեք տարի ժամկետով ազատվում էին ԱԱՀ–ից։
Դրա համար արտադրողներին պետք էր, որ կառավարությունը հավանություն տա իրենց ներդրումային ծրագրին։
Արցախում ցեմենտի ժամանակակից գործարան - Sputnik Արմենիա, 1920, 19.09.2021
Դրսից ներմուծվող արտադրանքից մատչելի կլինի. Արցախում ցեմենտի գործարան է բացվել
2009-2021 թվականներին ԱԱՀ–ի հետաձգում են ստացել շուրջ 150 ընկերությունների ծրագրեր։ Վերլուծելով, թե արտադրական կարիքների համար նրանք ինչ ապրանքներ են ներմուծել` նախարարությունը կազմել է ԱԱՀ-ից ազատվող ներդրումային ապրանքների ցուցակ։ Դրա հետ մեկտեղ, ըստ անհրաժեշտության, ցանկը կարող է լրացվել։

«Նախկինում կարող էր լինել այնպես, որ մի տնտեսվարողի ծրագիրը կառավարության կողմից հավանություն ստանար, մյուսինը` ոչ, և հետևաբար մեկն արտոնություն կստանար, մյուսը չէր ստանա։ Իսկ հիմա բոլորը հավասար վիճակում կլինեն», –ասաց Սիմոնյանը։

Նա հիշեցրեց, որ հուլիսի մեկից արդեն իսկ ԱԱՀ–ի գերավճարը (դեբետը) բիզնեսին վերադարձվում է մեկ ամսվա ընթացքում։ Այսինքն` անգամ եթե ձեռնարկության կողմից ներմուծվող ապրանքը չկա ցանկում, նա մեկ ամսում հետ կստանա ներմուծված ապրանքի ԱԱՀ–ն։
Խոսելով ԱԱՀ–ի հետաձգման մեխանիզմի արդյունքների մասին` Սիմոնյանը նշեց, որ 2009-17 թվականներին դրանից օգտվել է 98 ներդրումային նախագիծ, 2018-21 թվականներին` 50 նախագիծ, որից երկուսն են «հետ–քովիդային» 2021-ի նախագիծ։
Ընդհանուր առմամբ, ամբողջ ընթացքում այդ ծրագրերով ներմուծվել են 434,63 միլիարդ դրամի սարքեր և հումք, որոնք գեներացրել են մեկ տրիլիոն 74 միլիարդ դրամ ներդրում, որոնցից փաստացի արդեն կատարվել է 941 միլիարդը (ծրագրերի մի մասը դեռ ընթացքում են)։
Հայաստանում ներդրումների համար շահութաբեր ոլորտները գնալով պակասում են. Քթոյան
Նախատեղված 16 հազար 546 աշխատատեղից, փաստացի ստեղծվել է մի փոքր ավելի` 16 587-ը։
Սիմոնյանի խոսքով` այդ տվյալները ստացվում են ՊԵԿ–ից, այսինքն` այդ բոլոր աշխատատեղերը պաշտոնապես գրանցված են։
«Մենք պարբերաբար հետևում ենք այդ ծրագրերի կատարման ընթացքին, և առանձին դեպքերում ԱԱՀ–ի հետաձգումը կասեցվել է այն տնտեսվարողների համար, ովքեր չեն կատարել իրենց ծրագրերը։ Սակայն դրանց մեծամասնությունը կատարվել է, ինչը երևում է թե՛ այդ ընկերությունների հաշվետվություններից, թե՛ ՊԵԿ–ի տվյալներից` աշխատատեղերի մասին», – հավելեց փոխնախարարը։
Այժմ տնտեսվարողները, անկախ ամեն ինչից, ԱԱՀ–ից կազատվեն ներմուծման պահին։ Փոխնախարարը նշեց, որ կառավարությունը ելնում է այն մտքից, որ այսպես թե այնպես բերված սարքավորումները ստեղծելու են տնտեսական արդյունք։
Мини-фабрика в Дилижане - Sputnik Արմենիա, 1920, 30.08.2021
Հայրենական ապրանքներին ի վնաս գործող ներմուծման արտոնությունները կվերացվեն. նախարար
Նա հիշեցրեց, որ ի լրումն ԱԱՀ–ից ազատման, սարքերի և հումքի համար շարունակելու է գործել մաքսատուրքից ազատման արտոնությունը, եթե այդ ապրանքները կներկրվեն ԵԱՏՄ–ից դուրս գտնվող երկրներից։ Այս դեպքում ներդրումային ծրագիրը, նախկինի պես, պետք է հավանություն ստանա կառավարությունից (մասնավորապես` տնտեսվարողը պետք է հիմնավորի, որ այդ ապրանքները չեն արտադրվում ԵԱՏՄ երկրներում կամ չունեն անհրաժեշտ որակական հատկանիշներ)։
Մինչ օրս մաքսատուրքի արտոնություն են ստացել 222 ներդրումային ծրագրեր, որոնց ներքո արդեն ստեղծվել է 13 620 աշխատատեղ (այդ ծրագրերի մի մասը արտոնություն է ստանում նաև ԱԱՀ–ի գծով)։
Լրահոս
0
Սկզբում նորերըՍկզբում հները
loader
ԵԹԵՐՈւՄ Է
Заголовок открываемого материала