Ինտենսիվ այգիների պահանջարկն աճում է և՛ Հայաստանում, և Արցախում. մասնագետ

© Sputnik / Aram NersesyanԱյգի
Այգի - Sputnik Արմենիա, 1920, 16.10.2021
Այգի. Արխիվային լուսանկար
Բաժանորդագրվեք
Երբ կառավարությունը սկսեց աջակցություն ցուցաբերել նման այգիներ հիմնելու համար, մեկը մյուսի հետևից սկսեցին դրանք սպասարկող ձեռնարկություններ հայտնվել։
ԵՐԵՎԱՆ, 16 հոկտեմբերի - Sputnik, Արամ Գարեգինյան. Վերջին երկու տարիների ընթացքում ավելի ու ավելի շատ գյուղացիներ և՛ ՀՀ-ում, և՛ Արցախում ուզում են ինտենսիվ այգիներ հիմնել։ Երևանում «Արմպրոդէքսպո» ամենամյա պարենային ցուցահանդեսի ժամանակ Sputnik Արմենիայի թղթակցի հետ զրույցում ասաց «Բալենի» ընկերության մասնագետ Անուշ Քևխոյանը։
Ֆերմերները սկսեցին նոր տեխնոլոգիաներով ավելի շատ այգիներ հիմնել, երբ կառավարությունը դրա համար սուբսիդիաներ սկսեց հատկացնել։ Դրանից հետո սկսեցին հայտնվել նոր ոլորտների ձեռնարկություններ՝ ֆերմերներին խորհրդատվություն տրամադրող, այգիների համար ենթակառուցվածքներ կառուցող, ընդլայնվեցին են նաև հավաստագրված տնկարանները։
Երևանի բոլոր վարչական շրջաններում ընտանի շների համար կստեղծվեն հատուկ զբոսայգիներ: - Sputnik Արմենիա, 1920, 13.09.2021
Շների զբոսանքի համար այգիներ կստեղծվեն. Երևանի քաղաքապետարանը նոր ծրագիր ունի
«Մենք խորհուրդներ ենք տալիս ագրարային մասով՝ ինչ տեսակի ծառեր ընտրել տվյալ տեղանքի համար, ինչպես մշակել։ Բայց մեզ հետ աշխատում է նաև ինժեներական ընկերությունը, որն իր վրա է վերցնում պոմպերի էներգամատակարարումը, ոռոգման ավազանի կառուցումը և այլն։ Այսինքն՝ շղթայական զարգացում է գնում», - նշեց նա։
Վերջին մի քանի ամիսներին ընկերությունը վերապատրաստել է նաև արցախցի այգեգործների մի խմբի։ Արցախում սկսում են ստեղծվել նոր ինտենսիվ այգիներ՝ հիմնականում նռան և խաղողի` արցախյան ավանդական «խնդողնի» տեսակի։

«Մեր մասնագետները պարբերաբար` առնվազն տարին մի քանի անգամ, լինում են այնտեղ, ծանոթանում են այգիների վիճակին։ Արցախում նոր այգիներ հիմնել ցանկացողներն ավելի ու ավելի են շատանում», - ավելացրեց նա։

Հիշեցնենք, որ ինտենսիվ այգիների ստեղծման աջակցությունը սկսել է Կարեն Կարապետյանի կառավարությունն ու ընդլայնել ներկայիս իշխանությունը: 2020 թվականի արդյունքներով՝ ինտենսիվ այգիների ընդհանուր տարածքներն աճել են գրեթե 10 անգամ՝ 53-ից հասնելով գրեթե 520 հեկտարի:
Արտադրողները կկարողանան ավելի հեշտ պայմաններով սարքեր ներկրել. Էկոնոմիկայի փոխնախարար
Ըստ գործող աջակցության ծրագրերի՝ բոլոր նրանք, ովքեր ուզում են մինչև 100 հեկտար ինտենսիվ այգի հիմնել, վարկային տոկոսադրույքների սուբսիդիաներ են ստանում, իսկ նրանք, ովքեր փոքր ու միջին (մինչև 5 հեկտար) այգի են հիմնում, ծախսերի 50%-ի փոխհատուցում են ստանում։
Լրահոս
0
Սկզբում նորերըՍկզբում հները
loader
ԵԹԵՐՈւՄ Է
Заголовок открываемого материала