Фон для радио  - Sputnik Արմենիա, 1920
ՌԱԴԻՈ

Կրծքագեղձի բուժման մեր մեթոդով կարողացել ենք փրկել 12 800 կնոջ կյանք. Հակոբյան

Հակոբյան. 1997–ից ի վեր կրծքագեղձի բուժման մեթոդով կարողացել ենք փրկել 12800 կնոջ կյանք
Բաժանորդագրվեք
Հայ-ամերիկյան առողջության կենտրոնի տնօրեն Խաչանուշ Հակոբյանը Sputnik Արմենիայի եթերում անդրադարձել է կանանց կրծքագեղձի քաղցկեղի թեմային և այդ առումով Հայաստանում տիրող իրավիճակին։
Հայաստանում նախորդ տարիների համեմատությամբ գրանցվել է դրական աճ` մարդիկ ավելի ուշադիր են դարձել իրենց առողջության նկատմամբ, նույնիսկ ձևավորվել է բժշկին դիմելու և կրծքագեղձի քաղցկեղը կանխարգելելու մշակույթ։ Կրծքագեղձի քաղցկեղիդեմպայքարիմիջազգայինօրվաառիթով Sputnik Արմենիայի հետ զրույցում ասել է Հայ-ամերիկյան առողջության կենտրոնի տնօրեն Խաչանուշ Հակոբյանը։
Նրա խոսքով` նախկինում կանայք և տղամարդիկ պատկերացում անգամ չունեին, թե ինչ է նշանակում հիվանդության կանխարգելումը և չունենալով ոչ մի գանգատ ու ախտանիշ` չէին դիմում բժշկին ու չէին անցնում գործիքային զննում, որպեսզի պարզեին, թե իրենց օրգանիզմում կա՞ն արդյոք քաղցկեղածին բջիջներ կամ փոքր նորագոյացություններ։
Բժիշկը զննում է հիվանդին - Sputnik Արմենիա, 1920, 16.10.2021
Մայրի՛կ, հետազոտվիր, որ լինես առողջ. կրծքագեղձի քաղցկեղի դեմ պայքարի միջազգային օրն է
«Հիմա բավականին ակտիվ շարժ կա, որովհետև միայն կրծքագեղձի զննման նպատակով օրեկան 100-150 կին այցելում են մեզ ու հետաքրքրվում իրենց առողջությամբ, իսկ ընդհանուր առմամբ տարբեր հիվանդությունների դեմ պայքարելու համար մարդիկ նույնպես այցելում են։ Բավականաչափ բարձր ցուցանիշ է գրանցվում և դիմելության հետ զուգահեռ ,ցավոք, բարձրանում է նաև քաղցկեղ ախտորոշումների քանակը։ Մենք կարողանում ենք նոր գոյացությունները վիրահատական միջամտությամբ հեռացնել` փրկելով մարդկային բազմաթիվ կյանքեր։ Մասնավորապես մեր հիմնադրման օրից` 1997 թվականից ի վեր, կրծքագեղձի բուժման մեր մեթոդով հաջողվել է փրկել 12800 կնոջ կյանք»,– նշեց Հակոբյանը։

Նրա տեղեկացմամբ` առավել հաճախ կրծքագեղձի հետ կապված հիվանդությունը պատահում է 50-ից բարձր տարիքի կանանց մոտ, սակայն ցավալիորեն կան հաճախակի դարձած դեպքեր բավականին երիտասարդ տարիքի կանանց շրջանում` մինչև 30 տարեկանների մոտ։

Գոյություն ունի հիվանդությունների և մահացածության աղյուսակ, որում կրծքագեղձի քաղցկեղը մշտապես գրավում է առաջին տեղը, քանի որ կրծքագեղձը հորմոն կախյալ օրգան է։ Հետևաբար` բժիշկները հորդորում և խնդրում են կանանց լինել ուշադիր կիրենց առողջության հանդեպ և տարեկան գոնե մեկ անգամ զննել կրծքագեղձը։
Հայ-ամերիկյան առողջության կենտրոնի տնօրենի պնդմամբ` նախօրոք հետազոտություններն օգնում են պահպանել մարդկանց առողջությունը, իսկ եթե վաղ փուլում հայտնաբերվում են քաղցկեղածին երևույթներ, ապա դրանք ժամանակին չեզոքացվում են`մարդկանց զերծ պահելով մահացու ելքից, ավելի մեծ ֆինանսական ծախսերից, ֆիզիկական ու հոգեբանական տառապանքներից։
«Մամաս լալիս էր, ասում էի՝ դժվար է, բայց ես չեմ լալիս». 11–ամյա Արմանը հաղթեց քաղցկեղին
Նշենք, որ կրծքագեղձի քաղցկեղը կրծքագեղձում զարգացող չարորակ ուռուցքային հիվանդություն է։ Այս հիվանդության ախտանիշներից են կրծքագեղձի չափսերի փոփոխությունը, կրծքագեղձում առաջացող գնդանման կույտերը, մաշկի վրա առաջացող փոսիկները, կրծքապտուկներից հեղուկի արտահոսքը։ Հիվանդության տարածվածության դեպքում կարող են առաջանալ նաև ոսկրային ցավեր, ավշային հանգույցների մեծացում, հևոցներ, մաշկի դեղնություն։
Լրահոս
0
Սկզբում նորերըՍկզբում հները
loader
ԵԹԵՐՈւՄ Է
Заголовок открываемого материала