Զգուշացե՛ք սատանայի թանկարժեք ծուղակներից. Իրանը կոշտ պատասխան է տվել Ալիևին

© Sputnik / Сергей ГунеевԻլհամ Ալիև
Իլհամ Ալիև - Sputnik Արմենիա, 1920, 16.10.2021
Իլհամ Ալիև. Արխիվային լուսանկար
Բաժանորդագրվեք
Ադրբեջանի նախագահը, ԱՊՀ-ի առցանց գագաթնաժողովում ելույթ ունենալով, ասել էր, որ 30 տարի շարունակ Հայաստանն Իրանի հետ Լեռնային Ղարաբաղի տարածքներն օգտագործել են դեպի Եվրոպա թմրանյութերի շրջանառությունը կազմակերպելու համար:
ԵՐԵՎԱՆ, 16 հոկտեմբերի – Sputnik. Իրանի ազգային անվտանգության գերագույն խորհրդի քարտուղար Ալի Շամխանին կոշտ արձագանք է տվել Ադրբեջանի նախագահ Իլհամ Ալիևի երեկվա հայտարարությանը, թե Հայաստանն ու Իրանը համագործակցում են թմրամիջոցների ապօրինի շրջանառության մեջ:
Շամխանին Twitter-ում գրել է, որ հարևանության սկզբունքներն անտեսելն ու կեղծ հայտարարությունները տակտի նշան չեն: «Թմրամիջոցների դեմ պայքարում աշխարհի կողմից հերոս ճանաչված երկրի դեմ մեղադրանքը չի կարող այլ ազդեցություն ունենալ, քան մեղադրողի խոսքերի հերքումը: Զգուշացե՛ք սատանայի թանկարժեք ծուղակներից»,-շեշտել է իրանցի պաշտոնյան:
Սուբրամանյամ Ջայշանկարն ու Նիկոլ Փաշինյանը - Sputnik Արմենիա, 1920, 14.10.2021
«Հայաստան–Իրան–Հնդկաստան»–ն ընդդեմ «Պակիստան–Թուրքիա–Ադրբեջան»–ի. Հնդկաստանի ուղերձները
Ինչպես արդեն հայտնել ենք, Ադրբեջանի նախագահին արձագանքել էր նաև Իրանի արտաքին գործերի նախարարը` հայտարարությունը որակելով շինծու և կեղծ։
ԱԳՆ ներկայացուցիչ Սայիդ Խաթիբզադեն նշել էր, որ այդ արտահայտությունները ծառայում են «միայն սիոնիստական ռեժիմի» շահերին և դեմ են Թեհրանի ու Բաքվի միջև «եղբայրական հարաբերություններին»:
Նա շեշտել էր, որ Իրանի Իսլամական Հանրապետությունը առաջատար է թմրանյութերի ապօրինի շրջանառության դեմ պայքարում, հազարավոր զոհեր ու վիրավորներ է ունեցել այդ ճանապարհին։ ԱԳՆ ներկայացուցիչը կարծիք էր հայտնել, որ Բաքուն միտումնավոր անհիմն հայտարարություններ է անում ԶԼՄ-ներում` միաժամանակ վստահեցնելով, որ Իրանը դրանք անպատասխան չի թողնելու։
Համատեղ դիմագրավել առկա մարտահրավերներին. Փաշինյանն ընդունել է Իրանի գլխավոր դատախազին
Հիշեցնենք` Ադրբեջանի նախագահը, ԱՊՀ-ի առցանց գագաթնաժողովում ելույթ ունենալով, ասել էր, որ 30 տարի շարունակ Հայաստանն Իրանի հետ Լեռնային Ղարաբաղի տարածքներն օգտագործել են դեպի Եվրոպա թմրանյութերի շրջանառությունը կազմակերպելու համար:
Ի պատասխան ՀՀ վարչապետ Նիկոլ Փաշինյանը նշել էր, որ Հայաստանն ու Իրանը համատեղ պայքարում են թմրանյութերի միջազգային շրջանառության դեմ։
Լրահոս
0
Սկզբում նորերըՍկզբում հները
loader
ԵԹԵՐՈւՄ Է
Заголовок открываемого материала