Կուտակումներ Գյումրու տեղամասերից մեկի մոտ. ՏԸՀ նախագահը բացատրել է` ովքեր են հավաքվածները

© Sputnik / Armenuhi Mkhoyan Գյումրիում ՏԻՄ ընտրություններ են
Գյումրիում ՏԻՄ ընտրություններ են - Sputnik Արմենիա, 1920, 17.10.2021
Բաժանորդագրվեք
Սոցցանցերում օգտատերերը գրում են, որ Գյումրիում ընտրատեղամասեռրից մեկի մոտ կուտակումներ են, ավտոբուսներով մարդկանց տեղամաս են տեղափոխում։
ԵՐԵՎԱՆ, 17 հոկտեմբերի – Sputnik. Գյումրու թիվ 31/53 տեղամասի մոտ մեքենաների կուտակումներ են։ Այս մասին ահազանգը Sputnik Արմենիան ստացել է «Թասիբով» դաշինքից
Ընտրատեղամասերում կուտակումների մասին գրում են նաև սոցցանցերի օգտատերերը։
Գյումրիում ընտրությունները համակարգող թիվ 31 Տարածքային ընտրական հանձնաժողովի նախագահ Տիգրան Ղազարյանը Sputnik Արմենիային վստահեցրեց, որ տվյալ տարածքում (թիվ 31/53), մեքենաների կուտակումները կապ չունեն ընտրությունների հետ:

«Ահազանգը մենք ստացել ենք ու շտապել տեղամաս, տարածքում մեքենաներ եղել են, բայց պարզվեց, որ ընտրության հետ ընդհանրապես կապ չունի՝ այդ տեղամասում կրոնական հավաքատեղի կա, իսկ այսօր կիրակի է, ու իրենց հերթական հավաքն է»,-նշեց Տիգրան Ղազարյանը։

Մեր դիտարկմանը, թե կուտակումներ նկատվել են նաև Նորավան թաղամասում, պատասխանատուն արագանքեց, թե, որ իրենք այլ բողոքներ ժամը 13:00-ի դրությամբ չեն ստացել:
«Մենք բոլոր զանգերին օպերատիվ արձագանքում ենք»,-հավելեց Տիգրան Ղազարյանը:
Հիշեցնենք` Հայաստանի 9 համայնքներում այսօր անցկացվում են տեղական ինքնակառավարման մարմինների ընտրություններ։
Գյումրիում ՏԻՄ ընտրություններ են - Sputnik Արմենիա, 1920, 17.10.2021
10 քաղաքական ուժ, 287 թեկնածու. Գյումրին ավագանի ու քաղաքապետ է ընտրում
Հանրապետության մեծությամբ երկրորդ քաղաքում` Շիրակի մարզկենտրոն Գյումրի քաղաքում, ինչպես նաև Սյունիքի մարզի խոշորացված Գորիս, Մեղրի, Տաթև ու Տեղ համայնքներում և Տավուշի մարզի Դիլիջան համայնքում բնակիչներն ընտրում են ավագանու անդամների ու քաղաքապետների։
Գյումրիում ընտրություններին մասնակցում են 10 քաղաքական ուժ`
«Հայրաքաղաք» կուսակցությունների դաշինքը,
«Արժանապատիվ ուղի» կուսակցությունը,
Հայաստանի Հանրապետական կուսակցությունը,
«Քաղաքացիական պայմանագիր» կուսակցությունը,
«Զարթոնք» ազգային քրիստոնեական կուսակցությունը,
Հայաստանի Կոմունիստական կուսակցությունը,
«Գյումրին կռնա´» կուսակցությունների դաշինքը,
«Բալասանյան դաշինք» սոցիալական կուսակցությունը,
«Թասիբով» կուսակցությունների դաշինքը,
«Ապրելու երկիր» կուսակցությունը։
Լրահոս
0
Սկզբում նորերըՍկզբում հները
loader
ԵԹԵՐՈւՄ Է
Заголовок открываемого материала