Amazon-ի, Alibaba-ի ու մյուսների առաջ նոր պայմաններ կդնեն ՀՀ–ում և ԵԱՏՄ-ում վաճառքի համար

© Sputnik / Игорь Руссак / Անցնել ֆոտոբանկAlibaba-ի հիմնադիր Մա Յունը
Alibaba-ի հիմնադիր Մա Յունը - Sputnik Արմենիա, 1920, 18.10.2021
Բաժանորդագրվեք
Առցանց խանութները պատասխանատու կլինեն ԵԱՏՄ երկրներում իրենց վաճառած ապրանքների որակի համար, իսկ առանց մաքսատուրքի առցանց գնումների ծավալները, ամենայն հավանականությամբ, զգալիորեն կնվազեն:
ԵՐԵՎԱՆ, 18 հոկտեմբերի - Sputnik. Էլեկտրոնային առևտրի խոշոր օպերատորների առաջ նոր պայմաններ կդնեն Եվրասիական տնտեսական միության երկրներում վաճառքի համար: Sputnik Արմենիայի հետ զրույցում տեղեկությունը հայտնեց Եվրասիական տնտեսական հանձնաժողովի մաքսասակագնային և ոչ սակագնային կարգավորման վարչության տնօրեն Վահագն Ղազարյանը։
Առցանց առևտուր ու բժշկություն. ինչ է փոխել կորոնավիրուսը Հայաստանի աշխատաշուկայում
Կարգավորման նոր մեխանիզմներն անհրաժեշտ են, որ էլեկտրոնային առևտուրը ծավալներով համեմատելի լինի սովորականի (առնվազն որոշ ապրանքատեսակների մասով) հետ, բայց միաժամանակ գտնվի ավելի շահավետ պայմաններում: Այստեղ վարչությունը երկու ուղղությունն է քննարկում։
Վլադիմիր Պուտին - Sputnik Արմենիա, 1920, 14.10.2021
Պուտինը կարևորել է ԵԱՏՄ-ում փոխադարձ առևտրի մեջ դոլարային վճարումների նվազեցումը
Առաջինը ոչ սակագնային միջոցներն են, այսինքն՝ որակի վերահսկողությունը։ Այժմ այն ամբողջովին բացակայում է էլեկտրոնային հարթակներից մասնավոր անձանց կողմից գնվող ապրանքների համար։ Եթե վաղը, օրինակ, պարզվի, որ ապրանքն անորակ կամ վտանգավոր է, դրա համար ոչ ոք պատասխանատվություն չի կրի։

«Amazon-ի, Ebay-ի, Alibaba-ի և այլ առցանց խանութները շատ երկրներում ու տարածաշրջաններում պատասխանատու են իրենց վաճառած ապրանքի որակի համար: Եվրասիական միության հետ նրանք նման պայմանավորվածություն չունեն, ուստի մենք կարող ենք պահանջներ ներկայացնել։ Սակայն այդ հարցն արդեն քննարկվում է, և նրանք պատրաստ են նոր կանոնների, քանի որ չեն ուզում կորցնել եվրասիական շուկան։ Այսինքն՝ իրենց հարթակներում ապրանքներ առաջարկելով՝ օնլայն խանութները պետք է նշեն, որ այն համապատասխանում է ԵԱՏՄ որակի չափանիշներին», - պարզաբանեց Ղազարյանը։

Նա ավելացրեց, որ 2022 թվականի առաջին կիսամյակում դեպարտամենտն ուզում է նորմատիվներ կազմել առցանց առևտրի տեխնիկական կարգավորման համար ու փորձնական ռեժիմով սկսել որակի վերահսկողության իրականացումը:
Հանրապետությունների միջև առցանց առևտրի ժամանակ ԱԱՀ-ի հարցը լուծելու համար դեպարտամենտը քննարկումներ կանցկացնի ԵԱՏՄ երկրների հարկային մարմինների հետ: Եթե ապրանքը վաճառվում է անհատին, հարկային ծառայությունը ոչ մի կերպ դա չի տեսնում, քանի որ նման վաճառքի դեպքում ոչ մի հիմնավորող փաստաթուղթ չի ստանում։ Այդ պատճառով էլ ապրանքի ԱԱՀ է գանձվում, չնայած այն արտահանվում է։
Վարոս Սիմոնյան - Sputnik Արմենիա, 1920, 11.10.2021
Հայաստանը ԵԱՏՄ գործընկերներին առաջարկել է գրավել թուրքական արգելված ապրանքների տեղը
Նա ավելացրեց, որ փորձնական համակարգում այդ հարցերը նույնպես կկարգավորվեն։
«Այդ համակարգը փորձարկելու համար յուրաքանչյուր երկրից մի քանի օպերատոր կընտրվի», - ասաց նա:
Վերջապես, վարչությունը բանակցում է նաև առցանց առևտրի շրջանակներում երրորդ երկրներից ապրանքների մաքսատուրքից ազատ ներմուծման շեմի շուրջ։ Ղազարյանը հիշեցրեց, որ Եվրամիությունում առցանց մաքսատուրքի ներմուծման շեմն արդեն զրոյական է, այսինքն՝ բոլոր գնումները հարկվում են տուրքերով՝ ներքին շուկայի պաշտպանության համար:
Առաքումներ առանց ուշացման. ինչպես են Հայաստանում արագացնելու առցանց առևտուրը
«Նմանատիպ քննարկումներ են ընթանում նաև մեր դեպարտամենտում։ Անմաքս ռեժիմի չեղարկումն առայժմ միանշանակ չի քննարկվել, բայց քննարկվում է, համենայնդեպս, անմաքս ռեժիմի շեմի էական նվազումը»,- ավելացրեց նա։
Հիշեցնենք, որ ներկայում ԵԱՏՄ Մաքսային օրենսգրքով էլեկտրոնային առևտրի մասով կարելի է առանց մաքսատուրքի մինչև 200 եվրո արժողությամբ ապրանք ներմուծել:
Լրահոս
0
Սկզբում նորերըՍկզբում հները
loader
ԵԹԵՐՈւՄ Է
Заголовок открываемого материала