Google map-ով ՀՀ-ի ու Ադրբեջանի միջև անցնող գծով ինչ–որ բան է իրականացվում. Ղազինյան

© Sputnik / Asatur YesayantsАрмянский и азербайджанский посты у Сотка
Армянский и азербайджанский посты у Сотка - Sputnik Արմենիա, 1920, 19.10.2021
Բաժանորդագրվեք
ՀՀ պաշտպանության փոխնախարար Արման Սարգսյանը չցանկացավ պատասխանել սահմանազատման ու սահմանագծման մասին ընդդիմադիր պատգամավորի հարցերին։
ԵՐԵՎԱՆ, 19 հոկտեմբերի - Sputnik. Արդյոք «Պետական սահմանի մասին» օրենքում առկա է դրույթ հարևան պետության հետ բանավոր փոխընբռնման արդյունքում սահմանազատում ու սահմանանշում իրականացնելու մասին։ Օրենքի որևէ հոդվածում գրվա՞ծ է սահմանը GPS սարքի միջոցով տեղորոշելու մասին։ Եվ արդյոք ԱԳ նախարարությունը տեղյակ է եղել 2020թ–ի դեկտեմբերի 16-ի հրամանի մասին, որով հայկական ԶՈւ–երը հետ են բերվել 15-20 կմ։ Այս հարցերն այսօր ԱԺ Պաշտպանության եւ անվտանգության հարցերի մշտական հանձնաժողովի նիստում ՀՀ պաշտպանության փոխնախարար Արմեն Սարգսյանին դիմեց «Հայաստան» խմբակցության անդամ Արթուր Ղազինյանը։
Հայաստանի ու Ադրբեջանի միջև սահմանազատում դեռևս տեղի չի ունեցել. պաշտպանության փոխնախարար
«Որքանով տեղյակ եմ` դուք իրավաբան եք, նաև` ատենախոսություն պաշտպանած, գիտական աստիճան ունեցող։ Կարծում եմ՝ այս հարցի պատասխանը դուք կարող էիք արդեն ստացած լինել այդ օրենքն ուսումնասիրելիս», Ղազինյանի հնչեցրած առաջին` բանավոր փոխընբռնման մասին հարցին այսպես պատասխանեց Սարգսյանը։
Հաջորդ երկու հարցերը փախնախարարը խորհուրդ տվեց ուղղել գրավոր` մեկը` ՊՆ–ին, մյուսը` ԱԳՆ–ին։
«Իրականում շատ էլ լավ տեղյակ եմ, որ բանավոր փոխըմբռնումով պետական սահման չի գծվում, GPS սարքը` որպես սահմանի տեղորոշման միջոց, օրենքով սահմանված չէ։ Օրենքով երկու բան է սահմանված ընդամենը` այն, ինչ տեղի է ունեցել նոյեմբերի 9-ին ու շարունակվում է մինչև այսօր, որևէ առնչություն չունի օրենքի հետ, չունենք կնքած միջազգային պայմանագիր սահմանակից պետության հետ, որի հետ պատրաստվում ենք սահմանագծում իրականացնել»,– ասաց Ղազինյանը։
Սահմանին կանգնած զինվորները - Sputnik Արմենիա, 1920, 16.10.2021
Թշնամին մնում է թշնամի, նույնն է, չի փոխվել. սահմանագծի զինվորները` իրավիճակի մասին
Ինչ վերաբերում է GPS սարքավորումներով սահմանը տեղորոշելուն, ընդդիմադիր պատգամավորը հայտնեց, որ պարբերաբար սահմաններից տեղեկույուններ են ստանում այն մասին, որ ադրբեջանական ավտոմեքենաները` անտենաներով, գալիս են ու ասում. «Սահմանն այստեղ է»։
«Համենայնդեպես, Google map քարտեզով Հայաստանի ու Ադրբեջանի միջև անցնող գծով ինչ–որ բան է իրականացվում»,– ասաց Արթուր Ղազինյանը։
Ղարաբաղյան փակուղի, կամ ինչի մասին է նախազգուշացնում տարածաշրջանը
Նշենք, որ վրջին օրերին ակտիվացել են տեղեկություններն այն մասին, որ Հայաստանի ու Ադրբեջանի միջև հանրությունից գաղտնի սահմանազատում ու սահմանանշում է իրականացվում։
Ավելի վաղ փոխվարչապետ Մհեր Գրիգորյանն էլ էր լրագրողներին հայտնել, որ տպավորությունն այն մասին, թե Հայաստանի ու Ադրբեջանի միջև սկսվել է սահմանների դեմարկացիան, սխալ է։
Լրահոս
0
Սկզբում նորերըՍկզբում հները
loader
ԵԹԵՐՈւՄ Է
Заголовок открываемого материала