Ադրբեջանի հետ սահմանի դեմարկացիայի տպավորությունը սխալ է. Մհեր Գրիգորյան

© Sputnik / Asatur YesayantsВице-премьер мионистра Мгер Григорян на 8-м армяно-российском межрегиональном форуме, организованном Минтерриториального управления и развития инфраструктуры Армении и Министерством экономического развития России (19 октября 2021). Еревaн
Вице-премьер мионистра Мгер Григорян на 8-м армяно-российском межрегиональном форуме, организованном Минтерриториального управления и развития инфраструктуры Армении и Министерством экономического развития России (19 октября 2021). Еревaн - Sputnik Արմենիա, 1920, 19.10.2021
Բաժանորդագրվեք
Հայաստանի կառավարությունում պարզաբանել են՝ ինչ է կատարվում այժմ սահմանների դեմարկացիայի ու դելիմիտացիայի գործընթացում։
ԵՐԵՎԱՆ, 19 հոկտեմբերի – Sputnik. Տպավորությունն այն մասին, թե Հայաստանի ու Ադրբեջանի միջև սկսվել է սահմանների դեմարկացիան, սխալ է։ Այս մասին լրագրողների հետ զրույցում հայտարարեց Հայաստանի փոխվարչապետ Մհեր Գրիգորյանը։
Ավելի վաղ ադրբեջանական կողմը հայտարարել էր, որ Կապանի մոտակա Փելա բարձունքը սահմանների դեմարկացիայի ու դելիմիտացիայի արդյունքում անցել է Ադրբեջանի վերահսկողության տակ։
«Այս պահին ուսումնասիրվում են բոլոր փաստաթղթերը, սակայն դեմարկացիայի ու դելիմիտացիայի գործընթացի մակարդակով շփումներ չկան»,-նշել է Գրիգորյանը։
Գրիգորյանն ընդգծել է, որ նախ անհրաժեշտ է ուսումնասիրել սահմանների հետ կապված բոլոր իրավական հիմքերը, առաջին հերթին այն փաստաթղթերը, որոնցում կան երկու կողմերի համաձայնությունը կամ ստորագրությունը։
«Միայն դրանից հետո կարելի է խոսել քարտեզների մասին, քանի որ առանց այդ հիմքի քարտեզներն ընդամենը սխեմաներ են։ Քարտեզները պետք է իրավական հիմք ունենան, որոնց վրա մենք աշխատում ենք՝ ուսումնասիրում ենք, ընդհանրացնում ենք։ Վերլուծությունից հետո հնարավոր կլինի խոսել քարտեզների մասին»,-ասաց փոխվարչապետը։
Министр иностранных дел России Сергей Лавров во время совместной с армянским коллегой пресс-конференции (31 августа 2021). Москвa - Sputnik Արմենիա, 1920, 31.08.2021
Երկարաժամկետ կարգավորումը հնարավոր է միայն դելիմիտացիայի ու դեմարկացիայի դեպքում. Լավրով
Ավելի վաղ Կապանի քաղաքապետ Գևորգ Փարսյանը հայտարարել էր, որ մոտակա Փելա սարն անցել է Բաքվի վերահսկողության տակ, ու այնտեղ ադրբեջանցի զինվորականներ են տեղակայվել։ Դրան հետևեց Հայաստանի ԱԱԾ-ի հաղորդագրությունն այն մասին, որ այդ տարածքում դիրքային որևէ փոփոխություն չի եղել։
Լրահոս
0
Սկզբում նորերըՍկզբում հները
loader
ԵԹԵՐՈւՄ Է
Заголовок открываемого материала