https://arm.sputniknews.ru/20211019/qvocharjani-ev-gevvorgjani-gvortsvov-datavarutjuny-krkin-hetadzgvec-inchu-cher-ekel-pashtpany-34439440.html
Քոչարյանի և Գևորգյանի գործով դատավարությունը կրկին հետաձգվեց. ինչո՞ւ չէր եկել պաշտպանը
Քոչարյանի և Գևորգյանի գործով դատավարությունը կրկին հետաձգվեց. ինչո՞ւ չէր եկել պաշտպանը
Sputnik Արմենիա
Արմեն Գևորգյանի փաստաբան Լուսինե Սահակյանը հայտարարել էր, որ անհնար է 1 շաբաթում 128 հատոր գործի նյութերը կարդալ։ Այն ժամանակը, որ տրված է դատարանի կողմից... 19.10.2021, Sputnik Արմենիա
2021-10-19T14:49+0400
2021-10-19T14:49+0400
2021-10-19T14:52+0400
ռոբերտ քոչարյան
դատավոր
արմեն գևորգյան
պաշտպան
https://cdn.am.sputniknews.ru/img/2109/31/21093147_0:0:1511:850_1920x0_80_0_0_8170d763cf2e93c47e821b4e763f62ac.jpg
ԵՐԵՎԱՆ, 19 հոկտեմբերի - Sputnik. Երևանի ընդհանուր իրավասության դատարանում այսօր` հոկտեմբերի 19–ին, մեկ շաբաթով հետաձգվեց ՀՀ երկրորդ նախագահ Ռոբերտ Քոչարյանի և ՀՀ նախկին փոխվարչապետ Արմեն Գևորգյանի գործով դատավարությունը: Պատճառն Արմեն Գևորգյանի փաստաբան Լուսինե Սահակյանի բացակայությունն էր։«Դատարանում փաստաբանների կողմից իմ պաշտպանության համար պայմաններ չեն ստեղծվել»,– դատական նիստին հայտարարեց նախկին փոխվարչապետ, այժմ պատգամավոր Արմեն Գևորգյանը:Ինչպես արդեն հաղորդվել էր, փաստաբաններից մեկը երեքշաբթի օրերին զբաղված է և չի կարող ներկա լինել նիստին, սակայն երբ նա դատարանից խնդրում է հետաձգել նիստը, դատարանը մերժում է:Երկրորդ փաստաբան Լուսինե Սահակյանը խնդրում է տրամադրել գործի նյութերը և ժամանակ՝ դրանց ծանոթանալու համար: Այս գործով նույնպես դատարանը մերժում է:«Իմ պաշտպանները, մասնավորապես՝ Սահակյանը, բազմիցս խնդրել են տրամադրել նյութերը դրանց հետ ծանոթանալու համար: Փաստաբաններն այստեղ են ոչ թե ներկա լինելու, այլ պաշտպանելու համար»,- ընդգծեց Գևորգյանը։Նա շեշտեց, որ դատարանը հրաժարվում է բավարարել փաստաբան Կոչուբաևի խնդրանքը և հետաձգել նիստերի օրը:Նա հիշեցրեց, որ դատարանի գործողությունների պատճառով չի կարողանում մասնակցել ԵԽԽՎ–ի աշխատանքներին:«Սա պետք է անհանգստացնի ոչ միայն ինձ, այլև դատախազներին, որոնք պետք է պաշտպանեն պետության իրավունքները»,- ասաց նա:Դատավորը հարցին, թե արյդոք կարելի է եզրակացնել, որ Սահակյանն այդ պատճառով չի եկել, Գևորգյանը չցանկացավ պատասխանել։Ավելի վաղ Լուսինե Սահակյանը հայտարարել էր, որ անհնար է 1 շաբաթում 128 հատոր գործի նյութերը կարդալ։ Այն ժամանակը, որ տրված է, ընդհանրապես ողջամիտ չէ։Հիշեցնենք, որ երկրորդ նախագահ Ռոբերտ Քոչարյանն այս գործով մեղադրվում է առանձնապես խոշոր չափերի կաշառք ստանալու մեջ, իսկ նախկին փոխվարչապետ Արմեն Գևորգյանը՝ փողերի լվացման:
https://arm.sputniknews.ru/20211005/lusine-sahakjany-pahanjec-apahovel-armen-gevorgjani-azat-teghasharzhy-vorpes-ekhkhv-andam-33955430.html
https://arm.sputniknews.ru/20211012/datarany-tujl-chtvec-armen-gevvorgjani-gvortsughman-hamar-pvokhancvats-gumary-veradardznel-azh-in-34204272.html
Sputnik Արմենիա
media@sputniknews.com
+74956456601
MIA „Rosiya Segodnya“
2021
Sputnik Արմենիա
media@sputniknews.com
+74956456601
MIA „Rosiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rosiya Segodnya“
Sputnik Արմենիա
media@sputniknews.com
+74956456601
MIA „Rosiya Segodnya“
ռոբերտ քոչարյան, դատավոր, արմեն գևորգյան, պաշտպան
ռոբերտ քոչարյան, դատավոր, արմեն գևորգյան, պաշտպան
Քոչարյանի և Գևորգյանի գործով դատավարությունը կրկին հետաձգվեց. ինչո՞ւ չէր եկել պաշտպանը
14:49 19.10.2021 (Թարմացված է: 14:52 19.10.2021) Արմեն Գևորգյանի փաստաբան Լուսինե Սահակյանը հայտարարել էր, որ անհնար է 1 շաբաթում 128 հատոր գործի նյութերը կարդալ։ Այն ժամանակը, որ տրված է դատարանի կողմից, ողջամիտ չէ։
ԵՐԵՎԱՆ, 19 հոկտեմբերի - Sputnik. Երևանի ընդհանուր իրավասության դատարանում այսօր` հոկտեմբերի 19–ին, մեկ շաբաթով հետաձգվեց ՀՀ երկրորդ նախագահ Ռոբերտ Քոչարյանի և ՀՀ նախկին փոխվարչապետ Արմեն Գևորգյանի գործով դատավարությունը: Պատճառն Արմեն Գևորգյանի փաստաբան Լուսինե Սահակյանի բացակայությունն էր։
«Դատարանում փաստաբանների կողմից իմ պաշտպանության համար պայմաններ չեն ստեղծվել»,– դատական նիստին հայտարարեց նախկին փոխվարչապետ, այժմ պատգամավոր Արմեն Գևորգյանը:
Ինչպես արդեն հաղորդվել էր, փաստաբաններից մեկը երեքշաբթի օրերին զբաղված է և չի կարող ներկա լինել նիստին, սակայն երբ նա դատարանից խնդրում է հետաձգել նիստը, դատարանը մերժում է:
Երկրորդ փաստաբան Լուսինե Սահակյանը խնդրում է տրամադրել գործի նյութերը և ժամանակ՝ դրանց ծանոթանալու համար: Այս գործով նույնպես դատարանը մերժում է:
«Իմ պաշտպանները, մասնավորապես՝ Սահակյանը, բազմիցս խնդրել են տրամադրել նյութերը դրանց հետ ծանոթանալու համար: Փաստաբաններն այստեղ են ոչ թե ներկա լինելու, այլ պաշտպանելու համար»,- ընդգծեց Գևորգյանը։
Նա շեշտեց, որ դատարանը հրաժարվում է բավարարել փաստաբան Կոչուբաևի խնդրանքը և հետաձգել նիստերի օրը:
«Դուք ձևացնում եք, որ սա ամենակարևոր գործընթացն է: Կարծում եմ՝ դատավորը պարտավոր է պայմաններ ստեղծել փաստաբանների աշխատանքի համար: Անկախ նրանից, թե որքան ժամանակ է ընթանում գործընթացը: Ես խնդրում եմ ձեզ ստեղծել պայմաններ, որպեսզի փաստաբանները լիովին պաշտպանեն իմ իրավունքները: Թեև դատարանն արդեն բազմիցս խախտել է իմ՝ որպես քաղաքացու և պատգամավորի իրավունքները»,- շեշտեց Գևորգյանը։
Նա հիշեցրեց, որ դատարանի գործողությունների պատճառով չի կարողանում մասնակցել ԵԽԽՎ–ի աշխատանքներին:
«Սա պետք է անհանգստացնի ոչ միայն ինձ, այլև դատախազներին, որոնք պետք է պաշտպանեն պետության իրավունքները»,- ասաց նա:
Դատավորը հարցին, թե արյդոք կարելի է եզրակացնել, որ Սահակյանն այդ պատճառով չի եկել, Գևորգյանը չցանկացավ պատասխանել։
12 հոկտեմբերի 2021, 14:45
Ավելի վաղ Լուսինե Սահակյանը հայտարարել էր, որ անհնար է 1 շաբաթում 128 հատոր գործի նյութերը կարդալ։ Այն ժամանակը, որ տրված է, ընդհանրապես ողջամիտ չէ։
Հիշեցնենք, որ երկրորդ նախագահ Ռոբերտ Քոչարյանն այս գործով մեղադրվում է առանձնապես խոշոր չափերի կաշառք ստանալու մեջ, իսկ նախկին փոխվարչապետ Արմեն Գևորգյանը՝ փողերի լվացման:
