https://arm.sputniknews.ru/20211020/heghnar-shaluncy-hamegh-u-dietik-tkhvatsqablitneri-baghadratvoms-e-arajarkum-tesanjut-34447456.html

Հեղնար Շալունցը համեղ ու դիետիկ թխվածքաբլիթների բաղադրատոմս է առաջարկում. տեսանյութ

Հեղնար Շալունցը համեղ ու դիետիկ թխվածքաբլիթների բաղադրատոմս է առաջարկում. տեսանյութ

Sputnik Արմենիա

Խրթխրթան թխվածքաբլիթներ պատրաստելու համար շատ քիչ ժամանակ կպահանջվի։ 20.10.2021, Sputnik Արմենիա

2021-10-20T08:59+0400

2021-10-20T08:59+0400

2021-10-20T08:59+0400

խոհանոց

բաղադրատոմս

սննդաբան

https://cdn.am.sputniknews.ru/img/07e5/0a/13/34447247_0:167:1600:1067_1920x0_80_0_0_8692f2620053db66260ea830a79d25a0.jpg

ԵՐԵՎԱՆ, 20 հոկտեմբերի - Sputnik. Հայտնի սննդաբան Հեղնար Շալունցը, որը հաճախ է համեղ ու օգտակար բաղադրատոմսեր հրապարակում սոցցանցում, առանց ալյուրի ու կաթնամթերքի թխվածքաբլիթներ է պատրաստել, տեսագրել ու տեսանյութը հրապարակել Instagram–ի իր էջում։Նրա խոսքով` ավելի հեշտ բաղադրատոմս չի լինում։ Անհրաժեշտ բաղադրիչներն են` 2 ձվի սպիտակուց, 1/4 թեյի գդալ աղ, 150 գրամ շաքարի փոշի, 150 գրամ պնդուկ, անանուխ, 50 գրամ շոկոլադ։Նախ պետք է սպիտակուցը զգուշորեն առանձնացնել դեղնուցից և լցնել չոր ամանի մեջ (ոչ մի կաթիլ ջուր)։ Հարիչով հարել մոտ 5 րոպե: Այնուհետև աստիճանաբար ավելացնել շաքարի փոշին ու շարունակել հարել, մինչև ստացվի պինդ զանգված։ Պնդուկը մանրացնել այնպես, որ կտորները շատ մանր չստացվեն։ Մանրացրած պնդուկն ավելացնել բեզեին ու զգուշորեն խառնել գդալով։Սննդաբանը բացատրել է՝ ինչպես չհրաժարվել քաղցրից առանց առողջությանը վնաս հասցնելուԲեզեն երկու գդալի օգնությամբ շարել յուղաթղթի վրա ու տեղափոխել ջեռոց (150 աստիճան), թողնել 20-25 րոպե: Ջեռոցից հանելուց հետո որոշ ժամանակ սպասել, մինչև սառչի։Այդ ընթացքում պետք է գոլորշու վրա հալեցնել շոկոլադն ու ցողել թքվածքաբլիթների վրա, շոկոլադի վրա ավելացնել մանրացված ընկույզ կամ ցանկացած տեսակի ընդեղեն:Մատուցել անանուխի տերևով։Ինչ ուտել նիհարելու համար․ դիետիկ նախաճաշի 5 բաղադրատոմս

https://arm.sputniknews.ru/20210417/nshi-dietik-arancnahatkutyuny-27186406.html

2021

Լուրեր

am_HY

խոհանոց, բաղադրատոմս, սննդաբան