https://arm.sputniknews.ru/20211020/covid-19-i-patsharvov-tshgnazhamajin-vitshak-e-hghineri-hospitalacman-depqeri-tivn-atshel-e-34477009.html

COVID-19-ի պատճառով ճգնաժամային վիճակ է. հղիների հոսպիտալացման դեպքերի թիվն աճել է

COVID-19-ի պատճառով ճգնաժամային վիճակ է. հղիների հոսպիտալացման դեպքերի թիվն աճել է

Sputnik Արմենիա

ԵՊԲՀ համաճարակաբանության ամբիոնի դոցենտ Մերի Տեր-Ստեփանյանը վստահեցնում է, որ տարածաշրջանում մահաբերության առումով ՀՀ-ն առաջիններից է, ինչը վկայում է երկրում... 20.10.2021, Sputnik Արմենիա

2021-10-20T12:36+0400

2021-10-20T12:36+0400

2021-10-20T12:45+0400

հղի

կորոնավիրուս

կորոնավիրուսը հայաստանում և արցախում

https://cdn.am.sputniknews.ru/img/2358/07/23580785_0:123:1944:1217_1920x0_80_0_0_892896682f45571e1eef6139da5ed7ba.jpg

ԵՐԵՎԱՆ, 20 հոկտեմբերի – Sputnik. ՀՀ-ում կորոնավիրուսային հիվանդության տվյալները փաստում են, որ երկրում վարակը բավականին արագ է տարածվում։Երևանի պետական բժշկական համալսարանի համաճարակաբանության ամբիոնի ավագ դասախոս Արման Բադալյանը մամուլի ասուլիսում նշեց, որ չնայած թեստավորումները շատ են, սակայն դրանց արդյունքում դրական դեպքերի տոկոսը բավականին բարձր է։«Նորման 3-5 տոկոսն է, իսկ մեզ մոտ 5-ից բարձր է, եղել է անգամ մինչև 16 տոկոս է հասել։ Հիվանդանոցներում այժմ ավելի շատ մարդ կա, քան անգամ պատերազմական իրավիճակում»,- նշեց Բադալյանը։Նրա խոսքով՝ հիվանդանոցում բուժում ստանալու համար սպասում է մի քանի հարյուր մարդ, ինչը նշանակում է, որ ՀՀ-ում ճգնաժամային վիճակ է։ Մասնագետը շեշտեց, որ այս ամենը կարող է հանգեցնել անգամ տնային մահերի ավելացման։Հայաստանը մահաբերության առումով առաջիններից է տարածաշրջանումԵՊԲՀ համաճարակաբանության ամբիոնի դոցենտ Մերի Տեր-Ստեփանյանն ասաց, որ պատվաստման գործընթացը ՀՀ-ում բավականին ինստենսիվ է, և առաջնային օղակի բուժհաստատություններում անգամ հերթեր են գոյանում։«Կորոնավիրուսային հիվանդության 5-րդ ալիքի «առանձնահակությունն» այն է, որ գրանցվում է մահերի բավականին մեծ թիվ։ Տարածաշրջանում մահաբերության առումով առաջիններից ենք, ինչը վկայում է մեր երկրում տարածվող դելտա շտամի ագրեսիվ լինելու մասին»,- ասաց Տեր-Ստեփանյանը։Այժմ հղիների հոսպիտլացման դեպքերի ավելացում է նկատվումՄասնագետն ընդգծեց, որ ի տարբերություն նախորդ շտամի, այժմ հղիների հոսպիտալացման դեպքերի աճ կա։Եթե մինչև մայիս հղի կանայք ռիսկի խմբի մեջ չէին մտնում, ապա դելտա շտամի տարածվելու հետ կապված իրավիճակը փոխվել է: Հղիության վաղ շրջանում կորոնավիրուսով վարակվելը կարող է հանգեցնել վաղաժամ ծննդաբերության կամ վիժելուն։ Երկրում գրանցվել է նաև ներարգանդային թոքաբորբի դեպք։ Մասնագետը շեշտեց, որ այդ ամենը պատճառ է, որ պատվաստվեն նաև հղիները։ Տեր-Ստեփանյանը հորդորեց քաղաքացիներին պահպանել հակահամաճարակային կանոնները՝ դիմակ դնել, ախտահանել ձեռքերը և հեռավորություն պահպանել։Լոնգ COVID-ի ախտանշանները կարող են պահպանվել 3 ամիս և ավելիԱնդրադառնալով երկարատև COVID-ին (լոնգ COVID)՝ նա նշեց, որ հիվանդությունից 3 ամիս անց էլ պահպանվում են հին ախտանշանները, որոշ դեպքերում ի հայտ են գալիս նաև նորերը։«Առավել հաճախ հանդիպող ախտանշաններից են մկանացավերը, հևոցը հոդացավերը, կոորդինացիայի խանգարումը, հիշողության անկումը, նյարդաբանական տարբեր խանգարումներ։ Այս ամենը բավականին երկար է պահպանվում, և վարակն ազդում է բոլոր օրգանների վրա՝ միզասեռական համակարգի, ինչպես նաև երիկամի ֆիլտրացիոն ֆունկցիայի և այլ խնդիրներ են առաջանում»,- նշեց Մերի Տեր-Ստեփանյանը։Լոնգ COVID է համարվում անգամ այն, երբ թեստը բացասական է ցույց տալիս, սակայն ախտանշանները պահպանվում են։

https://arm.sputniknews.ru/20211020/korvonavirusajin-hivandutjan-yntacqy-hajastanum-34470021.html

https://arm.sputniknews.ru/20211018/qani-mard-e-erevanum-patvastvel-kvorvonavirusi-dem-34402746.html

2021

Լուրեր

am_HY

հղի, կորոնավիրուս, կորոնավիրուսը հայաստանում և արցախում