Եվրոպայի խորհրդի պատվիրակության անդամներն այցելել են Հայոց ցեղասպանության հուշահամալիր

© Photo : official site of the Armenian Genocide Museum-instituteԵվրոպայի խորհրդի նախարարների կոմիտեի ժողովրդավարության հարցերով զեկուցողների խումբը` Ծիծեռնակաբերդում
Եվրոպայի խորհրդի նախարարների կոմիտեի ժողովրդավարության հարցերով զեկուցողների խումբը` Ծիծեռնակաբերդում - Sputnik Արմենիա, 1920, 20.10.2021
Բաժանորդագրվեք
НовостиTelegram
Հայոց ցեղասպանության հուշահամալիր այցի ավարտին Մարթեն Էհնբերգը գրառում է կատարել Պատվավոր հյուրերի հուշամատյանում:
ԵՐԵՎԱՆ, 20 հոկտեմբերի - Sputnik. Եվրոպայի խորհրդի նախարարների կոմիտեի ժողովրդավարության հարցերով զեկուցողների խումբը՝ ԵԽ-ում Շվեդիայի դեսպան Մարթեն Էհնբերգի գլխավորությամբ, այցելել է Հայոց ցեղասպանության հուշահամալիր: Տեղեկությունը հայտնում է Հայոց ցեղասպանության թանգարան-ինստիտուտի մամուլի ծառայությունը։
Հյուրերին դիմավորել և հուշահամալիրի ստեղծման պատմությունը ներկայացրել է Հայոց ցեղասպանության թանգարան-ինստիտուտի թանգարանային աշխատանքների գծով փոխտնօրեն Լուսինե Աբրահամյանը:
Եվրոպայից ժամանած հյուրերը ծաղիկներ են դրել անմար կրակի մոտ և մեկ րոպե լռությամբ հարգել Հայոց ցեղասպանության սրբադասված նահատակների հիշատակը: Նրանք շրջել են նաև Հայոց ցեղասպանության թանգարանում, ծանոթացել մշտական և ժամանակավոր ցուցադրություններին: Այցի ավարտին Մարթեն Էհնբերգը նաև գրառում է կատարել Պատվավոր հյուրերի հուշամատյանում:
© Photo : official site of the Armenian Genocide Museum-instituteՄարթեն Էհնբերգը նաև գրառում է կատարում Պատվավոր հյուրերի հուշամատյանում
Делегация докладчиков по вопросам демократии Комитета министров СЕ во главе с послом Швеции в СЕ Мартеном Эхнбергом посетила мемориал Геноцида армян (19 октября 2021). Еревaн - Sputnik Արմենիա, 1920, 20.10.2021
Մարթեն Էհնբերգը նաև գրառում է կատարում Պատվավոր հյուրերի հուշամատյանում
Նշենք, որ երեկ ՀՀ վարչապետ Նիկոլ Փաշինյանն ընդունեց Եվրոպայի խորհրդի նախարարների կոմիտեի ժողովրդավարության հարցերով զեկուցողների խմբի ղեկավար Մարթեն Էհնբերգին և նրա գլխավորած պատվիրակությանը:
Պատվիրակության կազմում են ԵԽ-ում Ֆրանսիայի, Ռուսաստանի, Շվեյցարիայի, Ֆինլանդիայի, Էստոնիայի, Անդորրայի, Իսլանդիայի դեսպանները և ԵԽ քարտուղարության ներկայացուցիչները:
Շառլ Միշելն այցելել է Ծիծեռնակաբերդի հուշահամալիր
Լրահոս
0