ՀՀ տրանսպորտային միջոցների տեխնիկական անձնագրերը կներառվեն ԵԱՏՄ միասնական ռեեստրում

© Sputnik / Andranik GhazaryanԵրթևեկություն
Երթևեկություն - Sputnik Արմենիա, 1920, 20.10.2021
Բաժանորդագրվեք
ՀՀ էկոնոմիկայի նախարարի տեղակալ Վարոս Սիմոնյանը հայտնեց, որ Հայաստանը համաձայնագրին միանում է վերապահումով` ռազմական մեքենաների ու հատուկ միջոցների մասով։
ԵՐԵՎԱՆ, 20 հոկտեմբերի – Sputnik. Հայաստանյան տրանսպորտային միջոցների տեխնիկական անձնագրերը կներառվեն ԵԱՏՄ միասնական ռեեստրում։
ՀՀ կառավարությունն առաջարկում է վավերացնել «Տրանսպորտային միջոցի անձնագրի և ինքնագնաց մեքենայի ու տեխնիկայի այլ տեսակների անձնագրի միասնական ձևերի ներդրման և էլեկտրոնային անձնագրերի համակարգերի կազմակերպման մասին» 2014 թվականի օգոստոսի 15-ի համաձայնագիրը։ Հարցն այսօր քննարկվել է ԱԺ տնտեսական հարցերի մշտական հանձնաժողովի նիստում։
Պուտինը կարևորել է ԵԱՏՄ-ում փոխադարձ առևտրի մեջ դոլարային վճարումների նվազեցումը
ՀՀ էկոնոմիկայի նախարարի տեղակալ Վարոս Սիմոնյանը պարզաբանեց, որ տվյալ համաձայնագրով անդամ երկրներում ստեղծվում է բոլոր տեսակի ավտեմեքենաների մեկ միասնական էլեկտրոնային հարթակ, ինչը, ըստ նրա, թույլ կտա մոնիթորինգ իրականացնել ու նաև հասկանալ, թե ինչ գործառույթ է իրականացնում տվյալ ավտոմեքենան։
Փոխնախարարը նաև հայտնեց, որ Հայաստանը համաձայնագրին միանում է վերապահումով։
«Նմանատիպ վերապահում արձանագրել է նաև համաձայնագրի հիմնադիր անդամ Ղազախստանը։ Սույն համաձայնագրի ազդեցությունը չի տարածվելու ՀՀ ԶՈւ և այլ զորքերի ինքնագնաց մեքենաների վրա, տեխնիկայի այլ միջոցների ու հատուկ ծառայությունների տրանսպորտային միջոցների վրա»,– ասաց Սիմոնյանը։
Замглавы государственного бюро по реализации программы Цифровая экономика Российской Федерации Максим Галл на Восьмом российско-армянском межрегиональном форуме (18 октября 2021). Еревaн - Sputnik Արմենիա, 1920, 20.10.2021
Երևան–Մոսկվա առանց կանգառի. ԵԱՏՄ թվային տրանսպորտային համակարգը կգործարկվի մինչև 2023 թ.
Հարցի քննարկման արդյունքում հանձնաժողովը դրական եզրակացություն տվեց կառավարության առաջարկած նախագին, և այն առաջիկայում կներկայացվի ԱԺ լիագումար նիստում։
Նշենք, որ համաձայնագիրը ստորագրվել է Եվրասիական տնտեսական միության անդամ պետությունների փոխվարչապետների կողմից 2018թ. հունիսի 23-ին: Արձանագրության ուժի մեջ մտնելու համար անհրաժեշտ ներպետական ընթացակարգերն իրականացրել են միայն Ռուսաստանի Դաշնությունն ու Ղրղզստանի Հանրապետությունը:
Լրահոս
0
Սկզբում նորերըՍկզբում հները
loader
ԵԹԵՐՈւՄ Է
Заголовок открываемого материала