Հնդկաստանը պայմանավորվել է Հայաստանի հետ COVID-19–ի հավաստագրերի փոխադարձ ճանաչման մասին

© AFP 2020 / NARINDER NANUՀնդկաստան
Հնդկաստան - Sputnik Արմենիա, 1920, 20.10.2021
Բաժանորդագրվեք
Հնդկաստանի իշխանությունները նոր կանոններ են հրապարակել, որոնց համաձայն երկիր մուտք գործելիս հաշվի է առնվելու COVID-19–ի պատվաստման մասին հավաստագրի փոխադարձ ճանաչման մասին երկրների միջև առկա համաձայնագիրը։
ԵՐԵՎԱՆ, 20 հոկտեմբերի – Sputnik. Հնդկաստանը COVID-19–ի պատվաստման մասին հավաստագրի փոխադարձ ճանաչման մասին համաձայնագիր է կնքել 11 երկրների հետ, այդ թվում նաև Հայաստանի։ Այս մասին հայտնում է ՌԻԱ Նովոստին` հղում անելով Հնդկաստանի առողջապահության նախարարությանը։

«Երկրների ցանկը, որոնց հետ Հնդկաստանի կառավարությունը համաձայնագիր ունի պատվաստման հավաստագրերի փոխադարձ ճանաչման վերաբերյալ այն անձանց համար, որոնք լիարժեք պատվաստում են անցել Հնդկաստանի կամ ԱՀԿ–ի կողմից ճանաչված պատվաստանյութով հետևյալն է` Մեծ Բրիտանիա, Ֆրանսիա, Գերմանիա, Նեպալ, Բելառուս, Լիբանան, Հայաստան, Ուկրաինա, Բելգիա, Հունգարիա, Սերբիա», – ասվում է հաղորդագրության մեջ։

Նախարարությունը հրապարակել է նաև «ռիսկային երկրների» ցանկը, այդ երկրների ճանապարհորդները պետք է լրացուցիչ միջոցներ ձեռնարկեն Հնդկաստան ժամանելուն պես։ Այդ ցանկում են Եվրոպայի երկրները (այդ թվում Մեծ Բրիտանիան), Հարավային Աֆրիկան, Բրազիլիան, Բանգլադեշը, Բոթսվանան, Չինաստանը, Մավրիկիան, Նոր Զելանդիան և Զիմբաբվեն։
Դիմակով աղջիկ - Sputnik Արմենիա, 1920, 13.10.2021
Չպատվաստված ու ՊՇՌ թեստ չհանձնած աշխատողները կարող են զրկվել ստաժից ու արձակուրդից
Ավելի վաղ Հնդկաստանի իշխանությունները երկիր մուտք գործելու նոր կանոններ են հրապարակել, որոնց համաձայն երկիր մուտք գործելիս հաշվի է առնվելու COVID-19–ի պատվաստման մասին հավաստագրի փոխադարձ ճանաչման մասին երկրների միջև առկա համաձայնագիրը և Հնդկաստան ժամանելու ցանկություն ունեցողի պատվաստման կարգավիճակը։ Նման համաձայնագրի առկայության և զբոսաշրջիկի լիարժեք պատվաստման դեպքում նրան կթույլատրվի լքել օդանավակայանը և ինքնուրույն հետևել սեփական առողջությանը ժամանելուց հետո 14 օրվա ընթացքում։
Ռեստորաններ` միայն պատվաստված կամ ՊՇՌ թեստերով. ԱՆ-ի խստացումներն այդքան անհրաժե՞շտ են
Չպատվաստված, մասամբ պատվաստված կամ «ռիսկային երկրներից» ժամանածները պետք է Հնդկաստան ժամանելուց հետ COVID-19–ի թեստ հանձնեն, մեկ շաբաթվա ընթացքում տնային կարանտին պահպանեն և ժամանման 8-րդ օրը կրկնեն ՊՇՌ թեստը։
Հիշեցնենք, որ Հնդկաստանը կորոնավիրուսի բացահայտված դեպքերի թվով շարունակում է աշխարհում երկրորդ հորիզոնականում մնալ։
COVID-19-ը հայտնաբերելու թեստ - Sputnik Արմենիա, 1920, 06.10.2021
Պարտադիր պատվաստմանն ու ՊՇՌ թեստին վերաբերող հրամանն առաջիկայում կարող է փոփոխվել
Լրահոս
0
Սկզբում նորերըՍկզբում հները
loader
ԵԹԵՐՈւՄ Է
Заголовок открываемого материала