https://arm.sputniknews.ru/20211020/orakan-45-vorsvov-inchpes-tun-pahenq-inchu-ein-dzknvorsnery-pakel-erevan-sevan-majrughin-34490495.html
Օրական 4–5 հատով ինչպե՞ս տուն պահենք. ինչու էին ձկնորսները փակել Երևան-Սևան մայրուղին
Օրական 4–5 հատով ինչպե՞ս տուն պահենք. ինչու էին ձկնորսները փակել Երևան-Սևան մայրուղին
Sputnik Արմենիա
Ձկնորսների խոսքով` ապրիլից մինչև սեպտեմբեր իրենց տվել են 250 տոննա ձուկ որսալու իրավունք, այսինքն`օրական 1,5 կգ ձուկ։ 20.10.2021, Sputnik Արմենիա
2021-10-20T17:06+0400
2021-10-20T17:06+0400
2021-10-20T17:12+0400
հայաստան
բողոքի ակցիա
ձուկ
որս
շրջակա միջավայրի նախարարություն
ձկնորս
https://cdn.am.sputniknews.ru/img/07e4/08/15/24182275_0:84:1600:984_1920x0_80_0_0_af84459eef0b0f5697f2eaf10997a810.jpg
ԵՐԵՎԱՆ, 20 հոկտեմբերի - Sputnik. ՀՀ Գեղարքունիքի մարզում ձկնորսները փակել էին Երևան-Սևան մայրուղին և բողոքում էին ձկնորսության արգելքի դեմ:Նրանց խոսքով` ապրիլից մինչև սեպտեմբեր իրենց տվել են 250 տոննա որսի թույլտվություն: Այս ընթացքում լճում եղել է մոտ 1000 մոտորանավակ, այսինքն` յուրաքանչյուր մոտորանավակը պետք է որսար 250 կգ ձուկ: Դա օրական անում է 1,5 կգ`3-4 ձուկ: Սեպտեմբերի 1-ից մինչև հոկտեմբերի 15-ը թույլ են տվել ևս 100 տոննա ձուկ որսալ, ստացվում է` յուրաքանչյուր մոտորանավակին 10 կգ լրացուցիչ ձուկ:«Այսինքն` մարդը պետք է բենզին վառի, ավտո օգտագործի, մոտորանավակը վարի ընդամենը օրական 5 ձկան համար: Իրենց առաջարկվեց, որ ձկան գնից կախված վճար մտցնեն, այսինքն` եթե ձուկը կլինի 100 դրամ, յուրաքանչյուր մոտորանավակ կմուծի 10 հազար դրամ, եթե ձուկը կարժենա 150 դրամ, կմուծի 15 հազար դրամ, իսկ տոննաժը բաժանեք ծախողներին, ոչ թե բռնողներին: Միևնույն է, այս 6 ամսում Սևանից դուրս է եկել մոտ 10 հազար տոննա ձուկ, իսկ պետությունը դրանից ստացել է ընդամենը 350 տոննայի բնավճարը: Մինչդեռ կարելի էր և՛ այդ 10 հազար տոննայի բնավճարը վերցնել, և՛ 10-15 հազար դրամները՝ կախված ձկան արժեքից»,–ասաց ձկնորսներից մեկը:Մեկ այլ ցուցարար էլ վստահեցրեց, որ իրենց եկամտի միակ աղբյուրը ձկնորսությունն է։«Ո՛չ բնապահպանության նախարարը, ո՛չ մարզպետն այս լճից գլուխ չեն հանում։ Մենք շատ ավելի լավ գիտենք` երբ կարելի է որս անել, երբ չէ, թող մեզ հանգիստ թողեն։ Թե չէ օրական 4–5 ձուկ որսալով ինչպե՞ս տուն պահենք»,–ասաց նա։Ճանապարհը փակած քաղաքացիների հետ հանդիպեց Գեղարքունիքի մարզպետ Կարեն Սարգսյանը։Մարզպետը լրագրողներին հայտնեց, որ խնդիրը բավականին խորն է․ 2004 թվականից արդյունագործական ձկնորսություն չկա, ոլորտի պատասխանատուները հանձն են առել ոլորտը կարգավորել։«Բոլորս գիտակցում ենք, որ երկար տարիներով չկարգավորված ոլորտը կարգավորելիս կարող են որոշակի խնդիրներ առաջանալ։ Երկու օր է՝ կարգը գործում է, մեր քաղաքացիները որոշակի խնդիրներ են տեսել։ Դրա համար իրենց բողոքի ձայնն են բարձրացնում։ Պայմանավորվել ենք, որ շաբաթ-կիրակի իրենց բարձրաձայնած խնդիրները ձևակերպեն, գրավոր ներկայացնեն շրջակա միջավայրի նախարարություն։ Ամենակարևոր ձեռքբերումն այն է, որ մեր ձկնորսները համամիտ են՝ խելամիտ կարգավորումների արդյունքում աշխատել օրենքի շրջանակում»,- ասաց մարզպետը։Անտառխախտումների դեպքերի աճ է գրանցվել. նախարարը խոստանում է` անհանդուրժող են լինելուԱյս պահին ցուցարարներն արդեն բացել են մայրուղին՝ պայմանով, որ եթե մինչև երեքշաբթի խնդրին լուծում չտրվի, ապա նորից կփակեն ճանապարհը։Նշենք, որ համաձայն Գիտությունների ազգային ակադեմիայի 2020 թ. հաշվառման տվյալների՝ Սևանա լճում սիգի ընդհանուր զանգվածը կազմել էր 2345 տոննա, որից արդյունագործական ընդհանուր պաշարը՝ մոտ 586,2 տոննա, որից սիգի փորձարարական որսի 2-րդ փուլի շրջանակում 2021 թ. օգտագործման համար սահմանվել էր առավելագույնը 250 տոննա չափաքանակ։Կառավարության ս․թ․ սեպտեմբերի 2-ի որոշմամբ` 2021 թվականի համար սիգի արդյունագործական նպատակներով չափաքանակը ավելացվել է ևս 50 տոննայով և որսի իրականացման ժամկետը երկարաձգվել մինչև այս տարվա հոկտեմբերի 15-ը՝ հնարավորություն ընձեռելով օրինապահ ձկնորսներին սահմանված կարգավորումներին համապատասխան իրականացնել սիգի արդյունագործական որս:Շրջակա միջավայրի նախարարությունը Facebook–ում արձագանքել է ձկնորսների բողոքի ակցիային` վստահեցնելով, որ նրանց մտահոգությունները հաշվի կառնվեն, բայց պետք է գիտակցել նաև, որ այս կարգավորումներն ունեն կարևոր նպատակ՝ կանխել ապօրինի ձկնորսությունը և ձկնապաշարների վերականգնման միջոցով վերականգնել Սևանա լճի էկոհամակարգը։Վայրի կենդանիներ պահող հայտնիներն ու անհայտները ստիպված կլինեն հաշվառվել ու բացատրել
https://arm.sputniknews.ru/20210902/sigi-vors-ksharunakvi-minchev-hoktemberi-15-tuylatreli-qanak-kavelacvi-50-tonnatyov-28864619.html
https://arm.sputniknews.ru/20210903/sevan-sig-vors-28879737.html
https://arm.sputniknews.ru/20200810/127-tonna-dzkiaporini-ardyunahanum-aac-24054426.html
Sputnik Արմենիա
media@sputniknews.com
+74956456601
MIA „Rosiya Segodnya“
2021
Sputnik Արմենիա
media@sputniknews.com
+74956456601
MIA „Rosiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rosiya Segodnya“
Sputnik Արմենիա
media@sputniknews.com
+74956456601
MIA „Rosiya Segodnya“
հայաստան, բողոքի ակցիա, ձուկ, որս, շրջակա միջավայրի նախարարություն, ձկնորս
հայաստան, բողոքի ակցիա, ձուկ, որս, շրջակա միջավայրի նախարարություն, ձկնորս
Օրական 4–5 հատով ինչպե՞ս տուն պահենք. ինչու էին ձկնորսները փակել Երևան-Սևան մայրուղին
17:06 20.10.2021 (Թարմացված է: 17:12 20.10.2021) Ձկնորսների խոսքով` ապրիլից մինչև սեպտեմբեր իրենց տվել են 250 տոննա ձուկ որսալու իրավունք, այսինքն`օրական 1,5 կգ ձուկ։
ԵՐԵՎԱՆ, 20 հոկտեմբերի - Sputnik. ՀՀ Գեղարքունիքի մարզում ձկնորսները փակել էին Երևան-Սևան մայրուղին և բողոքում էին ձկնորսության արգելքի դեմ:
Նրանց խոսքով` ապրիլից մինչև սեպտեմբեր իրենց տվել են 250 տոննա որսի թույլտվություն: Այս ընթացքում լճում եղել է մոտ 1000 մոտորանավակ, այսինքն` յուրաքանչյուր մոտորանավակը պետք է որսար 250 կգ ձուկ: Դա օրական անում է 1,5 կգ`3-4 ձուկ: Սեպտեմբերի 1-ից մինչև հոկտեմբերի 15-ը թույլ են տվել ևս 100 տոննա ձուկ որսալ, ստացվում է` յուրաքանչյուր մոտորանավակին 10 կգ լրացուցիչ ձուկ:
«Այսինքն` մարդը պետք է բենզին վառի, ավտո օգտագործի, մոտորանավակը վարի ընդամենը օրական 5 ձկան համար: Իրենց առաջարկվեց, որ ձկան գնից կախված վճար մտցնեն, այսինքն` եթե ձուկը կլինի 100 դրամ, յուրաքանչյուր մոտորանավակ կմուծի 10 հազար դրամ, եթե ձուկը կարժենա 150 դրամ, կմուծի 15 հազար դրամ, իսկ տոննաժը բաժանեք ծախողներին, ոչ թե բռնողներին: Միևնույն է, այս 6 ամսում Սևանից դուրս է եկել մոտ 10 հազար տոննա ձուկ, իսկ պետությունը դրանից ստացել է ընդամենը 350 տոննայի բնավճարը: Մինչդեռ կարելի էր և՛ այդ 10 հազար տոննայի բնավճարը վերցնել, և՛ 10-15 հազար դրամները՝ կախված ձկան արժեքից»,–ասաց ձկնորսներից մեկը:
Մեկ այլ ցուցարար էլ վստահեցրեց, որ իրենց եկամտի միակ աղբյուրը ձկնորսությունն է։
«Ո՛չ բնապահպանության նախարարը, ո՛չ մարզպետն այս լճից գլուխ չեն հանում։ Մենք շատ ավելի լավ գիտենք` երբ կարելի է որս անել, երբ չէ, թող մեզ հանգիստ թողեն։ Թե չէ օրական 4–5 ձուկ որսալով ինչպե՞ս տուն պահենք»,–ասաց նա։
Ճանապարհը փակած քաղաքացիների հետ հանդիպեց Գեղարքունիքի մարզպետ Կարեն Սարգսյանը։
Մարզպետը լրագրողներին հայտնեց, որ խնդիրը բավականին խորն է․ 2004 թվականից արդյունագործական ձկնորսություն չկա, ոլորտի պատասխանատուները հանձն են առել ոլորտը կարգավորել։
«Բոլորս գիտակցում ենք, որ երկար տարիներով չկարգավորված ոլորտը կարգավորելիս կարող են որոշակի խնդիրներ առաջանալ։ Երկու օր է՝ կարգը գործում է, մեր քաղաքացիները որոշակի խնդիրներ են տեսել։ Դրա համար իրենց բողոքի ձայնն են բարձրացնում։ Պայմանավորվել ենք, որ շաբաթ-կիրակի իրենց բարձրաձայնած խնդիրները ձևակերպեն, գրավոր ներկայացնեն շրջակա միջավայրի նախարարություն։ Ամենակարևոր ձեռքբերումն այն է, որ մեր ձկնորսները համամիտ են՝ խելամիտ կարգավորումների արդյունքում աշխատել օրենքի շրջանակում»,- ասաց մարզպետը։
Այս պահին ցուցարարներն արդեն բացել են մայրուղին՝ պայմանով, որ եթե մինչև երեքշաբթի խնդրին լուծում չտրվի, ապա նորից կփակեն ճանապարհը։
Նշենք, որ համաձայն Գիտությունների ազգային ակադեմիայի 2020 թ. հաշվառման տվյալների՝ Սևանա լճում սիգի ընդհանուր զանգվածը կազմել էր 2345 տոննա, որից արդյունագործական ընդհանուր պաշարը՝ մոտ 586,2 տոննա, որից սիգի փորձարարական որսի 2-րդ փուլի շրջանակում 2021 թ. օգտագործման համար սահմանվել էր առավելագույնը 250 տոննա չափաքանակ։
Կառավարության ս․թ․ սեպտեմբերի 2-ի որոշմամբ` 2021 թվականի համար սիգի արդյունագործական նպատակներով չափաքանակը ավելացվել է ևս 50 տոննայով և որսի իրականացման ժամկետը երկարաձգվել մինչև այս տարվա հոկտեմբերի 15-ը՝ հնարավորություն ընձեռելով օրինապահ ձկնորսներին սահմանված կարգավորումներին համապատասխան իրականացնել սիգի արդյունագործական որս:
Շրջակա միջավայրի նախարարությունը
Facebook–ում արձագանքել է ձկնորսների բողոքի ակցիային` վստահեցնելով, որ նրանց մտահոգությունները հաշվի կառնվեն, բայց պետք է գիտակցել նաև, որ այս կարգավորումներն ունեն կարևոր նպատակ՝ կանխել ապօրինի ձկնորսությունը և ձկնապաշարների վերականգնման միջոցով վերականգնել Սևանա լճի էկոհամակարգը։
