«Ռոսատոմի» ղեկավարը կգա Հայաստան՝ նոր ԱԷԿ-ի ստեղծման հեռանկարները քննարկելու

© Sputnik / Алексей Даничев / Անցնել ֆոտոբանկԱլեքսեյ Լիխաչով
Ալեքսեյ Լիխաչով - Sputnik Արմենիա, 1920, 20.10.2021
Ալեքսեյ Լիխաչով
Բաժանորդագրվեք
Yandex newsTelegram
Նախատեսվում են բարձր մակարդակի հանդիպումներ, ինչպես նաև քննարկումներ գործող ԱԷԿ-ի վիճակի և նոր ատոմակայանի կառուցման հեռանկարների շուրջ:
ԵՐԵՎԱՆ, 20 հոկտեմբեր – Sputnik. Ռուսական «Ռոսատոմ» պետական կորպորացիայի գլխավոր տնօրեն Ալեքսեյ Լիխաչովը Հայաստան կայցելի նոյեմբերի սկզբին։ Տեղեկությունը Sputnik Արմենիային հայտնեցին ՀՀ տարածքային կառավարման և ենթակառուցվածքների նախարարությունից, որը վերահսկում է էներգետիկայի ոլորտը։
Ըստ այցելության նախնական ծրագրի՝ Լիխաչովի և նրա պատվիրակության այցը կկայանա նոյեմբերի առաջին օրերին։ Այցի ընթացքում կքննարկվի Մեծամորի ԱԷԿ-ի վերանորոգման ընթացքը, 2026 թ․-ից հետո ատոմակայանի ծառայության ժամկետի երկարաձգման հնարավորությունները, ինչպես նաև նոր կայանի կառուցման հեռանկարները։
Նախատեսվում են նաև «Ռոսատոմի» ղեկավարի հանդիպումները Հայաստանի բարձրագույն ղեկավարության հետ։
Ատոմակայան - Sputnik Արմենիա, 1920, 18.10.2021
Ատոմակայանը միացվել է Հայաստանի էներգահամակարգին
Նշենք, որ «Ռոսատոմը» շարունակում է մասնակցել Մեծամորի ատոմակայանի հիմնանորոգմանը, որը պետք է ավարտվի հաջորդ տարի: «Ռոսատոմի» դուստր ձեռնարկությունը՝ «Ռուսատոմ սերվիս» ընկերությունը, եղել է վերանորոգման աշխատանքների մեծ մասի գլխավոր կապալառուն և շարունակում է խորհրդատվություն տրամադրել կայանի ղեկավարությանը, իսկ «Ռոսատոմի» ձեռնարկությունները մրցութային հիմունքով շարունակում են սարքավորումներ մատակարարել կայանի համար:
Մասնավորապես, այս տարի կորպորացիայի կազմի մեջ մտնող մի շարք ինստիտուտների և ձեռնարկությունների մասնագետները նախագծել և իրականացրել են ռեակտորի կորպուսի թրծումը, ինչը կերկարաձգի դրա ծառայության ժամկետը:
Հիշեցնենք, որ «ԳեոՊրոՄայնինգ» ընկերությունների խումբը հայտարարել էր Զանգեզուրի պղնձամոլիբդենային կոմբինատի բաժնետոմսերի 60%-ը գնելու մասին, որի մեկ քառորդը (այսինքն՝ ընդհանուր փաթեթի 15%-ը) փոխանցել էր Հայաստանի կառավարությանը: Շատերը սա համարում են Հայաստանի պատմության ամենամութ գործարքը։
Ավելի ուշ ՀՀ վարչապետ Նիկոլ Փաշինյանը հայտարարեց, որ ընկերության տնօրինությունը ՀՀ կառավարությանն առաջարկ է արել, որի քննարկման արդյունքում պարզվել է, որ այն համապատասխանում է ՀՀ տնտեսական ու պետական շահերին։
Նրա խոսքով` այդ առաջարկը ներառում է երկու շատ կարևոր բաղադրիչ. առաջինը` պղնձաձուլարանի կառուցում, ինչը նշանակում է, որ ՀՀ–ն այլևս ոչ թե խտանյութ պիտի արտահանի և ուրիշ տեղից ներկրի պատրաստի պղինձ, այլ ՀՀ–ում պետք է թողարկվի պղինձ, երկրորդը` այս ծրագրի մաս է նոր ատոմակայանի կառուցումը։
Ռուսական ընկերությունները պատրաստվում են ավելի քան 1 մլրդ դոլար ներդնել ՀՀ տնտեսության մեջ
Լրահոս
0