Արմեն Աշոտյանին հրավիրել են ոստիկանություն` Facebook-ում գրառման մասին բացատրություն տալու

© Sputnik / Zara MikaԱրմեն Աշոտյան
Արմեն Աշոտյան - Sputnik Արմենիա, 1920, 21.10.2021
Բաժանորդագրվեք
Դա այն գրառումն է, որտեղ նա Նիկոլ Փաշինյանին ու նրա քաղաքական թիմին մեղադրել էր «երկիրը տանուլ տալուց հետո» նաև դիվանագիտական խրամատներից փախչելու մեջ։
ԵՐԵՎԱՆ, 21 հոկտեմբերի - Sputnik. ՀՀԿ փոխնախագահ Արմեն Աշոտյանին հրավիրել են ոստիկանություն` Facebook-ում հոկտեմբերի 6-ին կատարած գրառման վերաբերյալ պարզաբանումներ ու բացատրություն տալու։ Այս մասին Facebook-ում կատարած մեկ այլ գրառմամբ հայտնել է ինքը՝ Աշոտյանը` հրապարակելով ոստիկանությունից ստացած գրությունը։
«Առավոտյան մի այսպիսի գրություն են ուղարկել ոստիկանությունից, որը ոչ հրավեր է, ոչ ծանուցագիր։Հայաստանի Հանրապետության օրենսդրությամբ նման կարգ նախատեսված չէ»,– գրում է Աշոտյանը` հայտնելով, որ չի գնալու ոստիկանություն, քանի որ այդ օրն ու այդ ժամին (21.10.21, 16:00) իրեն «հարմար չէ»։
Աշոտյանը նաև հիշեցրել է, թե իր որ հրապարակմանն է արձագանքել ոստիկանությունը։ Դա այն գրառումն է, որտեղ նա Նիկոլ Փաշինյնին ու իր քաղաքական թիմին մեղադրել էր «երկիրը տանուլ տալուց հետո նաև դիվանագիտական խրամատներից փախչելու ու ադրբեջանցիների հետ երես-բերես լինելուց վախենալու մեջ»։
«Դուք իրո՞ք ուզում եք Սյունիքից հրաժարվել Ադրբեջանով ՌԴ «բեռներ փոխադրելու» խաթր». Աշոտյան
«Կապիտուլյանտ վիժվածքին, ով այսօր կրկին հոգեկան կծկումների մեջ էր խորհրդարանի ամբիոնում, և իր քարոզչական կապիկներին փոխանցեք, որ իր անբարոյական ստերի ժողովածուն ադրբեջանական քաղաքական շրջանակների համար դարձել է սեղանի գիրքը։ Փոխանցեք այդ դավաճանին և իր մուտանտներին, որ ինքը հարևանների հույսն ու հավատն է»,– գրել էր նա։
Աշոտյանը ոստիկաններին առաջարկել է կապվել իր փաստաբան Տիգրան Աթանեսյանի հետ։
Լրահոս
0
Սկզբում նորերըՍկզբում հները
loader
ԵԹԵՐՈւՄ Է
Заголовок открываемого материала