Առուշ Առուշանյանը պատգամավորական մանդատը չի վերցնի. հայրն ասել է՝ ինչու

© Photo : Facebook / Գորիսի համայնքապետարան / Goris MunicipalityПосадка деревьев в приграничной общине Воротан (3 апреля 2021). Сюник
Посадка деревьев в приграничной общине Воротан (3 апреля 2021). Сюник - Sputnik Արմենիա, 1920, 22.10.2021
Բաժանորդագրվեք
Առուշ Առուշանյանի հայրը Sputnik Արմենիայի հետ զրույցում հայտնել է, որ որդու բոլոր նախաձեռնությունները կապված են իր սիրելի ծննդավայր Գորիսի հետ։
Առուշ Առուշանյանը պատգամավորական մանդատը չի վերցնելու։ Sputnik Արմենիայի հետ զրույցում տեղեկությունը հայտնեց Առուշանյանի հայրը` Գագիկ Առուշանյանը` մեկնաբանելով մամուլում տարածված տեղեկությունները, թե ԱԺ «Հայաստան» դաշինքի պատգամավոր Դավիթ Սեդրակյանի մանդատից հրաժարվելուց հետո հնարավոր է, որ դաշինքի հաջորդ համարը` Առուշ Առուշանյանը վերցնի իր հասանելիք մանդատը։
«Առուշ Առուշանյան» դաշինքը հաղթեց Գորիսի ՏԻՄ ընտրություններում
«Օրենսդիրն Առուշի տեղը չէ։ Նա իր տեսակով կառուցող մարդ է։ Առուշը շատ է սիրում մեր հող ու ջուրը։ Նրա առաքելությունը մեր համայնքը շենացնելն է։ Այդ մասին Առուշը սկսել է խոսել դեռ 16 տարեկանից։ Առուշի բոլոր նախաձեռնություններն ու ծրագրերն ուղղված են Գորիս համայնքի առաջընթացին, զարգացմանը և գորիսեցիների կյանքի որակի բարելավմանը»,- ասաց Առուշանյանը։
Գագիկ Առուշանյանը մեզ հետ զրույցում պատմեց, որ որդին մի առիթով կես կատակ-կես լուրջ ասել է` Գորիսը պետք է դարձնենք փոքրիկ հայկական Մոնակո և համայնքապետ ընտրվելուց հետո հետամուտ է եղել իր այդ երազանքի իրականացմանը։
 Мэр Гориса Аруш Арушанян - Sputnik Արմենիա, 1920, 18.10.2021
Առուշանյանի հաղթանակը ընտրություններում դեռ չի նշանակում, որ նրան պետք է կալանքից ազատեն
Նշենք, որ այսօր հայտնի դարձավ, որ մանդատը վայր դնելու վերաբերյալ հայտարարություն է արել «Հայաստան» դաշինքի պատգամավոր Դավիթ Սեդրակյանը։ Ցուցակում հաջորդը, որը պիտի զբաղեցնի պատգամավորի թափուր մանդատը, անցած կիրակի Գորիս համայնքի ՏԻՄ ընտրություններում վերընտրված Առուշ Առուշանյանն է, որն այժմ կալանավորված է։
Լրահոս
0
Սկզբում նորերըՍկզբում հները
loader
ԵԹԵՐՈւՄ Է
Заголовок открываемого материала