ԲՀԿ-ական նախկին պատգամավորը ձերբակալվել է. ինչ մեղադրանք է առաջադրվել

© Sputnik / Asatur YesayantsДепутат от фракции “Процветающая Армения” Джанибек Айрапетян на заседании парламента Армении (15 января 2019). Еревaн
Депутат от фракции “Процветающая Армения” Джанибек Айрапетян на заседании парламента Армении (15 января 2019). Еревaн - Sputnik Արմենիա, 1920, 22.10.2021
Բաժանորդագրվեք
Հայրապետյանը ԱԺ պատգամավոր էր ընտրվել 2018 թվականի դեկտեմբերի 9-ին։
ԵՐԵՎԱՆ, 22 հոկտեմբերի – Sputnik. ՀՀ ԱԺ «Բարգավաճ Հայաստան» խմբակցության նախկին պատգամավոր Ջանիբեկ Հայրապետյանը ձերբակալվել է։ Sputnik Արմենիայի հետ զրույցում այս մասին ասաց ՀՀ քննչական կոմիտեի մամուլի խոսնակ Վարդան Թադևոսյանը։
Ձերբակալվել է Արմավիրի դեղատներում ավազակություն կատարած անձը
«Հայրապետյանը ձերբակալվել է և այժմ էլ նրան կալանավորելու միջնորդություն է ներկայացվել»,- նշեց Թադևոսյանը։ Ջանիբեկ Հայրապետյանին մեղադրանք է առաջադրվել ՀՀ քրեական օրենսգրքի 112-րդ հոդվածի 1-ին մասով՝ դիտավորությամբ առողջությանը ծանր վնաս պատճառելը, որը վտանգավոր է կյանքի համար։
«Ժողովուրդը» գրում է, որ իրենց տեղեկությունների համաձայն՝ նախկին պատգամավորը 2016 թվականի մայիսի 9-ին Եղվարդի խճուղում վիճաբանության էր բռնվել մի խումբ անձանց հետ ու ծեծի ենթարկել Երևան քաղաքի բնակիչ Վաղինակ Սահակյանին:
Բացահայտվել են ՀՀ ՊԵԿ պաշտոնատար անձանց կողմից խոշոր չափերով կաշառք ստանալու դեպքեր - Sputnik Արմենիա, 1920, 19.10.2021
Ձերբակալվել են ՊԵԿ 4 պաշտոնյա ու նրանց կաշառած 3 գործարարներ
Կայքը հայտնում է նաև, որ Ջանիբեկ Հայրապետյանը հարվածել է Վաղինակ Սահակյանի դեմքին, զրկել է վերջինիս ձախ աչքից և պատճառել է ծանր մարմնական վասվածք:
Միաժամանակ ստացված տեղեկությունների համաձայն՝ նշված դեպքի առթիվ նախապատրաստված նյութերի ընթացքը հօգուտ իրենց լուծելու համար Ջանիբեկ Հայրապետյանը մի խումբ անձանց միջնորդությամբ և օժանդակությամբ իրավասու պաշտոնյաներին խոշոր չափի կաշառք է տվել, որի դիմաց թաքցվել է նշված դեպքին Ջանիբեկ Հայրապետյանի մասնակցության փաստը, իսկ կատարված արարքը մեղսագրվել է Գևորգ Բայադյանին:
«Գեյմզոն» խաղասրահի մոտ կրակոցներ են հնչել. կա ձերբակալված
Ավելին, իրավապահները տվյալներ ունեն, որ վիճաբանության ժամանակ մարմնական վնասվածք ստացած Սահակյանը սպառնալիքների և ճնշումների ներքո հրաժարվել է բողոքից, ինչի արդյունքում էլ որոշում է կայացվել նախապատրաստված նյութերով քրեական գործի հարուցումը մերժել: Հայրապետյանը ԱԺ պատգամավոր էր ընտրվել 2018 թվականի դեկտեմբերի 9-ին։
Լրահոս
0
Սկզբում նորերըՍկզբում հները
loader
ԵԹԵՐՈւՄ Է
Заголовок открываемого материала