Ինքնասպանություն է․ Կարո Փայլանը՝ Թուրքիայի ԿԲ որոշման մասին

© Sputnik / Asatur YesayantsГаро Пайлан на форуме "Армения-Диаспора"
Гаро Пайлан на форуме Армения-Диаспора - Sputnik Արմենիա, 1920, 22.10.2021
Բաժանորդագրվեք
Հայազգի պատգամավորի խոսքով` վառելիքի, էլեկտրաէներգիայի, գազի գները թանկանում են, իսկ մարդիկ հայտնվում են թանկացումների շղթայում։
ԵՐԵՎԱՆ, 22 հոկտեմբերի – Sputnik. Թուրքիայի մեջլիսի ընդդիմադիր քրդամետ «Ժողովուրդների դեմոկրատական կուսակցության» (HDP-ԺԴԿ) հայ պատգամավոր Կարո Փայլանը կարծում է, որ Թուրքիայի տնտեսությունը նման է վերակենդանացման բաժանմունքում գտնվող հիվանդի։ Ermenihaber.am-ը հայտնում է, որ պատգամավորն անդրադարձել է Թուրքիայի կենտրոնական բանկի` տոկոսադրույքները նվազեցնելու որոշմանը։
Թուրքիայի արտարժույթի շուկան շարունակում է ոչ կայուն վիճակում լինել։ Մեկ շաբաթ առաջ թուրքական լիրան արժեզրկման պատմական նոր ռեկորդ սահմանեց։ Հոկտեմբերի 14-ի առավոտյան արտարժույթի շուկայում գործարքները կատարվեցին 1 դոլարի դիմաց 9,18 լիրա փոխարժեքով։ Հոկտեմբերի 21-ին Թուրքիայի կենտրոնական բանկի՝ տոկոսադրույքները նվազեցնելու որոշումից հետո արտարժույթի շուկայում լիրայի փոխարժեքները կտրուկ բարձրացան։

«Կենտրոնական բանկի որոշումն ինքնասպանություն է։ Վառելիքի, էլեկտրաէներգիայի, գազի գները թանկանում են, իսկ մեր հայրենակիցները հայտնվում են թանկացումների շղթայում։ Տոկոսադրույքների այս նվազեցման պատճառը միանձնյա ռեժիմն է, հետևանքը՝ տոկոսադրույքը։ Եթե տոկոսադրույքներն իջեցնենք առանց այս համակարգը փոխելու, դոլարը կբարձրանա»,- պարբերականը մեջբերել է պատգամավորի խոսքը։

Հիշեցնենք՝ մարտի 18-ին ԿԲ-ն հաշվարկային դրույքը 17 տոկոսից դարձրեց 19 տոկոս։ Դրանից հետո նախագահ Էրդողանն աշխատանքից ազատեց ԿԲ-ի ղեկավար Նաջի Աղբալին, ինչն իր հերթին կտրուկ արժեզրկեց թուրքական արժույթը։ Նշենք, որ լիրայի փոխարժեքը նախորդ շաբաթների ընթացքում մի քանի անգամ թարմացրեց նախորդ պատմական մինիմումը՝ 8,81 լիրա մեկ դոլարի դիմաց։ Լիրան սկսեց էժանանալ, երբ Թուրքիայի կենտրոնական բանկը սեպտեմբերի 23-ին առանցքային տոկոսադրույքը 19 տոկոսից նվազեցրեց մինչև 18 տոկոս, մինչդեռ վերլուծաբանները սպասում էին, որ այն կպահպանվի նախկին մակարդակում։
Թուրքիայի նախագահի կուսակցության վարկանիշը օր օրի ընկնում է
Լրահոս
0
Սկզբում նորերըՍկզբում հները
loader
ԵԹԵՐՈւՄ Է
Заголовок открываемого материала