https://arm.sputniknews.ru/20211022/nranq-vovqer-nstats-en-kvombinatum-u-mardkanc-en-azatum-ashkhatanqic-legitim-chen-hakvobjan-34571027.html

Նրանք, ովքեր նստած են կոմբինատում ու մարդկանց ազատում են աշխատանքից, լեգիտիմ չեն. Հակոբյան

Նրանք, ովքեր նստած են կոմբինատում ու մարդկանց ազատում են աշխատանքից, լեգիտիմ չեն. Հակոբյան

Sputnik Արմենիա

«Հայաստան» խմբակցության պատգամավոր, «Զանգեզուրի պղնձամոլիբդենային կոմբինատ» ՓԲԸ խորհրդի նախկին անդամ Վահե Հակոբյանը հաստատում է կրճատումների լուրերը... 22.10.2021, Sputnik Արմենիա

2021-10-22T15:57+0400

2021-10-22T15:57+0400

2021-10-22T16:01+0400

սյունիք

աշխատանք

վահե հակոբյան

«զանգեզուրի պղնձամոլիբդենային կոմբինատ»

https://cdn.am.sputniknews.ru/img/07e5/06/16/28033067_0:0:1600:901_1920x0_80_0_0_b568a01525233cb2cec191cdfb65e523.jpg

ԵՐԵՎԱՆ, 22 հոկտեմբերի – Sputnik. Սյունիքում 1350 մարդ կարող է գործազուրկ մնալ։Զանգեզուրի պղնձամոլիբդենային կոմբինատի նոր սեփականատերը` «Արդյունաբերական ընկերությունը», հայտարարել է կոմբինատի այսքան աշխատակիցների կրճատելու իր որոշման մասին։ Այս մասին Sputnik Արմենիայի հետ զրույցում հայտնեց ՀՀ Ազգային ժողովի «Հայաստան» խմբակցության պատգամավոր, «Զանգեզուրի պղնձամոլիբդենային կոմբինատ» ՓԲԸ խորհրդի նախկին անդամ Վահե Հակոբյանը։Վահե Հակոբյանի գնահատմամբ այդ գործարքն անօրինական է, քանի որ այդ բաժնեմասը դեռ այդ ընկերությանը չէր պատկանում, ու այդ հարցը վիճարկվում է դատարանում, հետևաբար` երրորդ կողմին նվիրաբերվել չէր կարող։Նշենք, որ «Գեոպրոմայնինգ» ընկերությունից հերքում են կոմբինատում զանգվածային կրճատումների մասին լուրերը։ Ընկերության պաշտոնական ներկայացուցիչ Ռուզաննա Գրիգորյանը Sputnik Արմենիայի հետ զրույցում հայտնեց, որ ընկերությունը չի պատրաստվում կրճատել ո՛չ գործարանի, և ո՛չ էլ գործարանը սպասարկող Քաջարանի հանքավայրի աշխատակիցների թիվը:Հիշեցնենք` սեպտեմբերի 30-ին հայտնի դարձավ, որ Զանգեզուրի պղնձամոլիբդենային կոմբինատի բաժնետերերից մեկը` ռուսաստանյան «Արդյունաբերական ընկերություն» բաժնետիրական ընկերությունը, ՀՀ կառավարությանն է նվիրել իր բաժնեմասի 25 տոկոսը։ Նույն օրը կառավարությունը գրավոր կարգով որոշում էր կայացրել նվիրատվությունն ընդունելու մասին։Դե, իսկ քանի որ «Արդյունաբերական ընկերություն» ԲԸ–ին պատկանում է կոմբինատի բաժնետոմսերի 60 տոկոսը, ապա այս գործարքի արդյունքում ՀՀ կառավարությունը դարձել է կոմբինատի 15 տոկոսի բաժնեմասի սեփականատերը։Զանգեզուրի կոմբինատի գործարքի դիմաց ՀՀ–ում նոր ատոմակայան կկառուցվիՀետաքրքրական է, որ «Արդյունաբերական ընկերություն» ԲԸ–ն նախկինում երբեք Զանգեզուրի պղնձամոլիբդենային կոմբինատի բաժնետերերի թվում չի հիշատակվել։ Բանն այն է, որ իրականում այն բաժնետեր է դարձել հենց սեպտեմբերի 30-ին ու նույն օրն էլ իր ձեռք բերած 60 տոկոս բաժնետոմսերի 25 տոկոսը նվիրել կառավարությանը։ Պարզվում է նաև, որ այս ընկերությունն իր հերթին պատկանում է կոմբինատի բաժնետեր «Գեոպրոմայնինգ Արմենիա» ընկերությանը։Նշենք, որ, համաձայն ՌԴ պետռեգիստրի կայքում առկա տեղեկատվության` «Արդյունաբերական ընկերություն» բաժնետիրական ընկերությունը գրանցվել է 2017թ–ի դեկտեմբերի 12-ին։ Ընկերության կենտրոնական գրասենյակը գտնվում է Մոսկվայում։ Ընկերությունը 2017-2019թթ–ին ունեցել է 1 աշխատակից, 2020թ–ի դեկտեմբերի 31-ի դրությամբ` 0։Ավելի ուշ, անդրադառնալով հիշյալ գործարքին, ՀՀ վարչապետ Նիկոլ Փաշինյանն ասել էր, որ ռուսական այդ ընկերությունը կառավարության հետ գործարքի դիմաց ստանձնել է ՀՀ–ում պղնձաձուլական գործարանի կառուցման պարտավորություն և բանակցություններ է վարում ՀՀ–ում նոր ատոմակայան կառուցելու շուրջ։

https://arm.sputniknews.ru/20211004/sa-kvorupciaji-bardzragujn-pilvotazh-e-qvocharjany-zangezuri-kvombinati-gvortsarqi-masin-33907109.html

https://arm.sputniknews.ru/20211002/inch-e-khvostanum-rusakan-kvoghmy-zangezuri-kvombinati-bazhnetvomseri-dimac-33865064.html

սյունիք

2021

Լուրեր

am_HY

սյունիք, աշխատանք, վահե հակոբյան, «զանգեզուրի պղնձամոլիբդենային կոմբինատ»