Բոլդուինը մասնակցել է պատահաբար սպանված օպերատորի հրաժեշտի արարողությանը

© REUTERS / Carlo AllegriАктер Алек Болдуин
Актер Алек Болдуин - Sputnik Արմենիա, 1920, 23.10.2021
Բաժանորդագրվեք
Դերասանը խոստովանել է, որ ցնցված է տեղի ունեցածից։ Նա վստահեցրել է, որ ողբերգական միջադեպը հետաքննելու համար համագործակցում է ոստիկանության հետ։
ԵՐԵՎԱՆ, 23 հոկտեմբերի – Sputnik. Հոլիվուդյան դերասան Ալեք Բոլդուինը մասնակցել է կինոօպերատոր Հալինա Հաթչինսի հրաժեշտի փակ արարողությանը։ Տեղեկությունը հայտնում է New York Post–ը։
Հաթչինսի հրաժեշտի բաց արարողությունը տեղի կունենա այսօր Սանտա Ֆեում։ Երեկ Բոլդուինը Instagram–ի իր գրել էր, որ ցնցված է տեղի ունեցածից և համագործակցում է ոստիկանության հետ ողբերգական միջադեպը հետաքննելու համար։
Նա նաև հայտնել էր, որ կապ է հաստատել մահացածի ընտանիքի հետ և աջակցություն առաջարկել։
Հիշեցնենք՝ Նյու Մեքսիկոյում «Ժանգը» մարտաֆիլմի նկարահանման ժամանակ Բոլդուինը պատահաբար սպանել էր ֆիլմի օպերատորին:
«Խոսքեր չկան»․ Ալեք Բոլդուինը՝ նկարահանման հրապարակում կատարված ողբերգության մասին
Ըստ սցենարի` Բոլդուինը պետք է կրակեր չլիցքավորված ատրճանակից ու ոչ մարտական փամփուշտներով: Բայց կրակոցի պահին փամփուշտը դուրս էր թռել ատրճանակից, բեկորները ցրվել էին ու վիրավորել նկարահանման հրապարակում գտնվող երկու անձի` ռեժիսոր Ջոել Սոուզին ու օպերատոր Հալինա Հաթչինսին։ Նրանք ուղղաթիռով հոսպիտալացվել էին, բայց 42-ամյա կին օպերատորի կյանքը փրկել չէր հաջողվել:
Դերասանին առայժմ մեղադրանք չի առաջադրվել։ Ոստիկանները հետաքննում են կատարվածը։
Լրահոս
0
Սկզբում նորերըՍկզբում հները
loader
ԵԹԵՐՈւՄ Է
Заголовок открываемого материала