Фон для радио  - Sputnik Արմենիա, 1920
ՌԱԴԻՈ

Հակամարտության լուծման մոդերատորը Ռուսաստանն է. Հակոբյանը` Պուտինի հայտարարության մասին

Հակամարտության լուծման մոդեռատորը Ռուսաստանն է. Հակոբյանը` Պուտինի հայտարարության մասին
Բաժանորդագրվեք
Քաղտեխնոլոգ Վիգեն Հակոբյանը Sputnik Արմենիայի հետ զրույցում նշել է, որ Վլադիմիր Պուտինը Ադրբեջանին բավականին հստակ հասկացրեց, որ Արցախում կամ Ադրբեջանի տարածքում որևէ հարց չի կարող լուծում ստանալ առանց խաղաղապահ ուժերի ներկայության։
Վալդայի համաժողովում ունեցած ելույթի ժամանակ ՌԴ նախագահ Վլադիմիր Պուտինի ուղերձն ուղղված էր ոչ միայն տարածաշրջանային խաղացողներին և հակամարտության մասնակիցներին, այլ նաև աշխարհաքաղաքական այն կենտրոններին, որոնք ըստ էության փորձում են կա՛մ վերադառնալ տարածաշրջան, կա՛մ էլ ուզում են մասնակից լինել Արցախի շուրջ բանակցային գործընթացին։ Sputnik Արմենիայի հետ զրույցում նման կարծիք հայտնեց քաղտեխնոլոգ Վիգեն Հակոբյանը։

«Խոսքը միայն Թուրքիայի և արևմտյան երկրների մասին չէ, որոշակի ակնարկներ կան նաև Իրանին, քանի որ չեմ բացառում, որ Ռուսաստանին ինչ-որ չափով մտահոգում է նաև Իրանի ակտիվությունը, ինչը դիտարկվում է որոշակի պայմանավորվածություններից, որոշակի հաստատված ստատուս քվոյից շեղվելու վտանգ»,- ասաց նա։

Հակոբյանի կարծիքով` ՌԴ առաջնորդը բավականին թափանցիկ ակնարկեց, որ հակամարտության լուծման և իրավիճակի կայունացման բանալին գտնվում է Ռուսաստանի ձեռքում, և բոլոր խաղացողները պետք է պայմանավորվեն հիմնական մոդերատորի հետ, այլ ոչ թե հակամարտող կողմերից մեկի, ինչպես դա տեղի է ունենում։
Ժամանակին կտեղեկացնենք. Պեսկովը` Պուտին–Փաշինյան–Ալիև հնարավոր հանդիպման մասին
Քաղտեխնոլոգի խոսքով` Պուտինի հայտարարության մեջ Ադրբեջանին ուղղված ամենակարևոր ուղերձն այն էր, որ Արցախում կամ Ադրբեջանի տարածքում որևէ հարց չի կարող լուծում ստանալ առանց խաղաղապահ ուժերի ներկայության։
«Սա կարևոր էր այն առումով, որ Ադրբեջանը փորձում է անընդհատ քաղաքական սակարկության դնել Ռուսաստանի խաղաղապահ ուժերի ներկայության հարցը` անընդհատ փորձելով ինչ-որ տեղ նաև շանտաժի ենթարկել նաև Ռուսաստանին»,- նշեց Հակոբյանը։
Հիշեցնենք ՌԴ նախագահը Վալդայի համաժողովում հայտարարել էր, որ անհնար է կարգավորել Հայաստանի և Ադրբեջանի սահմանային իրավիճակն առանց Ռուսաստանի մասնակցության, քանի որ սահմանների քարտեզները գտնվում են Ռուսաստանի գլխավոր շտաբում։
ՌԴ-ն հնարավոր ամեն ինչ արել է Ղարաբաղում արյունահեղությունը դադարեցնելու համար. Պուտին
Լրահոս
0
Սկզբում նորերըՍկզբում հները
loader
ԵԹԵՐՈւՄ Է
Заголовок открываемого материала