https://arm.sputniknews.ru/20211023/hivandutjun-kam-refleqs-inchu-en-mardik-hvoranjum-34581619.html
Հիվանդություն կամ ռեֆլեքս. ինչո՞ւ են մարդիկ հորանջում
Հիվանդություն կամ ռեֆլեքս. ինչո՞ւ են մարդիկ հորանջում
Sputnik Արմենիա
Հորանջելը, ըստ էության, շնչառական շարժում է, որը սովորաբար ակամա է առաջանում, բայց արդյոք այն միշտ կարելի՞ է անվտանգ երևույթ համարել։ 23.10.2021, Sputnik Արմենիա
2021-10-23T09:59+0400
2021-10-23T09:59+0400
2021-10-23T09:59+0400
բժիշկ
քուն
հետաքրքիր
https://cdn.am.sputniknews.ru/img/184/01/1840195_0:0:1200:676_1920x0_80_0_0_5e5a35dae3a774ba052f9869541c8546.jpg
ԵՐԵՎԱՆ, 23 հոկտեմբերի – Sputnik. Հորանջելիս թոքերի հյուսվածքները ձգվում են, արյան հոսքը հագենում է թթվածնով, թոքերում օդը թարմացվում է, ինչը մարդուն ավելի աշխույժ վիճակի է բերում, հանում է հոգեկան ծանրաբեռնվածությունը, «Արգումենտի ի ֆակտի» թերթին տված հարցազրույցում ասել է Կլինիկական-ախտորոշիչ կենտրոնի թերապևտիկ բաժանմունքի վարիչի պաշտոնակատար Իրինա Գոլուբկովան։Հաճախ են ասում, որ հորանջելն օգտակար է մարդու օրգանիզմին, քանի որ այդ պահին մկանները թուլանում են, դիաֆրագման բացվում է, իսկ հետո հանգստություն ու հաճելի թեթևություն ես զգում։ Առավել հաճախ, ինչպես նշում են մասնագետները, մարդը հորանջում է քնելուց առաջ կամ քնի վիճակից արթուն վիճակի անցնելիս։Համարվում է, որ հորանջելը ռեֆլեքսային շնչառական գործողություն է, որը բնութագրվում է խորը ներշչումով և արագ արտաշնչումով: Սակայն բժիշկները նշում են, որ հորանջելը ոչ միշտ է անվնաս, կան դեպքեր, երբեմն պետք է նաև զգուշանալ։Մասնագետը նշում է, որ ցանկության դեպքում կարելի է հաշվել, թե քանի անգամ է մարդը հորանջում, և հասկանալ` խնդիրներ ունի, թե ոչ։ Օրական մինչև 23 անգամ հորանջելը շեղում չի հանդիսանում, սակայն ավելորդ հաճախականությունը կարող է խոսել առողջական լուրջ խնդիրների մասին։«Հորանջելը կարող է սիրտ-անոթային համակարգի խանգարումների նշան լինել՝ սրտի և անոթների հետ կապված խնդիրներ, ընդհուպ մինչև սրտամկանի ինֆարկտ։ Իսկ կրծքավանդակի ցավերի, շնչահեղձության, սրտխառնոցի ֆոնին հորանջելը ազդանշան է, որ անհրաժեշտ է անհապաղ դիմել բժշկական օգնության»,-ասում է թերապևտ Գոլուբկովան։Ինչպես կարելի է հաղթահարել աշնանային քնկոտությունըԲացի այդ, մասնագետը նշել է, որ այս ախտանիշը հաճախ զարգանում է Պարկինսոնի հիվանդության և ուղեղի հյուսվածքների վնասվածքների, ճակատային մասի կամ ցողունի ուռուցքների ֆոնին: Զգուշությամբ պետք է վերաբերվել գլխացավով, հիշողության, տեսողության խանգարումներով և այլ ոչ տիպային վիճակներով ուղեկցվող հորանջին:Բժիշկները նշել են նոր սկսվող շաքարային դիաբետի 10 հիմնական ախտանշանները
https://arm.sputniknews.ru/20211018/snndabany-bacatrel-e-inchpes-chhrazharvel-qaghcric-aranc-arvohjutjany-vnas-hascnelu-34339024.html
Sputnik Արմենիա
media@sputniknews.com
+74956456601
MIA „Rosiya Segodnya“
2021
Sputnik Արմենիա
media@sputniknews.com
+74956456601
MIA „Rosiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rosiya Segodnya“
Sputnik Արմենիա
media@sputniknews.com
+74956456601
MIA „Rosiya Segodnya“
բժիշկ, քուն, հետաքրքիր
Հիվանդություն կամ ռեֆլեքս. ինչո՞ւ են մարդիկ հորանջում
Հորանջելը, ըստ էության, շնչառական շարժում է, որը սովորաբար ակամա է առաջանում, բայց արդյոք այն միշտ կարելի՞ է անվտանգ երևույթ համարել։
ԵՐԵՎԱՆ, 23 հոկտեմբերի – Sputnik. Հորանջելիս թոքերի հյուսվածքները ձգվում են, արյան հոսքը հագենում է թթվածնով, թոքերում օդը թարմացվում է, ինչը մարդուն ավելի աշխույժ վիճակի է բերում, հանում է հոգեկան ծանրաբեռնվածությունը, «
Արգումենտի ի ֆակտի» թերթին տված հարցազրույցում ասել է Կլինիկական-ախտորոշիչ կենտրոնի թերապևտիկ բաժանմունքի վարիչի պաշտոնակատար Իրինա Գոլուբկովան։
Հաճախ են ասում, որ հորանջելն օգտակար է մարդու օրգանիզմին, քանի որ այդ պահին մկանները թուլանում են, դիաֆրագման բացվում է, իսկ հետո հանգստություն ու հաճելի թեթևություն ես զգում։ Առավել հաճախ, ինչպես նշում են մասնագետները, մարդը հորանջում է քնելուց առաջ կամ քնի վիճակից արթուն վիճակի անցնելիս։
Համարվում է, որ հորանջելը ռեֆլեքսային շնչառական գործողություն է, որը բնութագրվում է խորը ներշչումով և արագ արտաշնչումով: Սակայն բժիշկները նշում են, որ հորանջելը ոչ միշտ է անվնաս, կան դեպքեր, երբեմն պետք է նաև զգուշանալ։
18 հոկտեմբերի 2021, 08:58
Մասնագետը նշում է, որ ցանկության դեպքում կարելի է հաշվել, թե քանի անգամ է մարդը հորանջում, և հասկանալ` խնդիրներ ունի, թե ոչ։ Օրական մինչև 23 անգամ հորանջելը շեղում չի հանդիսանում, սակայն ավելորդ հաճախականությունը կարող է խոսել առողջական լուրջ խնդիրների մասին։
«Հորանջելը կարող է սիրտ-անոթային համակարգի խանգարումների նշան լինել՝ սրտի և անոթների հետ կապված խնդիրներ, ընդհուպ մինչև սրտամկանի ինֆարկտ։ Իսկ կրծքավանդակի ցավերի, շնչահեղձության, սրտխառնոցի ֆոնին հորանջելը ազդանշան է, որ անհրաժեշտ է անհապաղ դիմել բժշկական օգնության»,-ասում է թերապևտ Գոլուբկովան։
Բացի այդ, մասնագետը նշել է, որ այս ախտանիշը հաճախ զարգանում է Պարկինսոնի հիվանդության և ուղեղի հյուսվածքների վնասվածքների, ճակատային մասի կամ ցողունի ուռուցքների ֆոնին: Զգուշությամբ պետք է վերաբերվել գլխացավով, հիշողության, տեսողության խանգարումներով և այլ ոչ տիպային վիճակներով ուղեկցվող հորանջին:
