ՔՊ-ն Մարդու իրավունքների պաշտպանի պաշտոնում նաև Մարուքյանին է տեսնում․ «Ժողովուրդ»

© Sputnik / Asatur YesayantsԷդմոն Մարուքյան
Էդմոն Մարուքյան - Sputnik Արմենիա, 1920, 23.10.2021
Էդմոն Մարուքյան
Բաժանորդագրվեք
Արման Թաթոյանի պաշտոնավարման ժամկետն ավարտվում է 2022 թվականի փետրվարին, Անվտանգության խորհրդի քարտուղարն արդեն ասել է, որ ՔՊ–ն այդ ժամանակ կներկայացնի ՄԻՊ գրասենյակի ղեկավարի իր թեկնածուին։
ԵՐԵՎԱՆ, 23 հոկտեմբերի – Sputnik. «Ժողովուրդ» օրաթերթը գրում է, որ «Քաղաքացիական պայմանագիր» կուսակցությունը Մարդու իրավունքների պաշտպանի պաշտոնի համար դիտարկում է նաև «Լուսավոր Հայաստան» կուսակցության նախագահ Էդմոն Մարուքյանի թեկնածությունը:

«Վարչապետ Նիկոլ Փաշինյանի մոտ Մարուքյանի մասով որոշ շրջանակներ լոբբինգ են արել»,- նշում է օրաթերթը:

Թե ինչ տրամադրվածություն ունի ԼՀԿ առաջնորդն այդ հարցի առնչությամբ, պարբերականը փորձել է անձամբ նրանից պարզել, բայց Մարուքյանը զանգերին չի պատասխանել։
ՀՀ ՄԻՊ Արման Թաթոյանի պաշտոնավարման ժամկետն ավարտվում է 2022 թվականի փետրվարի 23-ին։ Անվտանգության խորհրդի քարտուղար Արմեն Գրիգորյանը օրերս լրատվամիջոցներից մեկին տված հարցազրույցում ասել էր, որ Թաթոյանի պաշտոնավարման ավարտից հետո «Քաղաքացիական պայմանագիրը» կներկայացնի ՄԻՊ գրասենյակի ղեկավարի իր թեկնածուին:
Արման Թաթոյան - Sputnik Արմենիա, 1920, 22.10.2021
«Թեման համարում եմ փակված». Թաթոյանը պատասխանել է ՀՀ պաշտպանության նախարարին
Նշենք, որ համաձայն Պաշտպանի մասին ՀՀ սահմանադրական օրենքի՝ պաշտպանն իր լիազորությունների իրականացման ժամանակահատվածում չի կարող լինել որևէ կուսակցության անդամ կամ որևէ այլ կերպ զբաղվել քաղաքական գործունեությամբ:
Պաշտպանի պաշտոնում կարող է ընտրվել 25 տարին լրացած, հասարակության մեջ բարձր հեղինակություն վայելող, բարձրագույն կրթություն ունեցող, վերջին չորս տարում միայն Հայաստանի Հանրապետության քաղաքացի հանդիսացող, վերջին չորս տարում Հայաստանի Հանրապետությունում մշտապես բնակվող և ընտրական իրավունք ունեցող, ինչպես նաև հայերենին տիրապետող յուրաքանչյուր ոք: Նշենք, որ ՄԻՊ-ին ԱԺ իրավասու մշտական հանձնաժողովի առաջարկությամբ ընտրում է Ազգային ժողովը պատգամավորների ընդհանուր թվի ձայների առնվազն 3/5-ով, 6 տարի ժամկետով:
Министр обороны Аршак Карапетян принял главу делегации Международного комитета Красного Креста в Армении Тьерри Рибо (24 сентября 2021). Еревaн - Sputnik Արմենիա, 1920, 22.10.2021
Արշակ Կարապետյանը հարց է ուղղել Արման Թաթոյանին
Լրահոս
0
Սկզբում նորերըՍկզբում հները
loader
ԵԹԵՐՈւՄ Է
Заголовок открываемого материала