Հայաստանը կարող է լավ հարթակ լինել նոր տեխնոլոգիաների պրոբացիայի համար. Արմայիս Քամալով

© Photo : official site of the President of RAԴիլիջանում շարունակվում է «Մտքերի հայկական գագաթնաժողովը»
Դիլիջանում շարունակվում է «Մտքերի հայկական գագաթնաժողովը» - Sputnik Արմենիա, 1920, 24.10.2021
Բաժանորդագրվեք
Մասնակիցները քննարկել են նաև տեխնոլոգիաների շնորհիվ հեռավար և որակյալ կրթությունը հասանելի դարձնելու հնարավորությունները։
ԵՐԵՎԱՆ, 24 հոկտեմբերի – Sputnik. Դիլիջանում շարունակվում է «Մտքերի հայկական գագաթնաժողովը», որի շրջանակում քննարկում են նաև տեխնոլոգիական զարգացումներն ու ապագայում տարբեր ոլորտների վրա դրանց ազդեցությունը։ Տեղեկությունը հայտնում է ՀՀ նախագահի մամուլի ծառայությունը։
Քննարկվել են կորոնավիրուսի համավարակի հետևանքով առաջացած տնտեսական, սոցիալական, առողջապահական ու քաղաքական փոփոխությունները, որոնք հանգեցնում են պետության հետ նոր հարաբերությունների, որտեղ տեխնոլոգիաները հանդես են գալիս որպես շարժիչ ուժ, խոսվել է կրթության և առողջապահության վրա համավարակի ազդեցության մասին։
© Photo : official site of the President of RAԴիլիջանում շարունակվում է «Մտքերի հայկական գագաթնաժողովը»
Դիլիջանում շարունակվում է «Մտքերի հայկական գագաթնաժողովը» - Sputnik Արմենիա, 1920, 24.10.2021
Դիլիջանում շարունակվում է «Մտքերի հայկական գագաթնաժողովը»
«Մասնակիցները մտքեր ու գաղափարներ են փոխանակել կանխարգելիչ առողջապահության վրա կենտրոնանալու անհրաժեշտության, տեխնոլոգիաների շնորհիվ հեռավար և որակյալ կրթությունը հասանելի դարձնելու հնարավորությունների շուրջ»,- նշված է հաղորդագրության մեջ։
«Գլոբալ մեգամիտումներն ու ֆինանսական աշխարհը» խորագրով քննարկումները ծավալվել են աշխարհում տարբեր ոլորտներում կատարվող փոփոխությունների, ինչպես նաև ֆինանսական աշխարհի վրա դրանց ազդեցության շուրջ։
Արմեն Սարգսյանը «Ապագայի զրույցներ» խորագրի շրջանակում քննարկում է ունեցել ռուսաստանյան Yandex ընկերության փոխտնօրեն Տիգրան Խուդավերդյանի հետ։ - Sputnik Արմենիա, 1920, 24.10.2021
Նոր իրողությունները նաև նոր հնարավորություն են Հայաստանի համար. Yandex-ի փոխտնօրեն
Քննարկմանը մասնակցած Մոսկվայի Լոմոնոսովի անվան պետական համալսարանի համալսարանական կլինիկայի տնօրեն, ակադեմիկոս Արմայիս Քամալովը կարևորել է «Մտքերի հայկական գագաթնաժողովը»։ Նրա կարծիքով՝ շնորհիվ նրա, որ Հայաստանը փոքր երկիր է, այն կարող է դառնալ տեխնոլոգիաների պրոբացիաների մի նոր հարթակ, որից հետո այդ տեխնոլոգիաները դուրս կբերվեն Հայաստանից ու մասշտաբային կդառնան։
«Մեզ համար Հայաստանը միշտ եղել է ինտելեկտուալ երկիր։ Ես ինքս հայ եմ, որը երբեք չի ապրել Հայաստանում, բայց այստեղ այցելելիս ես հասկանում եմ, որ այս երկրի հիմնական արժեքը մարդիկ են․ կա հնարավորություն գտնելու բարձրտեխնոլոգիական ուղղությունների մասնագետներ, որոնք այսօր էլ մրցունակ են ոլորտում»,- նշում է Քամալովը։
© Photo : official site of the President of RAԴիլիջանում շարունակվում է «Մտքերի հայկական գագաթնաժողովը»
Դիլիջանում շարունակվում է «Մտքերի հայկական գագաթնաժողովը» - Sputnik Արմենիա, 1920, 24.10.2021
Դիլիջանում շարունակվում է «Մտքերի հայկական գագաթնաժողովը»
«Մտքերի գագաթնաժողովի» կազմակերպիչ, «The Monthly Barometer» վերլուծական հանդեսի հիմնադիր Թիերի Մալըրեն հույս ունի, որ տարբեր երկրներից տարբեր մարդկանց բերելով Հայաստան՝ «Մտքերի գագաթնաժողովին», հնարավոր կդառնա նոր մտքեր գեներացնել, որոնք առաջիկա տարիներին կզարգանան Հայաստանում։
Գագաթնաժողովի ընթացքում շարունակվել են նաև «Ապագայի զրույցներ» խորագրով քննարկումները։ Նախագահ Արմեն Սարգսյանը զրուցել է Ռուսաստանի Դաշնության նախագահի՝ միջազգային մշակութային համագործակցության հարցերով հատուկ ներկայացուցիչ Միխայիլ Շվիդկոյի, «Նեսթլե» ընկերության պատվավոր նախագահ Փիթեր Բրաբեք-Լետմաթի, նոբելյան մրցանակակիր Քիփ Թորնի հետ։
Լրահոս
0
Սկզբում նորերըՍկզբում հները
loader
ԵԹԵՐՈւՄ Է
Заголовок открываемого материала