Հայաստանն առաջնային է համարում թվային տնտեսության ստեղծումը. Վահագն Խաչատուրյան

© Sputnik / Asatur YesayantsՎահագն Խաչատուրյան
Վահագն Խաչատուրյան - Sputnik Արմենիա, 1920, 25.10.2021
Բաժանորդագրվեք
Եվրասիական տնտեսական միության թվային տարածքի ձևավորումը ինտեգրման զարգացման կարևոր բաղադրիչ է։
ԵՐԵՎԱՆ, 25 հոկտեմբերի - Sputnik. Հայաստանն առաջնահերթություն է համարում թվային տնտեսության ստեղծումը, ինչը թույլ կտա ավելի խորը ինտեգրվել Եվրասիական տնտեսական միությանը։ «ԵԱՏՄ թվային տարածք. մարտահրավերներ և ձեռքբերումներ» թեմայով Եվրոպա-Ասիա տեսակապի ժամանակ նման կարծիք հայտնեց Հայաստանի բարձր տեխնոլոգիական արդյունաբերության նախարար Վահագն Խաչատուրյանը։
Նախարարն ավելացրեց, որ այսօր բոլոր երկրներն ու ընկերությունները շահագրգռված են տնտեսության թվայնացման հարցում, քանի որ ժամանակակից աշխարհում անհնար է առանց դրա զարգանալ:
Հայաստանում հենց Խաչատուրյանի գլխավորած գերատեսչությունն է վերահսկում այդ գործընթացը և մշակում հետագա զարգացման քաղաքականությունը։

«Այժմ մտածում ենք՝ ինչպես շարունակել` անհատական մոտեցո՞ւմ ցուցաբերել, թե՞ այլ երկրների փորձը կիրառել՝ հաշվի առնելով մեր առանձնահատկությունները։ Եվ այդ իմաստով ԵԱՏՄ-ն թույլ է տալիս ինտեգրվել տնտեսական տարածքին ոչ միայն ապրանքների և ծառայությունների, այլ նաև թվային ծառայությունների միջոցով», - նշեց նա։

Խաչատուրյանը տեղեկացրեց, որ Հայաստանում թվայնացվել է շուրջ 300 ծառայություն, նախատեսվում է թվայնացնել ևս 500-600-ը: Նախարարն ընդգծեց, որ անհրաժեշտ է մշակել թվայնացման միասնական ստանդարտ, ձևավորել իրավական դաշտ ու լուծել կիբեռանվտանգության հարցը:
Իյա Մալկինա - Sputnik Արմենիա, 1920, 20.10.2021
ԵԱՏՄ երկրների արտաքին առևտուրը 10%-ով գերազանցել է նախաճգնաժամային մակարդակը. Մալկինա
ԵԱՏՀ տեղեկատվական տեխնոլոգիաների վարչության պետ Ալեքսանդր Ալեքսանյանն իր հերթին նշեց, որ Եվրասիական տնտեսական միության թվային տարածքի ձևավորումն ինտեգրման զարգացման կարևոր բաղադրիչ է: Այդ ուղղությամբ այսօր մի քանի նախագծեր են իրականացվում։

«Դա ամռանն ավարտված «Աշխատանքի առանց սահմանների» որոնման համակարգի միասնականացման նախագիծ է։ Համակարգը ԵԱՏՄ երկրների քաղաքացիներին թույլ է տալիս թափուր աշխատատեղեր գտնել միության ցանկացած երկրում, իսկ գործատուներին հնարավորություն է տալիս աշխատակիցներ փնտրել», – նշեց նա։

Ալեքսանյանն ավելացրեց, որ նախատեսվում է ներդնել էլեկտրոնային պայմանագրերի համակարգ, որը հայցորդներին աշխատանքային պայմանագրի կետերի կատարման երաշխիքներ կապահովի: Եվս մեկը վերաբերում է ԵԱՏՄ շրջանակում թվային տեխնիկական կանոնակարգմանը։ Այն ուղղված է արտադրողներին, դրա հիմնական նպատակն է արտադրանքի նկատմամբ պարտադիր պահանջների ձևավորման գործընթացների թվայնացումը և տեխնիկական կարգավորման ոլորտում միջազգային և տարածաշրջանային ստանդարտների մշակումը։
Министр по внутренним рынкам, информатизации и информационно-коммуникационным технологиям Евразийской экономической комиссии Гегам Варданян  - Sputnik Արմենիա, 1920, 06.09.2021
ԵԱՏՄ–ի ոսկերչական իրերի վրա դրոշմների փոխադարձ ճանաչումն արդեն ընթացքի մեջ է. Վարդանյան
Նշենք, որ թվայնացումը եվրասիական տարածքում տեղեկատվական օրակարգի ամենահրատապ հարցերից է։ Այն պայմաններում, երբ համաշխարհային տնտեսությունը դեռ անկայուն վիճակում է, թվային տնտեսությունը դառնում է տնտեսական վերելքի ու կայուն զարգացման շարժիչը: ԵԱՏՄ թվային տարածքի, թվային ենթակառուցվածքների և էկոհամակարգերի ձևավորումը թվային ինքնիշխանության պահպանման դեպքում Եվրասիական տնտեսական միության կարևորագույն խնդիրներից է:
Amazon-ի, Alibaba-ի ու մյուսների առաջ նոր պայմաններ կդնեն ՀՀ–ում և ԵԱՏՄ-ում վաճառքի համար
Լրահոս
0
Սկզբում նորերըՍկզբում հները
loader
ԵԹԵՐՈւՄ Է
Заголовок открываемого материала