Կարեն Անդրեասյանն ընդունել է ՀՀ–ում ՌԴ դեսպանին

© Photo : official site of Ministry of Justice of RAԿարեն Անդրեասյանն ընդունել է ՀՀ–ում ՌԴ դեսպանին
Կարեն Անդրեասյանն ընդունել է ՀՀ–ում ՌԴ դեսպանին - Sputnik Արմենիա, 1920, 25.10.2021
Կարեն Անդրեասյանն ընդունել է ՀՀ–ում ՌԴ դեսպանին
Բաժանորդագրվեք
Անդրեասյանը բարձր է գնահատել ՀՀ–ի և ՌԴ–ի միջև ռազմավարական և գործընկերային հարաբերությունները։
ԵՐԵՎԱՆ, 25 հոկտեմբերի – Sputnik. ՀՀ արդարադատության նախարար Կարեն Անդրեասյանը հոկտեմբերի 25-ին ընդունել է Հայաստանում Ռուսաստանի Դաշնության արտակարգ և լիազոր դեսպան Սերգեյ Կոպիրկինին: Տեղեկությունը հայտնում է ՀՀ արդարադատության նախարարության մամուլի ծառայությունը։
Ըստ հաղորդագրության` Անդրեասյանը բարձր է գնահատել երկու երկրների ռազմավարական և գործընկերային հարաբերություններն ու դեսպան Կոպիրկինին ներկայացրել նախարարության բարեփոխումների լայն օրակարգը։ Այն վերաբերել է Սահմանադրության բարեփոխումներին, հակակոռուպցիոն քաղաքականությանը, ոստիկանության բարեփոխումներին և այլ ոլորտների:
Սերգեյ Կոպիրկին - Sputnik Արմենիա, 1920, 15.10.2021
Ռուսաստանը միակն է, որ ծանրագույն շրջանում Հայաստանի մեջքին կանգնեց․ Կոպիրկին
Կարևորելով նաև հանրային ծառայությունների բնագավառում բարեփոխումներ իրականացնելու նպատակադրումը՝ Անդրեասյանը ՌԴ դեսպանի հետ զրույցում անդրադարձել է Հայաստանի և Ռուսաստանի քաղաքացիական կացության ակտերի գրանցման գործակալությունների միջև փոխգործակցության խորացման հնարավորությանը՝ հատկապես միասնական էլեկտրոնային հարթակի ստեղծման ուղղությամբ։
Նախարարը դեսպանին խնդրել է իր ջերմ ողջույնները փոխանցել Ռուսաստանի Դաշնության արդարադատության նախարար Կոնստանտին Չույչենկոյին, միաժամանակ պատրաստակամություն է հայտնել անձամբ հանդիպելու ռուս գործընկերոջն ու քննարկելու փորձի փոխանակմանը վերաբերող մի շարք հարցեր։
Հայաստանը կարևորում է ռուսերենի զարգացման հարցը. Դումանյանն ընդունել է ՌԴ պատվիրակությանը
Լրահոս
0
Սկզբում նորերըՍկզբում հները
loader
ԵԹԵՐՈւՄ Է
Заголовок открываемого материала