Քարկոծել են Երևան-Գյումրի մարդատար էլեկտրագնացքը

© Photo : ЮКЖДՔարկոծել են Երևան-Գյումրի մարդատար էլեկտրագնացքը
Քարկոծել են Երևան-Գյումրի մարդատար էլեկտրագնացքը - Sputnik Արմենիա, 1920, 25.10.2021
Քարկոծել են Երևան-Գյումրի մարդատար էլեկտրագնացքը
Բաժանորդագրվեք
Ընկերությունը քաղաքացիներին կրկին հիշեցնում է, որ հնարավոր է` քրեական պատասխանատվություն կրեն այն մարդիկ, որոնց անօրինական գործողությունները կարող են սպառնալ երթևեկության անվտանգությանը։
ԵՐԵՎԱՆ, 25 հոկտեմբերի – Sputnik. Երևան-Գյումրի-Երևան երթուղին սպասարկող էլեկտրագնացքի վրա անհայտ անձինք քարեր են նետել, ինչի հետևանքով կոտրվել է էլեկտրագնացքի կողային պատուհաններից մեկի ապակին։ Տեղեկությունը հայտնում է «Հարավկովկասյան երկաթուղիների» մամուլի ծառայությունը` հավելելով, որ դեպքը տեղի է ունեցել հոկտեմբերի 23–ին։
Տեղեկացվում է, որ միջադեպը գրանցվել է Նորագավիթ-Երևան հատվածում: Բարեբախտաբար, ուղևորներից ոչ ոք չի տուժել։
Արարատի մարզում բեռնատար գնացքը մետաղե ջարդոնի է վերածել երկաթուղային գծերի վրա հայտնված մեքենան - Sputnik Արմենիա, 1920, 06.10.2021
Արարատի մարզում բեռնատար գնացքը մետաղե ջարդոնի է վերածել գծերի վրա հայտնված մեքենան
Հարավկովկասյան երկաթուղու անվտանգության ծառայության աշխատակիցները, իրավապահ մարմինների հետ համատեղ, միջոցներ են ձեռնարկում հարձակվողին հայտնաբերելու ուղղությամբ:
Ընկերությունը քաղաքացիներին կրկին զգուշացնում է, որ երկաթուղու երթևեկության անվտանգության նկատմամբ պետք է պատասխանատու վերաբերմունք ունենալ, ինչպես նաև հիշեցնում, որ հնարավոր է` քրեական պատասխանատվություն կրեն այն մարդիկ, որոնց անօրինական գործողությունները կարող են սպառնալ երթևեկության անվտանգությանը կամ ուղևորների կյանքին ու առողջությանը։
Հայաստանը և ՀԿԵ-ն կրկին կգործարկեն Փոթի-Կովկաս նավահանգիստ լաստանավային հաղորդակցությունը
Ընկերությունը նաև ծնողներին կոչ է անում բացատրել երեխաներին և դեռահասներին երկաթուղու վրա անպատասխանատու պահվածքի հնարավոր ծանր հետևանքները:
«ՀԿԵ» ՓԲԸ-ն հանդիսանում է «Ռուսական երկաթուղիներ» ԲԲԸ-ի դուստր ընկերություն և իրականացնում է Հայաստանի երկաթուղային համակարգի կոնցեսիոն կառավարումը: Համաձայն 2008 թ. փետրվարի 13-ին Երևանում կնքված պայմանագրի՝ կոնցեսիոն կառավարման ժամկետը կազմում է 30 տարի՝ կողմերի փոխադարձ համաձայնությամբ ևս 10 տարի երկարացման իրավունքով:
Լրահոս
0
Սկզբում նորերըՍկզբում հները
loader
ԵԹԵՐՈւՄ Է
Заголовок открываемого материала