ՀՀ քաղաքացիություն կարող են ստանալ հայերենին չտիրապետող անձինք. ԱԺ–ն քննարկում է նախագիծը

Արա Ֆիդանյան - Sputnik Արմենիա, 1920, 26.10.2021
Բաժանորդագրվեք
«ՀՀ քաղաքացիության մասին օրենքում» մի շարք փոփոխություններ են առաջարկում կատարել, որոնցից մեկն էլ վերաբերում է այն հարցին, որ քաղաքացիություն ստանալու դիմումները 6 ամսվա փոխարեն քննարկվեն 90 աշխատանքային օրվա ընթացքում։
ԵՐԵՎԱՆ, 26 հոկտեմբերի – Sputnik. ԱԺ–ն առաջին ընթերցմամբ քննարկում է «ՀՀ քաղաքացիության մասին օրենքում» փոփոխություններ և լրացումներ կատարելու մասին օրենքի նախագիծը։
ՀՀ ոստիկանապետի տեղակալ Արա Ֆիդանյանը, ներկայացնելով նախագիծը, հայտնեց, որ առաջարկվում է ՀՀ–ում մշտապես բնակվող հայերի, նախկին ԽՍՀՄ այլ հանրապետությունների քաղաքացիների համար ՀՀ քաղաքացիության ճանաչման դիմում ներկայացնելու` օրենքով սահմանված ժամկետը երկարաձգել մինչև 2023-ի դեկտեմբերի 31-ը։

«Բացի այդ, նախագծով առաջարկում ենք այն անձանց, որոնք ունեն ՀՀ քաղաքացի հանդիսացող չափահաս զավակներ, իրավունք վերապահել առանց ՀՀ-ում 3 տարի մշտական բնակության և հայերենով բացատրվելու կարողության պահանջի` ձեռք բերել ՀՀ քաղաքացիություն։ Առաջարկվում է նաև ՀՀ քաղաքացիություն ձեռք բերելիս առաջին անգամ ՀՀ քաղաքացու անձնագիր ստանալու հնարավորություն նախատեսել բոլոր օտարերկրյա պետություններում գործող ՀՀ դեսպանություններում և հյուպատոսական հիմնարկներում»,–ասաց Ֆիդանյանը։

Նա հայտնեց, որ կարգավորվում են նաև քաղաքացիության դադարեցման հարցերը, իրավակարգավորումները։ Առաջարկվում են ՀՀ քաղաքացիության ձեռքբերման և դադարեցման նոր կարգավորումներ, ըստ այդմ, ՀՀ քաղաքացիության դիմումների քննարկման արդյունքում ոստիկանության կազմած դրական եզրակացություններն անմիջապես կներկայացվեն նախագահին, իսկ քաղաքացիության հարցերով միջգերատեսչական հանձնաժողովի քննարկմանը կներկայացվի միայն ոստիկանության կազմած բացասական եզրակացությունները։
ՀՀ անձնագիր - Sputnik Արմենիա, 1920, 15.10.2021
Նույնականացման քարտի և անձնագրի դիզայնը կփոխվի. ՀՀ ոստիկանությունը մրցույթ է հայտարարել
Ֆիդանյանը հավելեց, որ առաջարկվում է փոփոխել քաղաքացիություն ստանալու դիմումների քննարկման ժամկետը` 6 ամսվա փոխարեն սահմանելով 90 աշխատանքային օր։
«Հայաստան» խմբակցության պատգամավոր Գեղամ Նազարյանը հետաքրքրվեց, թե հնարավոր չէ՞ վերանայել այն դրույթը, ըստ որի` ՀՀ քաղաքացիություն կարող է տրամադրվել նաև հայերենին չտիրապետող անձին։ Ըստ Նազարյանի` քաղաքացիություն տալուց հետո պետք է որոշակի ժամկետ սահմանվի, և նա այդ ընթացքում սովորի հայերեն։
Սակայն Ֆիդանյանը նշեց, որ դա կարող է խնդիրներ առաջացնել, քանի որ եթե տվյալ անձը սահմանված ժամկետում չտիրապետի հայերենին, ապա պետք է նրան քաղաքացիությունից զրկելու գործիքակազմ սահմանեն։
Սա, ըստ փոխոստիկանապետի, վարչարարությունը կբարդացնի։
Անձնագրային փոփոխությունները կատարվել են միջազգային փորձի ուսումնասիրության հիման վրա - Sputnik Արմենիա, 1920, 14.10.2021
ՌԱԴԻՈ
Արցախի քաղաքացիների հարցն էլ կլուծվի. Բիչախչյանը` անձնագրային փոփոխությունների մասին
Լրահոս
0
Սկզբում նորերըՍկզբում հները
loader
ԵԹԵՐՈւՄ Է
Заголовок открываемого материала