Լոռու ԴԱՀԿ աշխատակիցները կաշառք են վերցրել, 3-ը կալանավորել են. ԱԱԾ-ի բացահայտումը

© Sputnik / Asatur YesayantsԿաշառք
Կաշառք - Sputnik Արմենիա, 1920, 26.10.2021
Կաշառք
Բաժանորդագրվեք
ԱԱԾ քննչական դեպարտամենտում հարուցված քրեական գործի նախաքննությամբ ձեռք են բերվել փաստական տվյալներ։
ԵՐԵՎԱՆ, 26 հոկտեմբերի – Sputnik. ՀՀ ազգային անվտանգության ծառայությունը բացահայտել է, որ Արդարադատության նախարարության հարկադիր կատարումն ապահովող ծառայության Լոռու բաժնի աշխատակիցները կոռուպցիոն գործարքներ են իրականացրել։ Տեղեկությունը հայտնում են ԱԱԾ մամուլի բաժնից։
«Հարկադիր կատարողներն իրենց մոտ գտնվող վարույթների շրջանակներում մի շարք քաղաքացիների բանկային հաշիվների վրա դրված արգելանքները վերացնելու, կատարողական վարույթների շրջանակներում հաշվարկվող կատարողական ծախսերը չգանձելու և մի շարք այլ անօրինական գործողություններ կատարելու համար 2020-2021 թթ. մեկ տասնյակից ավելի պարտապաններից պահանջել են կաշառք»,– ասված է հաղորդագրության մեջ։
Полковник Службы национальной безопасности Сероб Арутюнян - Sputnik Արմենիա, 1920, 18.10.2021
ԱԱԾ նախկին պաշտոնյայի ապօրինի ծագման գույքը կբռնագանձնվի․ դատախազությունը դիմել է դատարան
Քրեական գործի նախաքննությամբ ձեռք բերված ապացույցների բավարար համակցությամբ պարզվել է նաև, որ ԴԱՀԿ աշխատակիցներից մեկը, տեղյակ լինելով 2 քաղաքացու կողմից մի շարք բանկերում և վարկային կազմակերպություններում ունեցած 6.000.000 և 3.900.000 ՀՀ դրամ վարկային պարտավորությունների մասին, հիշյալ քաղաքացիներին դրդել է կեղծ սնանկության։ Հարկադիր ծառայողը կուտակված պարտքերը չվճարելու նպատակով պարտատերերին հորդորել է սեփական սնանկության ճանաչման մասին հայցադիմում ներկայացնել դատարան։ Ստացվում է, որ անձինք դատարան են ներկայացրել կեղծ փաստաթղթեր, որոնց օգտագործմամբ հնարավոր է եղել արհեստականորեն ավելացնել պարտատերերի քանակը, կեղծ հիմքեր ստեղծել նրանց մոտ անվճարունակության հատկանիշների առկայության և օրենքով սնանկ ճանաչելու:

Ընդ որում, հարկադիր կատարողը վերը հիշատակված ակնհայտ ապօրինի գործողությունների համար քաղաքացիներից մեկից պահանջել և առձեռն ստացել է ընդհանուր խոշոր չափերի՝ 500.000 ՀՀ դրամ գումար կաշառք, իսկ մյուսից՝ 350.000 ՀՀ դրամ գումար կաշառք:

Քրգործի քննության ընթացքում կատարվել է մեկ տասնյակից ավելի խուզարկություն, առգրավվել են խնդրո առարկա կատարողական վարույթները, ձեռք են բերվել մեղսագրվող արարքներում հարկադիր կատարողների ներգրավվածությունը վկայող ակնհայտ տվյալներ:
Չարաշահում, կաշառք, վատնում. Դիլիջանի նախկին քաղաքապետի գործի նախաքննությունն ավարտվել է
Գործով ձեռք բերված ապացույցների բավարար համակցության պայմաններում մեղադրանք է առաջադրվել ընդհանուր 10 անձի, հարկադիր կատարողներից 3 նկատմամբ կալանավորումը որպես խափանման միջոց ընտրելու միջնորդություններ են ներկայացվել դատարան, որոնք բավարարվել են:
Լրահոս
0
Սկզբում նորերըՍկզբում հները
loader
ԵԹԵՐՈւՄ Է
Заголовок открываемого материала