Մեծ պատիվ է. Նատալյա Օրեյրոն շնորհակալություն է հայտնել ՌԴ քաղաքացիություն շնորհելու համար

© Sputnik / Виктор Вытольский / Անցնել ֆոտոբանկАктриса и певица Наталия Орейро
Актриса и певица Наталия Орейро  - Sputnik Արմենիա, 1920, 26.10.2021
Բաժանորդագրվեք
Օրեյրոն ավելի վաղ դիմել էր Բուենոս Այրեսում Ռուսաստանի դեսպանատուն՝ իրեն ՌԴ քաղաքացիություն տրամադրելու խնդրանքով:
ԵՐԵՎԱՆ, 26 հոկտեմբերի – Sputnik. Ուրուգվայցի երգչուհի և դերասանուհի Նատալյա Օրեյրոն շնորհակալություն է հայտնել Ռուսաստանին և ՌԴ բոլոր քաղաքացիներին` իրեն ՌԴ քաղաքացիություն շնորհելու համար։ Նա այդ մասին հայտնել է ВКонтакте սոցիալական ցանցի իր էջում։
«Ինձ համար հպարտությունէ, որ նման պատվի եմ արժանացել։ Մեր հարաբերությունները հիմնված են ավելի քան 20 տարվա սիրո վրա, և ես զգում եմ, որ այդ կապն էլ ավելի ամուր կդառնա»,– գրել է Օրեյրոն և հայտնել, որ բոլորին շատ է սիրում։
Торжественное открытие пресс-центра ЧМ в Москве  - Sputnik Արմենիա, 1920, 08.01.2021
Առանց վարանելու ռուսական պատվաստանյութը կընտրեմ. Նատալյա Օրեյրո
Հիշեցնենք, որ հոկտեմբերի 25-ին Ռուսաստանի նախագահ Վլադիմիր Պուտինը Ռուսաստանի քաղաքացիություն է շնորհել ուրուգվայցի երգչուհի և դերասանուհի Նատալյա Օրեյրոյին և նրա որդուն։
Օրեյրոն հայ հանդիսատեսին առավել հայտնի է «Վայրի հրեշտակ» հեռուստասերիալից։
Դերասանուհին մի առիթով հիշել էր Ռուսաստան իր առաջին ուղևորության մասին, երբ դեռ 20 տարեկան էր: Նա ընդգծել է, որ չնայած երկրպագուներ ունի Եվրոպայի շատ երկրներում, Ռուսաստանում նրան ավելի ջերմ են մարդիկ դիմավորում:
Նշենք, որ Նատալյա Օրեյրոն ավելի վաղ դիմել էր Բուենոս Այրեսում Ռուսաստանի դեսպանատուն՝ իրեն ՌԴ քաղաքացիություն տրամադրելու խնդրանքով:
Լրահոս
0
Սկզբում նորերըՍկզբում հները
loader
ԵԹԵՐՈւՄ Է
Заголовок открываемого материала